૧-૬. પટિચ્ચવારાદિ

પચ્ચયચતુક્કં

હેતુ-આરમ્મણપચ્ચયા

૪૨૯. હેતું મિચ્છત્તનિયતં ધમ્મં પટિચ્ચ હેતુ મિચ્છત્તનિયતો ધમ્મો ઉપ્પજ્જતિ હેતુપચ્ચયા… તીણિ.

નહેતું મિચ્છત્તનિયતં ધમ્મં પટિચ્ચ નહેતુ મિચ્છત્તનિયતો ધમ્મો ઉપ્પજ્જતિ હેતુપચ્ચયા… તીણિ.

હેતું મિચ્છત્તનિયતઞ્ચ નહેતું મિચ્છત્તનિયતઞ્ચ ધમ્મં પટિચ્ચ હેતુ મિચ્છત્તનિયતો ધમ્મો ઉપ્પજ્જતિ હેતુપચ્ચયા… તીણિ.

હેતું મિચ્છત્તનિયતં ધમ્મં પટિચ્ચ હેતુ મિચ્છત્તનિયતો ધમ્મો ઉપ્પજ્જતિ આરમ્મણપચ્ચયા (સંખિત્તં).

૪૩૦. હેતુયા નવ, આરમ્મણે નવ, અધિપતિયા નવ, અનન્તરે નવ, સમનન્તરે નવ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે નવ, પુરેજાતે નવ, આસેવને નવ, કમ્મે નવ, આહારે નવ…પે… અવિગતે નવ (સંખિત્તં).

નઅધિપતિપચ્ચયો

૪૩૧. હેતું મિચ્છત્તનિયતં ધમ્મં પટિચ્ચ નહેતુ મિચ્છત્તનિયતો ધમ્મો ઉપ્પજ્જતિ નઅધિપતિપચ્ચયા (સંખિત્તં).

૪૩૨. નઅધિપતિયા તીણિ, નપચ્છાજાતે નવ, નકમ્મે તીણિ, નવિપાકે નવ (સંખિત્તં).

હેતુપચ્ચયા નઅધિપતિયા તીણિ (સંખિત્તં).

નઅધિપતિપચ્ચયા હેતુયા તીણિ (સંખિત્તં).

(સહજાતવારોપિ પચ્ચયવારોપિ નિસ્સયવારોપિ સંસટ્ઠવારોપિ સમ્પયુત્તવારોપિ પટિચ્ચવારસદિસા વિત્થારેતબ્બા.)