૧-૬. પટિચ્ચવારાદિ

પચ્ચયચતુક્કં

હેતુપચ્ચયો

૪૬૧. હેતું મગ્ગહેતુકં ધમ્મં પટિચ્ચ હેતુ મગ્ગહેતુકો ધમ્મો ઉપ્પજ્જતિ હેતુપચ્ચયા… તીણિ.

નહેતું મગ્ગહેતુકં ધમ્મં પટિચ્ચ નહેતુ મગ્ગહેતુકો ધમ્મો ઉપ્પજ્જતિ હેતુપચ્ચયા… તીણિ.

હેતું મગ્ગહેતુકઞ્ચ નહેતું મગ્ગહેતુકઞ્ચ ધમ્મં પટિચ્ચ હેતુ મગ્ગહેતુકો ધમ્મો ઉપ્પજ્જતિ હેતુપચ્ચયા… તીણિ (સંખિત્તં).

૪૬૨. હેતુયા નવ, આરમ્મણે નવ, અધિપતિયા નવ…પે… આસેવને નવ, કમ્મે નવ, આહારે નવ, ઇન્દ્રિયે નવ…પે… અવિગતે નવ (સંખિત્તં).

નઅધિપતિપચ્ચયો

૪૬૩. હેતું મગ્ગહેતુકં ધમ્મં પટિચ્ચ હેતુ મગ્ગહેતુકો ધમ્મો ઉપ્પજ્જતિ નઅધિપતિપચ્ચયા (સંખિત્તં).

૪૬૪. નઅધિપતિયા છ, નપુરેજાતે નવ, નપચ્છાજાતે નવ, નકમ્મે તીણિ, નવિપાકે નવ, નવિપ્પયુત્તે નવ (સંખિત્તં).

હેતુપચ્ચયા નઅધિપતિયા છ (સંખિત્તં).

નઅધિપતિપચ્ચયા હેતુયા છ (સંખિત્તં).

(સહજાતવારોપિ પચ્ચયવારોપિ નિસ્સયવારોપિ સંસટ્ઠવારોપિ સમ્પયુત્તવારોપિ પટિચ્ચવારસદિસા વિત્થારેતબ્બા.)