૧. વિભઙ્ગવારો

નહેતુ-નઆરમ્મણપચ્ચયા

૩૦૨. અનિય્યાનિકં ધમ્મં પટિચ્ચ અનિય્યાનિકો ધમ્મો ઉપ્પજ્જતિ નહેતુપચ્ચયા – અહેતુકં અનિય્યાનિકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં…પે… (યાવ અસઞ્ઞસત્તા) વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧) નઆરમ્મણપચ્ચયા… તીણિ.

નઅધિપતિપચ્ચયાદિ

૩૦૩. નિય્યાનિકં ધમ્મં પટિચ્ચ નિય્યાનિકો ધમ્મો ઉપ્પજ્જતિ નઅધિપતિપચ્ચયા – નિય્યાનિકે ખન્ધે પટિચ્ચ નિય્યાનિકાધિપતિ. (૧)

અનિય્યાનિકં ધમ્મં પટિચ્ચ અનિય્યાનિકો ધમ્મો ઉપ્પજ્જતિ નઅધિપતિપચ્ચયા – અનિય્યાનિકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… (યાવ અસઞ્ઞસત્તા કાતબ્બા). (૧)

નઅનન્તરપચ્ચયા… નસમનન્તરપચ્ચયા… નઅઞ્ઞમઞ્ઞપચ્ચયા…પે….

નપુરેજાતપચ્ચયો

૩૦૪. નિય્યાનિકં ધમ્મં પટિચ્ચ નિય્યાનિકો ધમ્મો ઉપ્પજ્જતિ નપુરેજાતપચ્ચયા – અરૂપે નિય્યાનિકં એકં ખન્ધં…પે…. નિય્યાનિકં ધમ્મં પટિચ્ચ અનિય્યાનિકો ધમ્મો ઉપ્પજ્જતિ નપુરેજાતપચ્ચયા – નિય્યાનિકે ખન્ધે પટિચ્ચ ચિત્તસમુટ્ઠાનં રૂપં. (૨)

અનિય્યાનિકં ધમ્મં પટિચ્ચ અનિય્યાનિકો ધમ્મો ઉપ્પજ્જતિ નપુરેજાતપચ્ચયા – અરૂપે અનિય્યાનિકં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… અનિય્યાનિકે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… (યાવ અસઞ્ઞસત્તા). (૧)

નિય્યાનિકઞ્ચ અનિય્યાનિકઞ્ચ ધમ્મં પટિચ્ચ અનિય્યાનિકો ધમ્મો ઉપ્પજ્જતિ નપુરેજાતપચ્ચયા – નિય્યાનિકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)