૭. પઞ્હાવારો

પચ્ચયચતુક્કં

હેતુપચ્ચયો

૮૮. હેતુ દુક્ખાય વેદનાય સમ્પયુત્તો ધમ્મો હેતુસ્સ દુક્ખાય વેદનાય સમ્પયુત્તસ્સ ધમ્મસ્સ હેતુપચ્ચયેન પચ્ચયો. હેતુ દુક્ખાય વેદનાય સમ્પયુત્તો ધમ્મો નહેતુસ્સ દુક્ખાય વેદનાય સમ્પયુત્તસ્સ ધમ્મસ્સ હેતુપચ્ચયેન પચ્ચયો. હેતુ દુક્ખાય વેદનાય સમ્પયુત્તો ધમ્મો હેતુસ્સ દુક્ખાય વેદનાય સમ્પયુત્તસ્સ ચ નહેતુસ્સ દુક્ખાય વેદનાય સમ્પયુત્તસ્સ ચ ધમ્મસ્સ હેતુપચ્ચયેન પચ્ચયો. (૩)

આરમ્મણપચ્ચયાદિ

૮૯. હેતુ દુક્ખાય વેદનાય સમ્પયુત્તો ધમ્મો હેતુસ્સ દુક્ખાય વેદનાય સમ્પયુત્તસ્સ ધમ્મસ્સ આરમ્મણપચ્ચયેન પચ્ચયો… તીણિ.

નહેતુ દુક્ખાય વેદનાય સમ્પયુત્તો ધમ્મો નહેતુસ્સ દુક્ખાય વેદનાય સમ્પયુત્તસ્સ ધમ્મસ્સ આરમ્મણપચ્ચયેન પચ્ચયો… તીણિ.

હેતુ દુક્ખાય વેદનાય સમ્પયુત્તો ચ નહેતુ દુક્ખાય વેદનાય સમ્પયુત્તો ચ ધમ્મા હેતુસ્સ દુક્ખાય વેદનાય સમ્પયુત્તસ્સ ધમ્મસ્સ આરમ્મણપચ્ચયેન પચ્ચયો… તીણિ (સંખિત્તં).

૯૦. નહેતુ દુક્ખાય વેદનાય સમ્પયુત્તો ધમ્મો નહેતુસ્સ દુક્ખાય વેદનાય સમ્પયુત્તસ્સ ધમ્મસ્સ કમ્મપચ્ચયેન પચ્ચયો… તીણિ (સંખિત્તં).

૯૧. હેતુયા તીણિ, આરમ્મણે નવ, અધિપતિયા તીણિ, અનન્તરે નવ, સમનન્તરે નવ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે નવ, આસેવને નવ, કમ્મે તીણિ, વિપાકે એકં, આહારે તીણિ, ઇન્દ્રિયે તીણિ, ઝાને તીણિ, મગ્ગે તીણિ, સમ્પયુત્તે નવ, અત્થિયા નવ, નત્થિયા નવ, વિગતે નવ, અવિગતે નવ (અનુલોમં).

પચ્ચનીયુદ્ધારો

૯૨. હેતુ દુક્ખાય વેદનાય સમ્પયુત્તો ધમ્મો હેતુસ્સ દુક્ખાય વેદનાય સમ્પયુત્તસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો (સંખિત્તં).

૯૩. નહેતુયા નવ, નઆરમ્મણે નવ, નઅધિપતિયા નવ (સંખિત્તં, પચ્ચનીયં).

હેતુપચ્ચયા નઆરમ્મણે તીણિ (સંખિત્તં, અનુલોમપચ્ચનીયં).

નહેતુપચ્ચયા આરમ્મણે નવ (સંખિત્તં, પચ્ચનીયાનુલોમં).

(યથા કુસલત્તિકે પઞ્હાવારસ્સ અનુલોમમ્પિ પચ્ચનીયમ્પિ અનુલોમપચ્ચનીયમ્પિ પચ્ચનીયાનુલોમમ્પિ ગણિતં, એવં ગણેતબ્બં.)