૧-૬. પટિચ્ચવારાદિ

પચ્ચયચતુક્કં

હેતુપચ્ચયો

૧૨૧. હેતું વિપાકધમ્મધમ્મં પટિચ્ચ હેતુ વિપાકધમ્મધમ્મો ઉપ્પજ્જતિ હેતુપચ્ચયા. હેતું વિપાકધમ્મધમ્મં પટિચ્ચ નહેતુ વિપાકધમ્મધમ્મો ઉપ્પજ્જતિ હેતુપચ્ચયા. હેતું વિપાકધમ્મધમ્મં પટિચ્ચ હેતુ વિપાકધમ્મધમ્મો ચ નહેતુ વિપાકધમ્મધમ્મો ચ ધમ્મા ઉપ્પજ્જન્તિ હેતુપચ્ચયા. (૩)

નહેતું વિપાકધમ્મધમ્મં પટિચ્ચ નહેતુ વિપાકધમ્મધમ્મો ઉપ્પજ્જતિ હેતુપચ્ચયા… તીણિ.

હેતું વિપાકધમ્મધમ્મઞ્ચ નહેતું વિપાકધમ્મધમ્મઞ્ચ પટિચ્ચ હેતુ વિપાકધમ્મધમ્મો ઉપ્પજ્જતિ હેતુપચ્ચયા… તીણિ (સંખિત્તં).

૧૨૨. હેતુયા નવ, આરમ્મણે નવ, અધિપતિયા નવ…પે… કમ્મે નવ, આહારે નવ, ઇન્દ્રિયે નવ, ઝાને નવ, મગ્ગે નવ, સમ્પયુત્તે નવ, વિપ્પયુત્તે નવ, અત્થિયા નવ, નત્થિયા નવ, વિગતે નવ, અવિગતે નવ.

નહેતુ-નઅધિપતિપચ્ચયા

૧૨૩. નહેતું વિપાકધમ્મધમ્મં પટિચ્ચ હેતુ વિપાકધમ્મધમ્મો ઉપ્પજ્જતિ નહેતુપચ્ચયા. (૧)

૧૨૪. હેતું વિપાકધમ્મધમ્મં પટિચ્ચ હેતુ વિપાકધમ્મધમ્મો ઉપ્પજ્જતિ નઅધિપતિપચ્ચયા… નવ.

નપુરેજાતપચ્ચયાદિ

૧૨૫. હેતું વિપાકધમ્મધમ્મં પટિચ્ચ હેતુ વિપાકધમ્મધમ્મો ઉપ્પજ્જતિ નપુરેજાતપચ્ચયા… નવ… નપચ્છાજાતપચ્ચયા… નવ… નઆસેવનપચ્ચયા… નવ.

૧૨૬. હેતું વિપાકધમ્મધમ્મં પટિચ્ચ નહેતુ વિપાકધમ્મધમ્મો ઉપ્પજ્જતિ નકમ્મપચ્ચયા. (૧)

નહેતું વિપાકધમ્મધમ્મં પટિચ્ચ નહેતુ વિપાકધમ્મધમ્મો ઉપ્પજ્જતિ નકમ્મપચ્ચયા. (૧)

હેતું વિપાકધમ્મધમ્મઞ્ચ નહેતું વિપાકધમ્મધમ્મઞ્ચ પટિચ્ચ નહેતુ વિપાકધમ્મધમ્મો ઉપ્પજ્જતિ નકમ્મપચ્ચયા. (૧) (સંખિત્તં.)

૧૨૭. નહેતુયા એકં, નઅધિપતિયા નવ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નવિપ્પયુત્તે નવ (સંખિત્તં, પચ્ચનીયં).

હેતુપચ્ચયા નઅધિપતિયા નવ (સંખિત્તં, અનુલોમપચ્ચનીયં).

નહેતુપચ્ચયા આરમ્મણે એકં (સંખિત્તં, પચ્ચનીયાનુલોમં).

(સહજાતવારોપિ પચ્ચયવારોપિ નિસ્સયવારોપિ સંસટ્ઠવારોપિ સમ્પયુત્તવારોપિ પટિચ્ચવારસદિસા વિત્થારેતબ્બા.)