૧-૬. પટિચ્ચવારાદિ

પચ્ચયચતુક્કં

હેતુપચ્ચયો

૪૮૫. હેતું અતીતારમ્મણં ધમ્મં પટિચ્ચ હેતુ અતીતારમ્મણો ધમ્મો ઉપ્પજ્જતિ હેતુપચ્ચયા… તીણિ.

નહેતું અતીતારમ્મણં ધમ્મં પટિચ્ચ નહેતુ અતીતારમ્મણો ધમ્મો ઉપ્પજ્જતિ હેતુપચ્ચયા… તીણિ.

હેતું અતીતારમ્મણઞ્ચ નહેતું અતીતારમ્મણઞ્ચ ધમ્મં પટિચ્ચ હેતુ અતીતારમ્મણો ધમ્મો ઉપ્પજ્જતિ હેતુપચ્ચયા… તીણિ (સંખિત્તં).

૪૮૬. હેતુયા નવ, આરમ્મણે નવ, અધિપતિયા નવ, અનન્તરે નવ, સમનન્તરે નવ…પે… કમ્મે નવ…પે… અવિગતે નવ (સંખિત્તં).

નહેતુ-નઅધિપતિપચ્ચયા

૪૮૭. નહેતું અતીતારમ્મણં ધમ્મં પટિચ્ચ નહેતુ અતીતારમ્મણો ધમ્મો ઉપ્પજ્જતિ નહેતુપચ્ચયા. નહેતું અતીતારમ્મણં ધમ્મં પટિચ્ચ હેતુ અતીતારમ્મણો ધમ્મો ઉપ્પજ્જતિ નહેતુપચ્ચયા. (૨)

હેતું અતીતારમ્મણં ધમ્મં પટિચ્ચ હેતુ અતીતારમ્મણો ધમ્મો ઉપ્પજ્જતિ નઅધિપતિપચ્ચયા (સંખિત્તં).

૪૮૮. નહેતુયા દ્વે, નઅધિપતિયા નવ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નમગ્ગે એકં, નવિપ્પયુત્તે નવ (સંખિત્તં).

હેતુપચ્ચયા નઅધિપતિયા નવ (સંખિત્તં).

નહેતુપચ્ચયા આરમ્મણે દ્વે (સંખિત્તં).

(સહજાતવારોપિ પચ્ચયવારોપિ નિસ્સયવારોપિ સંસટ્ઠવારોપિ સમ્પયુત્તવારોપિ પટિચ્ચવારસદિસા વિત્થારેતબ્બા.)