૧. વિભઙ્ગવારો

હેતુપચ્ચયો

૨૪૫. રૂપાવચરો ધમ્મો રૂપાવચરસ્સ ધમ્મસ્સ હેતુપચ્ચયેન પચ્ચયો – રૂપાવચરા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો; પટિસન્ધિક્ખણે…પે…. (મૂલં કાતબ્બં.) રૂપાવચરા હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (મૂલં કાતબ્બં.) રૂપાવચરા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૩)

નરૂપાવચરો ધમ્મો નરૂપાવચરસ્સ ધમ્મસ્સ હેતુપચ્ચયેન પચ્ચયો – નરૂપાવચરા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

આરમ્મણપચ્ચયો

૨૪૬. રૂપાવચરો ધમ્મો રૂપાવચરસ્સ ધમ્મસ્સ આરમ્મણપચ્ચયેન પચ્ચયો – ચેતોપરિયઞાણેન રૂપાવચરચિત્તસમઙ્ગિસ્સ ચિત્તં જાનાતિ, રૂપાવચરા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ આરમ્મણપચ્ચયેન પચ્ચયો. રૂપાવચરો ધમ્મો નરૂપાવચરસ્સ ધમ્મસ્સ આરમ્મણપચ્ચયેન પચ્ચયો – પઠમં ઝાનં પચ્ચવેક્ખતિ…પે… ચતુત્થં ઝાનં પચ્ચવેક્ખતિ, દિબ્બં ચક્ખું પચ્ચવેક્ખતિ, દિબ્બં સોતધાતું…પે… ઇદ્ધિવિધઞાણં…પે… ચેતોપરિયઞાણં…પે… પુબ્બેનિવાસાનુસ્સતિઞાણં…પે… યથાકમ્મૂપગઞાણં…પે… અનાગતંસઞાણં પચ્ચવેક્ખતિ, રૂપાવચરે ખન્ધે અનિચ્ચતો…પે… દોમનસ્સં ઉપ્પજ્જતિ. (૨)

૨૪૭. નરૂપાવચરો ધમ્મો નરૂપાવચરસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં…પે… પુબ્બે સુચિણ્ણાનિ પચ્ચવેક્ખતિ અસ્સાદેતિ અભિનન્દતિ, તં આરબ્ભ રાગો…પે… દોમનસ્સં ઉપ્પજ્જતિ; અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, નિબ્બાનં પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો; અરિયા પહીને કિલેસે…પે… વિક્ખમ્ભિતે કિલેસે…પે… પુબ્બે…પે… ચક્ખું…પે… વત્થું નરૂપાવચરે ખન્ધે અનિચ્ચતો…પે… દોમનસ્સં ઉપ્પજ્જતિ; આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ આરમ્મણપચ્ચયેન પચ્ચયો. (૧)

નરૂપાવચરો ધમ્મો રૂપાવચરસ્સ ધમ્મસ્સ આરમ્મણપચ્ચયેન પચ્ચયો – દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, ચેતોપરિયઞાણેન નરૂપાવચરચિત્તસમઙ્ગિસ્સ ચિત્તં જાનાતિ, નરૂપાવચરા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ આરમ્મણપચ્ચયેન પચ્ચયો. (૨)

અધિપતિપચ્ચયો

૨૪૮. રૂપાવચરો ધમ્મો રૂપાવચરસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – રૂપાવચરાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. રૂપાવચરો ધમ્મો નરૂપાવચરસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – પઠમં ઝાનં ગરું કત્વા પચ્ચવેક્ખતિ, અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ…પે… ચતુત્થં ઝાનં…પે… દિબ્બં ચક્ખું…પે… દિબ્બં સોતધાતું…પે… ઇદ્ધિવિધઞાણં…પે… ચેતોપરિયઞાણં…પે… પુબ્બેનિવાસાનુસ્સતિઞાણં…પે… યથાકમ્મૂપગઞાણં…પે… અનાગતંસઞાણં ગરું કત્વા પચ્ચવેક્ખતિ અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ, રૂપાવચરે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – રૂપાવચરાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. રૂપાવચરો ધમ્મો રૂપાવચરસ્સ ચ નરૂપાવચરસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – રૂપાવચરાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૨૪૯. નરૂપાવચરો ધમ્મો નરૂપાવચરસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં…પે… પુબ્બે સુચિણ્ણાનિ ગરું કત્વા પચ્ચવેક્ખતિ અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ; અરિયા મગ્ગા વુટ્ઠહિત્વા મગ્ગં ગરું કત્વા…પે… ફલં…પે… નિબ્બાનં ગરું કત્વા પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ અધિપતિપચ્ચયેન પચ્ચયો; ચક્ખું…પે… વત્થું નરૂપાવચરે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ; આકાસાનઞ્ચાયતનં ગરું કત્વા પચ્ચવેક્ખતિ…પે… નેવસઞ્ઞાનાસઞ્ઞાયતનં ગરું કત્વા પચ્ચવેક્ખતિ. સહજાતાધિપતિ – નરૂપાવચરાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

અનન્તરપચ્ચયાદિ

૨૫૦. રૂપાવચરો ધમ્મો રૂપાવચરસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા રૂપાવચરા ખન્ધા પચ્છિમાનં પચ્છિમાનં રૂપાવચરાનં ખન્ધાનં અનન્તરપચ્ચયેન પચ્ચયો. રૂપાવચરો ધમ્મો નરૂપાવચરસ્સ ધમ્મસ્સ અનન્તરપચ્ચયેન પચ્ચયો – રૂપાવચરં ચુતિચિત્તં નરૂપાવચરસ્સ ઉપપત્તિચિત્તસ્સ અનન્તરપચ્ચયેન પચ્ચયો; રૂપાવચરં ભવઙ્ગં આવજ્જનાય… રૂપાવચરા ખન્ધા નરૂપાવચરસ્સ વુટ્ઠાનસ્સ અનન્તરપચ્ચયેન પચ્ચયો. (૨)

૨૫૧. નરૂપાવચરો ધમ્મો નરૂપાવચરસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નરૂપાવચરા ખન્ધા પચ્છિમાનં પચ્છિમાનં નરૂપાવચરાનં ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ…પે… નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. નરૂપાવચરો ધમ્મો રૂપાવચરસ્સ ધમ્મસ્સ અનન્તરપચ્ચયેન પચ્ચયો – નરૂપાવચરં ચુતિચિત્તં રૂપાવચરસ્સ ઉપપત્તિચિત્તસ્સ અનન્તરપચ્ચયેન પચ્ચયો; નરૂપાવચરા ખન્ધા રૂપાવચરસ્સ વુટ્ઠાનસ્સ અનન્તરપચ્ચયેન પચ્ચયો; પઠમસ્સ ઝાનસ્સ પરિકમ્મં પઠમસ્સ ઝાનસ્સ અનન્તરપચ્ચયેન પચ્ચયો…પે… ચતુત્થસ્સ ઝાનસ્સ…પે… દિબ્બસ્સ ચક્ખુસ્સ…પે… દિબ્બાય સોતધાતુયા…પે… ઇદ્ધિવિધઞાણસ્સ…પે… ચેતોપરિયઞાણસ્સ…પે… પુબ્બેનિવાસાનુસ્સતિઞાણસ્સ…પે… યથાકમ્મૂપગઞાણસ્સ…પે… અનાગતંસઞાણસ્સ, પરિકમ્મં અનાગતંસઞાણસ્સ અનન્તરપચ્ચયેન પચ્ચયો. (૨)

સમનન્તરપચ્ચયેન પચ્ચયો… સહજાતપચ્ચયેન પચ્ચયો… સત્ત… અઞ્ઞમઞ્ઞપચ્ચયેન પચ્ચયો… છ… નિસ્સયપચ્ચયેન પચ્ચયો… સત્ત.

ઉપનિસ્સયપચ્ચયો

૨૫૨. રૂપાવચરો ધમ્મો રૂપાવચરસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – રૂપાવચરં સદ્ધં ઉપનિસ્સાય રૂપાવચરં ઝાનં ઉપ્પાદેતિ, અભિઞ્ઞં…પે… સમાપત્તિં ઉપ્પાદેતિ; રૂપાવચરં સીલં…પે… પઞ્ઞં ઉપનિસ્સાય રૂપાવચરં ઝાનં…પે… અભિઞ્ઞં…પે… સમાપત્તિં ઉપ્પાદેતિ; રૂપાવચરા સદ્ધા…પે… પઞ્ઞા રૂપાવચરાય સદ્ધાય…પે… પઞ્ઞાય ઉપનિસ્સયપચ્ચયેન પચ્ચયો, પઠમં ઝાનં દુતિયસ્સ ઝાનસ્સ ઉપનિસ્સયપચ્ચયેન પચ્ચયો, દુતિયં ઝાનં તતિયસ્સ ઝાનસ્સ…પે… તતિયં ઝાનં ચતુત્થસ્સ ઝાનસ્સ ઉપનિસ્સયપચ્ચયેન પચ્ચયો. (૧)

રૂપાવચરો ધમ્મો નરૂપાવચરસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – રૂપાવચરં સદ્ધં ઉપનિસ્સાય દાનં દેતિ, સીલં…પે… ઉપોસથકમ્મં કરોતિ; રૂપાવચરં ઝાનં…પે… વિપસ્સનં…પે… મગ્ગં…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ; રૂપાવચરં સીલં…પે… પઞ્ઞં ઉપનિસ્સાય દાનં દેતિ…પે… માનં જપ્પેતિ, દિટ્ઠિં ગણ્હાતિ; રૂપાવચરા સદ્ધા…પે… પઞ્ઞા નરૂપાવચરાય સદ્ધાય…પે… પઞ્ઞાય… રાગસ્સ…પે… પત્થનાય… કાયિકસ્સ સુખસ્સ… કાયિકસ્સ દુક્ખસ્સ… મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૨)

૨૫૩. નરૂપાવચરો ધમ્મો નરૂપાવચરસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – નરૂપાવચરં સદ્ધં ઉપનિસ્સાય દાનં…પે… સીલં…પે… ઉપોસથકમ્મં કરોતિ; નરૂપાવચરં ઝાનં…પે… વિપસ્સનં…પે… મગ્ગં…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ; નરૂપાવચરં સીલં…પે… પઞ્ઞં, રાગં…પે… ભોજનં, સેનાસનં ઉપનિસ્સાય દાનં દેતિ…પે… પાણં હનતિ…પે… સઙ્ઘં ભિન્દતિ; નરૂપાવચરા સદ્ધા…પે… પઞ્ઞા… રાગો…પે… સેનાસનં નરૂપાવચરાય સદ્ધાય…પે… પઞ્ઞાય… રાગસ્સ…પે… પત્થનાય… કાયિકસ્સ સુખસ્સ… કાયિકસ્સ દુક્ખસ્સ… મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

નરૂપાવચરો ધમ્મો રૂપાવચરસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – નરૂપાવચરં સદ્ધં ઉપનિસ્સાય રૂપાવચરં ઝાનં…પે… અભિઞ્ઞં …પે… સમાપત્તિં ઉપ્પાદેતિ; નરૂપાવચરં સીલં…પે… સેનાસનં ઉપનિસ્સાય રૂપાવચરં ઝાનં…પે… અભિઞ્ઞં…પે… સમાપત્તિં ઉપ્પાદેતિ; નરૂપાવચરા સદ્ધા…પે… સેનાસનં રૂપાવચરાય સદ્ધાય…પે… પઞ્ઞાય ઉપનિસ્સયપચ્ચયેન પચ્ચયો, પઠમસ્સ ઝાનસ્સ પરિકમ્મં પઠમસ્સ ઝાનસ્સ ઉપનિસ્સયપચ્ચયેન પચ્ચયો…પે… ચતુત્થસ્સ ઝાનસ્સ…પે… દિબ્બસ્સ ચક્ખુસ્સ પરિકમ્મં…પે… દિબ્બાય સોતધાતુયા…પે… ઇદ્ધિવિધઞાણસ્સ…પે… ચેતોપરિયઞાણસ્સ…પે… પુબ્બેનિવાસાનુસ્સતિઞાણસ્સ…પે… યથાકમ્મૂપગઞાણસ્સ…પે… અનાગતંસઞાણસ્સ પરિકમ્મં અનાગતંસઞાણસ્સ ઉપનિસ્સયપચ્ચયેન પચ્ચયો. (૨)

પુરેજાતપચ્ચયાદિ

૨૫૪. નરૂપાવચરો ધમ્મો નરૂપાવચરસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું …પે… વત્થું અનિચ્ચતો…પે… દોમનસ્સં ઉપ્પજ્જતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ પુરેજાતપચ્ચયેન પચ્ચયો; વત્થુ નરૂપાવચરાનં ખન્ધાનં પુરેજાતપચ્ચયેન પચ્ચયો. નરૂપાવચરો ધમ્મો રૂપાવચરસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. વત્થુપુરેજાતં – વત્થુ રૂપાવચરાનં ખન્ધાનં પુરેજાતપચ્ચયેન પચ્ચયો. (૨)

પચ્છાજાતપચ્ચયેન પચ્ચયો… દ્વે… આસેવનપચ્ચયેન પચ્ચયો… તીણિ.

કમ્મપચ્ચયાદિ

૨૫૫. રૂપાવચરો ધમ્મો રૂપાવચરસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – રૂપાવચરા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – રૂપાવચરા ચેતના વિપાકાનં રૂપાવચરાનં ખન્ધાનં કમ્મપચ્ચયેન પચ્ચયો. રૂપાવચરો ધમ્મો નરૂપાવચરસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – રૂપાવચરા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – રૂપાવચરા ચેતના કટત્તારૂપાનં કમ્મપચ્ચયેન પચ્ચયો. રૂપાવચરો ધમ્મો રૂપાવચરસ્સ ચ નરૂપાવચરસ્સ ચ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – રૂપાવચરા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – રૂપાવચરા ચેતના વિપાકાનં રૂપાવચરાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૩)

નરૂપાવચરો ધમ્મો નરૂપાવચરસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નરૂપાવચરા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નરૂપાવચરા ચેતના વિપાકાનં નરૂપાવચરાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો…. (૧)

વિપાકપચ્ચયેન પચ્ચયો… ચત્તારિ… આહારપચ્ચયેન પચ્ચયો… ચત્તારિ… ઇન્દ્રિયપચ્ચયેન પચ્ચયો… ચત્તારિ… ઝાનપચ્ચયેન પચ્ચયો… ચત્તારિ… મગ્ગપચ્ચયેન પચ્ચયો… ચત્તારિ… સમ્પયુત્તપચ્ચયેન પચ્ચયો… દ્વે.

વિપ્પયુત્તપચ્ચયો

૨૫૬. રૂપાવચરો ધમ્મો નરૂપાવચરસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

નરૂપાવચરો ધમ્મો નરૂપાવચરસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). નરૂપાવચરો ધમ્મો રૂપાવચરસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ રૂપાવચરાનં ખન્ધાનં વિપ્પયુત્તપચ્ચયેન પચ્ચયો. પુરેજાતં – વત્થુ રૂપાવચરાનં ખન્ધાનં વિપ્પયુત્તપચ્ચયેન પચ્ચયો. (૨)

અત્થિપચ્ચયાદિ

૨૫૭. રૂપાવચરો ધમ્મો રૂપાવચરસ્સ ધમ્મસ્સ અત્થિપચ્ચયેન પચ્ચયો (પટિચ્ચસદિસં). રૂપાવચરો ધમ્મો નરૂપાવચરસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં. રૂપાવચરો ધમ્મો રૂપાવચરસ્સ ચ નરૂપાવચરસ્સ ચ ધમ્મસ્સ અત્થિપચ્ચયેન પચ્ચયો (પટિચ્ચસદિસં). (૩)

નરૂપાવચરો ધમ્મો નરૂપાવચરસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં). નરૂપાવચરો ધમ્મો રૂપાવચરસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ રૂપાવચરાનં ખન્ધાનં અત્થિપચ્ચયેન પચ્ચયો. પુરેજાતં – દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, વત્થુ રૂપાવચરાનં ખન્ધાનં અત્થિપચ્ચયેન પચ્ચયો. (૨)

૨૫૮. રૂપાવચરો ચ નરૂપાવચરો ચ ધમ્મા રૂપાવચરસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – રૂપાવચરો એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે… પટિસન્ધિક્ખણે…પે…. રૂપાવચરો ચ નરૂપાવચરો ચ ધમ્મા નરૂપાવચરસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં, ઇન્દ્રિયં. સહજાતા – રૂપાવચરા ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો; પટિસન્ધિક્ખણે…પે…. પચ્છાજાતા – રૂપાવચરા ખન્ધા ચ કબળીકારો આહારો ચ પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – રૂપાવચરા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)

નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો.