૭. પઞ્હાવારો

પચ્ચયચતુક્કં

હેતુપચ્ચયાદિ

૪૮૧. હેતુ પચ્ચુપ્પન્નો ધમ્મો હેતુસ્સ પચ્ચુપ્પન્નસ્સ ધમ્મસ્સ હેતુપચ્ચયેન પચ્ચયો… તીણિ.

નહેતુ પચ્ચુપ્પન્નો ધમ્મો નહેતુસ્સ પચ્ચુપ્પન્નસ્સ ધમ્મસ્સ આરમ્મણપચ્ચયેન પચ્ચયો… તીણિ.

હેતુ પચ્ચુપ્પન્નો ધમ્મો હેતુસ્સ પચ્ચુપ્પન્નસ્સ ધમ્મસ્સ અધિપતિપચ્ચયેન પચ્ચયો – સહજાતાધિપતિ… તીણિ.

નહેતુ પચ્ચુપ્પન્નો ધમ્મો નહેતુસ્સ પચ્ચુપ્પન્નસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ… તીણિ.

હેતુ પચ્ચુપ્પન્નો ધમ્મો હેતુસ્સ પચ્ચુપ્પન્નસ્સ ધમ્મસ્સ સહજાતપચ્ચયેન પચ્ચયો (સંખિત્તં).

૪૮૨. હેતુયા તીણિ, આરમ્મણે તીણિ, અધિપતિયા છ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે નવ, પુરેજાતે તીણિ, પચ્છાજાતે તીણિ, કમ્મે તીણિ, વિપાકે નવ, આહારે તીણિ, ઇન્દ્રિયે નવ, ઝાને તીણિ, મગ્ગે નવ, સમ્પયુત્તે નવ, વિપ્પયુત્તે પઞ્ચ, અત્થિયા નવ, અવિગતે નવ (સંખિત્તં).

પચ્ચનીયુદ્ધારો

૪૮૩. હેતુ પચ્ચુપ્પન્નો ધમ્મો હેતુસ્સ પચ્ચુપ્પન્નસ્સ ધમ્મસ્સ સહજાતપચ્ચયેન પચ્ચયો (સંખિત્તં).

૪૮૪. નહેતુયા નવ, નઆરમ્મણે નવ (સંખિત્તં).

હેતુપચ્ચયા નઆરમ્મણે તીણિ (સંખિત્તં).

નહેતુપચ્ચયા આરમ્મણે તીણિ (સંખિત્તં).

(યથા કુસલત્તિકે પઞ્હાવારસ્સ અનુલોમમ્પિ પચ્ચનીયમ્પિ અનુલોમપચ્ચનીયમ્પિ પચ્ચનીયાનુલોમમ્પિ ગણિતં, એવં ગણેતબ્બં. ઇમમ્હિ દુકતિકે પટિચ્ચવારમ્પિ સહજાતવારમ્પિ પચ્ચયવારમ્પિ નિસ્સયવારમ્પિ સંસટ્ઠવારમ્પિ સમ્પયુત્તવારમ્પિ અતીતમ્પિ અનાગતમ્પિ નત્થિ.)

હેતુદુકઅતીતત્તિકં નિટ્ઠિતં.