૧. વિભઙ્ગવારો

નહેતુપચ્ચયો

૨૪૦. નરૂપાવચરં ધમ્મં પચ્ચયા નરૂપાવચરો ધમ્મો ઉપ્પજ્જતિ નહેતુપચ્ચયા – અહેતુકં નરૂપાવચરં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… (યાવ અસઞ્ઞસત્તા) ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા અહેતુકા નરૂપાવચરા ખન્ધા, વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧) (સંખિત્તં.)

નઅધિપતિપચ્ચયો

૨૪૧. રૂપાવચરં ધમ્મં પચ્ચયા રૂપાવચરો ધમ્મો ઉપ્પજ્જતિ નઅધિપતિપચ્ચયા… તીણિ (પટિચ્ચવારસદિસં).

નરૂપાવચરં ધમ્મં પચ્ચયા નરૂપાવચરો ધમ્મો ઉપ્પજ્જતિ નઅધિપતિપચ્ચયા (પટિચ્ચવારસદિસં). નરૂપાવચરં ધમ્મં પચ્ચયા રૂપાવચરો ધમ્મો ઉપ્પજ્જતિ નઅધિપતિપચ્ચયા – વત્થું પચ્ચયા રૂપાવચરાધિપતિ, વત્થું પચ્ચયા વિપાકા રૂપાવચરા ખન્ધા; પટિસન્ધિક્ખણે…પે…. નરૂપાવચરં ધમ્મં પચ્ચયા રૂપાવચરો ચ નરૂપાવચરો ચ ધમ્મા ઉપ્પજ્જન્તિ નઅધિપતિપચ્ચયા – વત્થું પચ્ચયા વિપાકા રૂપાવચરા ખન્ધા, મહાભૂતે પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૩)

૨૪૨. રૂપાવચરઞ્ચ નરૂપાવચરઞ્ચ ધમ્મં પચ્ચયા રૂપાવચરો ધમ્મો ઉપ્પજ્જતિ નઅધિપતિપચ્ચયા – રૂપાવચરે ખન્ધે ચ વત્થુઞ્ચ પચ્ચયા રૂપાવચરાધિપતિ, વિપાકં રૂપાવચરં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… પટિસન્ધિક્ખણે રૂપાવચરં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે…. રૂપાવચરઞ્ચ નરૂપાવચરઞ્ચ ધમ્મં પચ્ચયા નરૂપાવચરો ધમ્મો ઉપ્પજ્જતિ નઅધિપતિપચ્ચયા – વિપાકે રૂપાવચરે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. રૂપાવચરઞ્ચ નરૂપાવચરઞ્ચ ધમ્મં પચ્ચયા રૂપાવચરો ચ નરૂપાવચરો ચ ધમ્મા ઉપ્પજ્જન્તિ નઅધિપતિપચ્ચયા – વિપાકં રૂપાવચરં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… વિપાકે રૂપાવચરે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૩) (સંખિત્તં.)