૧. વિભઙ્ગવારો

હેતુપચ્ચયો

૨૩૭. રૂપાવચરં ધમ્મં પચ્ચયા રૂપાવચરો ધમ્મો ઉપ્પજ્જતિ હેતુપચ્ચયા… તીણિ (પટિચ્ચસદિસં).

નરૂપાવચરં ધમ્મં પચ્ચયા નરૂપાવચરો ધમ્મો ઉપ્પજ્જતિ હેતુપચ્ચયા – નરૂપાવચરં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… (યાવ અજ્ઝત્તિકં મહાભૂતં) વત્થું પચ્ચયા નરૂપાવચરા ખન્ધા. નરૂપાવચરં ધમ્મં પચ્ચયા રૂપાવચરો ધમ્મો ઉપ્પજ્જતિ હેતુપચ્ચયા – વત્થું પચ્ચયા રૂપાવચરા ખન્ધા; પટિસન્ધિક્ખણે…પે…. નરૂપાવચરં ધમ્મં પચ્ચયા રૂપાવચરો ચ નરૂપાવચરો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા રૂપાવચરા ખન્ધા, મહાભૂતે પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૩)

૨૩૮. રૂપાવચરઞ્ચ નરૂપાવચરઞ્ચ ધમ્મં પચ્ચયા રૂપાવચરો ધમ્મો ઉપ્પજ્જતિ હેતુપચ્ચયા – રૂપાવચરં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… પટિસન્ધિક્ખણે…પે…. રૂપાવચરઞ્ચ નરૂપાવચરઞ્ચ ધમ્મં પચ્ચયા નરૂપાવચરો ધમ્મો ઉપ્પજ્જતિ હેતુપચ્ચયા – રૂપાવચરે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. રૂપાવચરઞ્ચ નરૂપાવચરઞ્ચ ધમ્મં પચ્ચયા રૂપાવચરો ચ નરૂપાવચરો ચ ધમ્મા ઉપ્પજ્જન્તિ હેતુપચ્ચયા – રૂપાવચરં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… રૂપાવચરે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૩) (સંખિત્તં.)