૭. પઞ્હાવારો

પચ્ચયચતુક્કં

હેતુ-ઉપનિસ્સયપચ્ચયા

૪૭૭. હેતુ ઉપ્પન્નો ધમ્મો હેતુસ્સ ઉપ્પન્નસ્સ ધમ્મસ્સ હેતુપચ્ચયેન પચ્ચયો… તીણિ.

નહેતુ ઉપ્પન્નો ધમ્મો નહેતુસ્સ ઉપ્પન્નસ્સ ધમ્મસ્સ આરમ્મણપચ્ચયેન પચ્ચયો… તીણિ.

હેતુ ઉપ્પન્નો ધમ્મો હેતુસ્સ ઉપ્પન્નસ્સ ધમ્મસ્સ અધિપતિપચ્ચયેન પચ્ચયો – સહજાતાધિપતિ… તીણિ.

નહેતુ ઉપ્પન્નો ધમ્મો નહેતુસ્સ ઉપ્પન્નસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ… તીણિ.

હેતુ ઉપ્પન્નો ધમ્મો હેતુસ્સ ઉપ્પન્નસ્સ ધમ્મસ્સ સહજાતપચ્ચયેન પચ્ચયો (સંખિત્તં).

નહેતુ ઉપ્પન્નો ધમ્મો નહેતુસ્સ ઉપ્પન્નસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – ઉપ્પન્નં ઉતું ઉપનિસ્સાય ઝાનં ઉપ્પાદેતિ, વિપસ્સનં… મગ્ગં… અભિઞ્ઞં… સમાપત્તિં ઉપ્પાદેતિ (સંખિત્તં).

૪૭૮. હેતુયા તીણિ, આરમ્મણે તીણિ, અધિપતિયા છ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે તીણિ, પુરેજાતે તીણિ, પચ્છાજાતે તીણિ, કમ્મે તીણિ, વિપાકે નવ, આહારે તીણિ, ઇન્દ્રિયે નવ, ઝાને તીણિ, મગ્ગે નવ, સમ્પયુત્તે નવ, વિપ્પયુત્તે પઞ્ચ, અત્થિયા નવ, અવિગતે નવ (સંખિત્તં).

પચ્ચનીયુદ્ધારો

૪૭૯. હેતુ ઉપ્પન્નો ધમ્મો હેતુસ્સ ઉપ્પન્નસ્સ ધમ્મસ્સ સહજાતપચ્ચયેન પચ્ચયો (સંખિત્તં).

૪૮૦. નહેતુયા નવ, નઆરમ્મણે નવ (સંખિત્તં).

હેતુપચ્ચયા નઆરમ્મણે તીણિ (સંખિત્તં).

નહેતુપચ્ચયા આરમ્મણે તીણિ (સંખિત્તં).

(યથા કુસલત્તિકે પઞ્હાવારસ્સ અનુલોમમ્પિ પચ્ચનીયમ્પિ અનુલોમપચ્ચનીયમ્પિ પચ્ચનીયાનુલોમમ્પિ ગણિતં, એવં ગણેતબ્બં. ઇમમ્હિ દુકતિકે પટિચ્ચવારમ્પિ સહજાતવારમ્પિ પચ્ચયવારમ્પિ નિસ્સયવારમ્પિ સંસટ્ઠવારમ્પિ સમ્પયુત્તવારમ્પિ અનુપ્પન્નમ્પિ ઉપ્પાદીપિ નત્થિ.)

હેતુદુકઉપ્પન્નત્તિકં નિટ્ઠિતં.