૭. પઞ્હાવારો

પચ્ચયચતુક્કં

હેતુપચ્ચયાદિ

૪૭૩. હેતુ મગ્ગાધિપતિ ધમ્મો હેતુસ્સ મગ્ગાધિપતિસ્સ ધમ્મસ્સ હેતુપચ્ચયેન પચ્ચયો… તીણિ.

હેતુ મગ્ગાધિપતિ ધમ્મો હેતુસ્સ મગ્ગાધિપતિસ્સ ધમ્મસ્સ આરમ્મણપચ્ચયેન પચ્ચયો… નવ.

હેતુ મગ્ગાધિપતિ ધમ્મો હેતુસ્સ મગ્ગાધિપતિસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ… તીણિ.

નહેતુ મગ્ગાધિપતિ ધમ્મો નહેતુસ્સ મગ્ગાધિપતિસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ… તીણિ.

હેતુ મગ્ગાધિપતિ ચ નહેતુ મગ્ગાધિપતિ ચ ધમ્મા હેતુસ્સ મગ્ગાધિપતિસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ… તીણિ (સંખિત્તં).

૪૭૪. હેતુયા તીણિ, આરમ્મણે નવ, અધિપતિયા નવ, અનન્તરે નવ, સમનન્તરે નવ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે નવ, આસેવને નવ, કમ્મે તીણિ, આહારે તીણિ, ઇન્દ્રિયે નવ, ઝાને તીણિ, મગ્ગે નવ, સમ્પયુત્તે નવ, અત્થિયા નવ…પે… અવિગતે નવ (સંખિત્તં).

પચ્ચનીયુદ્ધારો

૪૭૫. હેતુ મગ્ગાધિપતિ ધમ્મો હેતુસ્સ મગ્ગાધિપતિસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો (સંખિત્તં).

૪૭૬. નહેતુયા નવ, નઆરમ્મણે નવ (સંખિત્તં).

હેતુપચ્ચયા નઆરમ્મણે તીણિ (સંખિત્તં).

નહેતુપચ્ચયા આરમ્મણે નવ (સંખિત્તં).

(યથા કુસલત્તિકે પઞ્હાવારસ્સ અનુલોમમ્પિ પચ્ચનીયમ્પિ અનુલોમપચ્ચનીયમ્પિ પચ્ચનીયાનુલોમમ્પિ ગણિતં, એવં ગણેતબ્બં.)

હેતુદુકમગ્ગારમ્મણત્તિકં નિટ્ઠિતં.