૧. વિભઙ્ગવારો

હેતુપચ્ચયો

૩૩૦. નિયતો ધમ્મો નિયતસ્સ ધમ્મસ્સ હેતુપચ્ચયેન પચ્ચયો… ચત્તારિ (નિય્યાનિકદુકસદિસા નિન્નાનાકરણા).

આરમ્મણપચ્ચયો

૩૩૧. નિયતો ધમ્મો અનિયતસ્સ ધમ્મસ્સ આરમ્મણપચ્ચયેન પચ્ચયો – અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, નિયતે પહીને કિલેસે પચ્ચવેક્ખન્તિ, પુબ્બે સમુદાચિણ્ણે…પે… નિયતે ખન્ધે અનિચ્ચતો…પે… વિપસ્સતિ, ચેતોપરિયઞાણેન નિયતચિત્તસમઙ્ગિસ્સ ચિત્તં જાનાતિ, નિયતા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અનિયતો ધમ્મો અનિયતસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં…પે… પુબ્બે સુચિણ્ણાનિ…પે… ઝાના વુટ્ઠહિત્વા ઝાનં પચ્ચવેક્ખતિ અસ્સાદેતિ અભિનન્દતિ, તં આરબ્ભ અનિયતો રાગો ઉપ્પજ્જતિ, દિટ્ઠિ…પે… વિચિકિચ્છા…પે… ઉદ્ધચ્ચં…પે… અનિયતં દોમનસ્સં ઉપ્પજ્જતિ, અરિયા ફલં પચ્ચવેક્ખન્તિ, નિબ્બાનં પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, ફલસ્સ, આવજ્જનાય આરમ્મણપચ્ચયેન પચ્ચયો; અરિયા અનિયતે પહીને કિલેસે પચ્ચવેક્ખન્તિ, વિક્ખમ્ભિતે કિલેસે…પે… પુબ્બે સમુદાચિણ્ણે…પે… ચક્ખું…પે… વત્થું અનિયતે ખન્ધે અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ અનિયતો રાગો…પે… દોમનસ્સં ઉપ્પજ્જતિ, દિબ્બેન ચક્ખુના રૂપં પસ્સતિ…પે… આવજ્જનાય આરમ્મણપચ્ચયેન પચ્ચયો. અનિયતો ધમ્મો નિયતસ્સ ધમ્મસ્સ આરમ્મણપચ્ચયેન પચ્ચયો; નિબ્બાનં મગ્ગસ્સ આરમ્મણપચ્ચયેન પચ્ચયો; રૂપજીવિતિન્દ્રિયં માતુઘાતિકમ્મસ્સ… પિતુઘાતિકમ્મસ્સ… અરહન્તઘાતિકમ્મસ્સ… રુહિરુપ્પાદકમ્મસ્સ આરમ્મણપચ્ચયેન પચ્ચયો; યં વત્થું આમસન્તસ્સ મિચ્છત્તનિયતા ખન્ધા ઉપ્પજ્જન્તિ, તં વત્થુ મિચ્છત્તનિયતાનં ખન્ધાનં આરમ્મણપચ્ચયેન પચ્ચયો. (૨)

અધિપતિપચ્ચયો

૩૩૨. નિયતો ધમ્મો નિયતસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – નિયતાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. નિયતો ધમ્મો અનિયતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – અરિયા મગ્ગા વુટ્ઠહિત્વા મગ્ગં ગરું કત્વા પચ્ચવેક્ખન્તિ. સહજાતાધિપતિ – નિયતાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. નિયતો ધમ્મો નિયતસ્સ ચ અનિયતસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – નિયતાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૩૩૩. અનિયતો ધમ્મો અનિયતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ અસ્સાદેતિ અભિનન્દતિ, તં ગરું કત્વા અનિયતો રાગો ઉપ્પજ્જતિ… દિટ્ઠિ ઉપ્પજ્જતિ; પુબ્બે…પે… ઝાના…પે… અરિયા ફલં ગરું કત્વા પચ્ચવેક્ખન્તિ, નિબ્બાનં ગરું કત્વા પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, ફલસ્સ અધિપતિપચ્ચયેન પચ્ચયો; ચક્ખું…પે… વત્થું અનિયતે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા અનિયતો રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – અનિયતાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. અનિયતો ધમ્મો નિયતસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – નિબ્બાનં મગ્ગસ્સ અધિપતિપચ્ચયેન પચ્ચયો. (૨)

અનન્તરપચ્ચયાદિ

૩૩૪. નિયતો ધમ્મો અનિયતસ્સ ધમ્મસ્સ અનન્તરપચ્ચયેન પચ્ચયો – મગ્ગો ફલસ્સ અનન્તરપચ્ચયેન પચ્ચયો, નિયતા ખન્ધા વુટ્ઠાનસ્સ અનન્તરપચ્ચયેન પચ્ચયો. (૧)

અનિયતો ધમ્મો અનિયતસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અનિયતા ખન્ધા પચ્છિમાનં પચ્છિમાનં અનિયતાનં ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ… અનુલોમં વોદાનસ્સ… ફલં ફલસ્સ… અનુલોમં ફલસમાપત્તિયા… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. અનિયતો ધમ્મો નિયતસ્સ ધમ્મસ્સ અનન્તરપચ્ચયેન પચ્ચયો – અનિયતં દોમનસ્સં નિયતસ્સ દોમનસ્સસ્સ, અનિયતા મિચ્છાદિટ્ઠિ નિયતમિચ્છાદિટ્ઠિયા અનન્તરપચ્ચયેન પચ્ચયો; ગોત્રભુ મગ્ગસ્સ… વોદાનં મગ્ગસ્સ અનન્તરપચ્ચયેન પચ્ચયો. (૨)

સમનન્તરપચ્ચયેન પચ્ચયો… સહજાતપચ્ચયેન પચ્ચયો… પઞ્ચ… અઞ્ઞમઞ્ઞપચ્ચયેન પચ્ચયો… દ્વે… નિસ્સયપચ્ચયેન પચ્ચયો… સત્ત.

ઉપનિસ્સયપચ્ચયો

૩૩૫. નિયતો ધમ્મો નિયતસ્સ ધમ્મસ્સ ઉપનિસ્સયપચ્ચયેન પચ્ચયો. પકતૂપનિસ્સયો – માતુઘાતિકમ્મં માતુઘાતિકમ્મસ્સ… પિતુઘાતિકમ્મસ્સ… અરહન્તઘાતિકમ્મસ્સ… રુહિરુપ્પાદકમ્મસ્સ… સઙ્ઘભેદકમ્મસ્સ, નિયતમિચ્છાદિટ્ઠિયા ઉપનિસ્સયપચ્ચયેન પચ્ચયો (ચક્કં). પઠમો મગ્ગો દુતિયસ્સ મગ્ગસ્સ…પે… તતિયો મગ્ગો ચતુત્થસ્સ મગ્ગસ્સ ઉપનિસ્સયપચ્ચયેન પચ્ચયો. નિયતો ધમ્મો અનિયતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – માતરં જીવિતા વોરોપેત્વા…પે… સઙ્ઘં ભિન્દિત્વા તસ્સ પટિઘાતત્થાય દાનં દેતિ, સીલં સમાદિયતિ, ઉપોસથકમ્મં કરોતિ, અરિયા મગ્ગં ઉપનિસ્સાય અનુપ્પન્નં સમાપત્તિં ઉપ્પાદેન્તિ, ઉપ્પન્નં સમાપજ્જન્તિ…પે… ઠાનાઠાનકોસલ્લસ્સ ઉપનિસ્સયપચ્ચયેન પચ્ચયો; મગ્ગો ફલસમાપત્તિયા ઉપનિસ્સયપચ્ચયેન પચ્ચયો. (૨)

૩૩૬. અનિયતો ધમ્મો અનિયતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અનિયતં સદ્ધં ઉપનિસ્સાય દાનં દેતિ, સીલં…પે… ઉપોસથકમ્મં કરોતિ, ઝાનં ઉપ્પાદેતિ, વિપસ્સનં…પે… અભિઞ્ઞં…પે… સમાપત્તિં ઉપ્પાદેતિ, માનં જપ્પેતિ… દિટ્ઠિં ગણ્હાતિ; અનિયતં સીલં…પે… પઞ્ઞં… રાગં…પે… પત્થનં… કાયિકં સુખં… કાયિકં દુક્ખં… ઉતું… ભોજનં… સેનાસનં ઉપનિસ્સાય દાનં દેતિ…પે… સમાપત્તિં ઉપ્પાદેતિ, પાણં હનતિ…પે… નિગમઘાતં કરોતિ, અનિયતા સદ્ધા…પે… સેનાસનં અનિયતાય સદ્ધાય…પે… પત્થનાય… કાયિકસ્સ સુખસ્સ… કાયિકસ્સ દુક્ખસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

અનિયતો ધમ્મો નિયતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અનિયતં રાગં ઉપનિસ્સાય માતરં જીવિતા વોરોપેતિ…પે… સઙ્ઘં ભિન્દતિ; અનિયતં દોસં…પે… સેનાસનં ઉપનિસ્સાય માતરં જીવિતા વોરોપેતિ…પે… સઙ્ઘં ભિન્દતિ; અનિયતો રાગો… દોસં…પે… સેનાસનં માતુઘાતિકમ્મસ્સ…પે… સઙ્ઘભેદકમ્મસ્સ ઉપનિસ્સયપચ્ચયેન પચ્ચયો; પઠમસ્સ મગ્ગસ્સ પરિકમ્મં પઠમસ્સ મગ્ગસ્સ…પે… ચતુત્થસ્સ મગ્ગસ્સ પરિકમ્મં ચતુત્થસ્સ મગ્ગસ્સ ઉપનિસ્સયપચ્ચયેન પચ્ચયો. (૨)

પુરેજાતપચ્ચયાદિ

૩૩૭. અનિયતો ધમ્મો અનિયતસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં (સંખિત્તં). અનિયતો ધમ્મો નિયતસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – રૂપજીવિતિન્દ્રિયં માતુઘાતિકમ્મસ્સ… પિતુઘાતિકમ્મસ્સ… અરહન્તઘાતિકમ્મસ્સ… રુહિરુપ્પાદકમ્મસ્સ પુરેજાતપચ્ચયેન પચ્ચયો. વત્થુપુરેજાતં – વત્થુ નિયતાનં ખન્ધાનં પુરેજાતપચ્ચયેન પચ્ચયો. (૨)

પચ્છાજાતપચ્ચયેન પચ્ચયો… દ્વે… આસેવનપચ્ચયેન પચ્ચયો… દ્વે.

કમ્મપચ્ચયો

૩૩૮. નિયતો ધમ્મો નિયતસ્સ ધમ્મસ્સ કમ્મપચ્ચયેન પચ્ચયો – નિયતા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. નિયતો ધમ્મો અનિયતસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નિયતા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો. નાનાક્ખણિકા – નિયતા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (મૂલં કાતબ્બં.) નિયતા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

અનિયતો ધમ્મો અનિયતસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા (સંખિત્તં).

વિપાકપચ્ચયેન પચ્ચયો… એકં… આહારપચ્ચયેન પચ્ચયો… ચત્તારિ… ઇન્દ્રિયપચ્ચયેન પચ્ચયો… ચત્તારિ… ઝાનપચ્ચયેન પચ્ચયો… ચત્તારિ… મગ્ગપચ્ચયેન પચ્ચયો… ચત્તારિ… સમ્પયુત્તપચ્ચયેન પચ્ચયો… દ્વે… વિપ્પયુત્તપચ્ચયેન પચ્ચયો… તીણિ (અરૂપદુકસદિસં)… અત્થિપચ્ચયેન પચ્ચયો… સત્ત (અરૂપાવચરદુકસદિસં)… નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો… સત્ત.