૧-૬. પટિચ્ચવારાદિ

પચ્ચયચતુક્કં

હેતુપચ્ચયો

૬૭. હેતું સુખાય વેદનાય સમ્પયુત્તં ધમ્મં પટિચ્ચ હેતુ સુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા. હેતું સુખાય વેદનાય સમ્પયુત્તં ધમ્મં પટિચ્ચ નહેતુ સુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા. હેતું સુખાય વેદનાય સમ્પયુત્તં ધમ્મં પટિચ્ચ હેતુ સુખાય વેદનાય સમ્પયુત્તો ચ નહેતુ સુખાય વેદનાય સમ્પયુત્તો ચ ધમ્મા ઉપ્પજ્જન્તિ હેતુપચ્ચયા. (૩)

૬૮. નહેતું સુખાય વેદનાય સમ્પયુત્તં ધમ્મં પટિચ્ચ નહેતુ સુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા. નહેતું સુખાય વેદનાય સમ્પયુત્તં ધમ્મં પટિચ્ચ હેતુ સુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા. નહેતું સુખાય વેદનાય સમ્પયુત્તં ધમ્મં પટિચ્ચ હેતુ સુખાય વેદનાય સમ્પયુત્તો ચ નહેતુ સુખાય વેદનાય સમ્પયુત્તો ચ ધમ્મા ઉપ્પજ્જન્તિ હેતુપચ્ચયા. (૩)

૬૯. હેતું સુખાય વેદનાય સમ્પયુત્તઞ્ચ નહેતું સુખાય વેદનાય સમ્પયુત્તઞ્ચ ધમ્મં પટિચ્ચ હેતુ સુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા. હેતું સુખાય વેદનાય સમ્પયુત્તઞ્ચ નહેતું સુખાય વેદનાય સમ્પયુત્તઞ્ચ ધમ્મં પટિચ્ચ નહેતુ સુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા. હેતું સુખાય વેદનાય સમ્પયુત્તઞ્ચ નહેતું સુખાય વેદનાય સમ્પયુત્તઞ્ચ ધમ્મં પટિચ્ચ હેતુ સુખાય વેદનાય સમ્પયુત્તો ચ નહેતુ સુખાય વેદનાય સમ્પયુત્તો ચ ધમ્મા ઉપ્પજ્જન્તિ હેતુપચ્ચયા. (૩) (સંખિત્તં.)

૭૦. હેતુયા નવ, આરમ્મણે નવ, અધિપતિયા નવ, અનન્તરે નવ, સમનન્તરે નવ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે નવ, પુરેજાતે નવ, આસેવને નવ, કમ્મે નવ, વિપાકે નવ, આહારે નવ…પે… અવિગતે નવ (અનુલોમં).

નહેતુ-નઅધિપતિપચ્ચયા

૭૧. નહેતું સુખાય વેદનાય સમ્પયુત્તં ધમ્મં પટિચ્ચ નહેતુ સુખાય વેદનાય સમ્પયુત્તો ધમ્મો ઉપ્પજ્જતિ નહેતુપચ્ચયા. (૧)

૭૨. હેતું સુખાય વેદનાય સમ્પયુત્તં ધમ્મં પટિચ્ચ હેતુ સુખાય વેદનાય સમ્પયુત્તો ધમ્મો ઉપ્પજ્જતિ નઅધિપતિપચ્ચયા. હેતું સુખાય વેદનાય સમ્પયુત્તં ધમ્મં પટિચ્ચ નહેતુ સુખાય વેદનાય સમ્પયુત્તો ધમ્મો ઉપ્પજ્જતિ નઅધિપતિપચ્ચયા (સંખિત્તં).

૭૩. નહેતુયા એકં, નઅધિપતિયા નવ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નઝાને એકં, નમગ્ગે એકં, નવિપ્પયુત્તે નવ (પચ્ચનીયં).

હેતુપચ્ચયા નઅધિપતિયા નવ (સંખિત્તં, અનુલોમપચ્ચનીયં).

નહેતુપચ્ચયા આરમ્મણે એકં (સંખિત્તં, પચ્ચનીયાનુલોમં).

(સહજાતવારોપિ પચ્ચયવારોપિ નિસ્સયવારોપિ સંસટ્ઠવારોપિ સમ્પયુત્તવારોપિ પટિચ્ચવારસદિસા વિત્થારેતબ્બા.)