૧. વિભઙ્ગવારો

હેતુપચ્ચયો

૨૭૩. અરૂપાવચરં ધમ્મં પચ્ચયા અરૂપાવચરો ધમ્મો ઉપ્પજ્જતિ હેતુપચ્ચયા… તીણિ (પટિચ્ચસદિસા).

નઅરૂપાવચરં ધમ્મં પચ્ચયા નઅરૂપાવચરો ધમ્મો ઉપ્પજ્જતિ હેતુપચ્ચયા – નઅરૂપાવચરં એકં ખન્ધં…પે… (યાવ અજ્ઝત્તિકા મહાભૂતા) વત્થું પચ્ચયા નઅરૂપાવચરા ખન્ધા. નઅરૂપાવચરં ધમ્મં પચ્ચયા અરૂપાવચરો ધમ્મો ઉપ્પજ્જતિ હેતુપચ્ચયા – વત્થું પચ્ચયા અરૂપાવચરા ખન્ધા. નઅરૂપાવચરં ધમ્મં પચ્ચયા અરૂપાવચરો ચ નઅરૂપાવચરો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા અરૂપાવચરા ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૩)

૨૭૪. અરૂપાવચરઞ્ચ નઅરૂપાવચરઞ્ચ ધમ્મં પચ્ચયા અરૂપાવચરો ધમ્મો ઉપ્પજ્જતિ હેતુપચ્ચયા – અરૂપાવચરં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે…. અરૂપાવચરઞ્ચ નઅરૂપાવચરઞ્ચ ધમ્મં પચ્ચયા નઅરૂપાવચરો ધમ્મો ઉપ્પજ્જતિ હેતુપચ્ચયા – અરૂપાવચરે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. અરૂપાવચરઞ્ચ નઅરૂપાવચરઞ્ચ ધમ્મં પચ્ચયા અરૂપાવચરો ચ નઅરૂપાવચરો ચ ધમ્મા ઉપ્પજ્જન્તિ હેતુપચ્ચયા – અરૂપાવચરં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… અરૂપાવચરે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૩)