૨. સઙ્ખ્યાવારો

સુદ્ધં

૨૫૯. હેતુયા ચત્તારિ, આરમ્મણે ચત્તારિ, અધિપતિયા ચત્તારિ, અનન્તરે ચત્તારિ, સમનન્તરે ચત્તારિ, સહજાતે સત્ત, અઞ્ઞમઞ્ઞે છ, નિસ્સયે સત્ત, ઉપનિસ્સયે ચત્તારિ, પુરેજાતે દ્વે, પચ્છાજાતે દ્વે, આસેવને તીણિ, કમ્મે ચત્તારિ, વિપાકે ચત્તારિ, આહારે ચત્તારિ, ઇન્દ્રિયે ચત્તારિ, ઝાને ચત્તારિ, મગ્ગે ચત્તારિ, સમ્પયુત્તે દ્વે, વિપ્પયુત્તે તીણિ, અત્થિયા સત્ત, નત્થિયા ચત્તારિ, વિગતે ચત્તારિ, અવિગતે સત્ત.

પચ્ચનીયુદ્ધારો

૨૬૦. રૂપાવચરો ધમ્મો રૂપાવચરસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો…. રૂપાવચરો ધમ્મો નરૂપાવચરસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો. રૂપાવચરો ધમ્મો રૂપાવચરસ્સ ચ નરૂપાવચરસ્સ ચ ધમ્મસ્સ સહજાતપચ્ચયેન પચ્ચયો… કમ્મપચ્ચયેન પચ્ચયો. (૩)

૨૬૧. નરૂપાવચરો ધમ્મો નરૂપાવચરસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો… આહારપચ્ચયેન પચ્ચયો… ઇન્દ્રિયપચ્ચયેન પચ્ચયો. નરૂપાવચરો ધમ્મો રૂપાવચરસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. (૨)

રૂપાવચરો ચ નરૂપાવચરો ચ ધમ્મા રૂપાવચરસ્સ ધમ્મસ્સ સહજાતં, પુરેજાતં. રૂપાવચરો ચ નરૂપાવચરો ચ ધમ્મા નરૂપાવચરસ્સ ધમ્મસ્સ સહજાતં, પચ્છાજાતં, આહારં, ઇન્દ્રિયં. (૨)