૭. પઞ્હાવારો

પચ્ચયચતુક્કં

હેતુ-આરમ્મણપચ્ચયા

૨૩૦. હેતુ અવિતક્કઅવિચારો ધમ્મો હેતુસ્સ અવિતક્કઅવિચારસ્સ ધમ્મસ્સ હેતુપચ્ચયેન પચ્ચયો… તીણિ.

હેતુ અવિતક્કઅવિચારો ધમ્મો હેતુસ્સ અવિતક્કઅવિચારસ્સ ધમ્મસ્સ આરમ્મણપચ્ચયેન પચ્ચયો… નવ (સંખિત્તં).

૨૩૧. હેતુયા તીણિ, આરમ્મણે નવ, અધિપતિયા છ, અનન્તરે નવ, સમનન્તરે નવ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે નવ, પુરેજાતે તીણિ, પચ્છાજાતે તીણિ, આસેવને નવ, કમ્મે તીણિ, વિપાકે નવ, આહારે તીણિ, ઇન્દ્રિયે નવ, ઝાને તીણિ, મગ્ગે નવ, સમ્પયુત્તે નવ, વિપ્પયુત્તે પઞ્ચ, અત્થિયા નવ, નત્થિયા નવ, વિગતે નવ, અવિગતે નવ (સંખિત્તં).

પચ્ચનીયુદ્ધારો

૨૩૨. હેતુ અવિતક્કઅવિચારો ધમ્મો હેતુસ્સ અવિતક્કઅવિચારસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો (સંખિત્તં).

૨૩૩. નહેતુયા નવ, નઆરમ્મણે નવ, નઅધિપતિયા નવ (સંખિત્તં).

હેતુપચ્ચયા નઆરમ્મણે તીણિ (સંખિત્તં).

નહેતુપચ્ચયા આરમ્મણે નવ (સંખિત્તં).

(યથા કુસલત્તિકે પઞ્હાવારસ્સ અનુલોમમ્પિ પચ્ચનીયમ્પિ અનુલોમપચ્ચનીયમ્પિ પચ્ચનીયાનુલોમમ્પિ ગણિતં, એવં ગણેતબ્બં.)

હેતુદુકવિતક્કત્તિકં નિટ્ઠિતં.