૧-૬. પટિચ્ચવારાદિ

પચ્ચયચતુક્કં

હેતુપચ્ચયાદિ

૪૪. હેતું અબ્યાકતં ધમ્મં પટિચ્ચ હેતુ અબ્યાકતો ધમ્મો ઉપ્પજ્જતિ હેતુપચ્ચયા. હેતું અબ્યાકતં ધમ્મં પટિચ્ચ નહેતુ અબ્યાકતો ધમ્મો ઉપ્પજ્જતિ હેતુપચ્ચયા. હેતું અબ્યાકતં ધમ્મં પટિચ્ચ હેતુ અબ્યાકતો ચ નહેતુ અબ્યાકતો ચ ધમ્મા ઉપ્પજ્જન્તિ હેતુપચ્ચયા. (૩)

૪૫. નહેતું અબ્યાકતં ધમ્મં પટિચ્ચ નહેતુ અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

હેતું અબ્યાકતઞ્ચ નહેતું અબ્યાકતઞ્ચ ધમ્મં પટિચ્ચ હેતુ અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

૪૬. હેતું અબ્યાકતં ધમ્મં પટિચ્ચ હેતુ અબ્યાકતો ધમ્મો ઉપ્પજ્જતિ આરમ્મણપચ્ચયા (સંખિત્તં).

૪૭. હેતુયા નવ, આરમ્મણે નવ, અધિપતિયા નવ, અનન્તરે નવ, સમનન્તરે નવ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે નવ, પુરેજાતે નવ, આસેવને નવ, કમ્મે નવ, વિપાકે નવ, આહારે નવ, ઇન્દ્રિયે નવ, ઝાને નવ, મગ્ગે નવ, સમ્પયુત્તે નવ, વિપ્પયુત્તે નવ, અત્થિયા નવ, નત્થિયા નવ, વિગતે નવ, અવિગતે નવ (અનુલોમં).

નહેતુ-નઆરમ્મણપચ્ચયા

૪૮. નહેતું અબ્યાકતં ધમ્મં પટિચ્ચ નહેતુ અબ્યાકતો ધમ્મો ઉપ્પજ્જતિ નહેતુપચ્ચયા. (૧)

૪૯. હેતું અબ્યાકતં ધમ્મં પટિચ્ચ નહેતુ અબ્યાકતો ધમ્મો ઉપ્પજ્જતિ નઆરમ્મણપચ્ચયા. (૧)

નહેતું અબ્યાકતં ધમ્મં પટિચ્ચ નહેતુ અબ્યાકતો ધમ્મો ઉપ્પજ્જતિ નઆરમ્મણપચ્ચયા. (૧)

હેતું અબ્યાકતઞ્ચ નહેતું અબ્યાકતઞ્ચ ધમ્મં પટિચ્ચ નહેતુ અબ્યાકતો ધમ્મો ઉપ્પજ્જતિ નઆરમ્મણપચ્ચયા. (૧)

નઅધિપતિપચ્ચયાદિ

૫૦. હેતું અબ્યાકતં ધમ્મં પટિચ્ચ હેતુ અબ્યાકતો ધમ્મો ઉપ્પજ્જતિ નઅધિપતિપચ્ચયા… નવ…પે….

૫૧. હેતું અબ્યાકતં ધમ્મં પટિચ્ચ નહેતુ અબ્યાકતો ધમ્મો ઉપ્પજ્જતિ નકમ્મપચ્ચયા. (૧)

નહેતું અબ્યાકતં ધમ્મં પટિચ્ચ નહેતુ અબ્યાકતો ધમ્મો ઉપ્પજ્જતિ નકમ્મપચ્ચયા. (૧)

હેતું અબ્યાકતઞ્ચ નહેતું અબ્યાકતઞ્ચ ધમ્મં પટિચ્ચ નહેતુ અબ્યાકતો ધમ્મો ઉપ્પજ્જતિ નકમ્મપચ્ચયા. (૧)

૫૨. નહેતું અબ્યાકતં ધમ્મં પટિચ્ચ નહેતુ અબ્યાકતો ધમ્મો ઉપ્પજ્જતિ નઆહારપચ્ચયા… નઇન્દ્રિયપચ્ચયા… નઝાનપચ્ચયા (સંખિત્તં).

૫૩. નહેતુયા એકં, નઆરમ્મણે તીણિ, નઅધિપતિયા નવ, નઅનન્તરે તીણિ, નસમનન્તરે તીણિ, નઅઞ્ઞમઞ્ઞે તીણિ, નઉપનિસ્સયે તીણિ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નઆહારે એકં, નઇન્દ્રિયે એકં, નઝાને એકં, નમગ્ગે એકં, નસમ્પયુત્તે તીણિ, નવિપ્પયુત્તે નવ, નોનત્થિયા તીણિ, નોવિગતે તીણિ (પચ્ચનીયં).

હેતુપચ્ચયા નઆરમ્મણે તીણિ, નઅધિપતિયા નવ (સંખિત્તં, અનુલોમપચ્ચનીયં).

નહેતુપચ્ચયા આરમ્મણે એકં (સંખિત્તં, પચ્ચનીયાનુલોમં).

(સહજાતવારોપિ પચ્ચયવારોપિ નિસ્સયવારોપિ સંસટ્ઠવારોપિ સમ્પયુત્તવારોપિ પટિચ્ચવારસદિસા વિત્થારેતબ્બા.)