૧. વિભઙ્ગવારો

નહેતુ-નઆરમ્મણપચ્ચયા

૨૩૦. નરૂપાવચરં ધમ્મં પટિચ્ચ નરૂપાવચરો ધમ્મો ઉપ્પજ્જતિ નહેતુપચ્ચયા – અહેતુકં નરૂપાવચરં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં…પે… (યાવ અસઞ્ઞસત્તા) વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

નઆરમ્મણપચ્ચયા… તીણિ.

નઅધિપતિપચ્ચયાદિ

૨૩૧. રૂપાવચરં ધમ્મં પટિચ્ચ રૂપાવચરો ધમ્મો ઉપ્પજ્જતિ નઅધિપતિપચ્ચયા – રૂપાવચરે ખન્ધે પટિચ્ચ રૂપાવચરાધિપતિ વિપાકં, રૂપાવચરં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. રૂપાવચરં ધમ્મં પટિચ્ચ નરૂપાવચરો ધમ્મો ઉપ્પજ્જતિ નઅધિપતિપચ્ચયા – વિપાકે રૂપાવચરે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. રૂપાવચરં ધમ્મં પટિચ્ચ રૂપાવચરો ચ નરૂપાવચરો ચ ધમ્મા ઉપ્પજ્જન્તિ નઅધિપતિપચ્ચયા – વિપાકં રૂપાવચરં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે…. (૩)

નરૂપાવચરં ધમ્મં પટિચ્ચ નરૂપાવચરો ધમ્મો ઉપ્પજ્જતિ નઅધિપતિપચ્ચયા – નરૂપાવચરં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… તીણિ. (નકામાવચરં પટિચ્ચવારસદિસં નિન્નાનં, ઇધ સબ્બે મહાભૂતા કાતબ્બા.) (૩)

૨૩૨. રૂપાવચરઞ્ચ નરૂપાવચરઞ્ચ ધમ્મં પટિચ્ચ રૂપાવચરો ધમ્મો ઉપ્પજ્જતિ નઅધિપતિપચ્ચયા – પટિસન્ધિક્ખણે રૂપાવચરં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે ચ…પે…. રૂપાવચરઞ્ચ નરૂપાવચરઞ્ચ ધમ્મં પટિચ્ચ નરૂપાવચરો ધમ્મો ઉપ્પજ્જતિ નઅધિપતિપચ્ચયા – વિપાકે રૂપાવચરે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. રૂપાવચરઞ્ચ નરૂપાવચરઞ્ચ ધમ્મં પટિચ્ચ રૂપાવચરો ચ નરૂપાવચરો ચ ધમ્મા ઉપ્પજ્જન્તિ નઅધિપતિપચ્ચયા – પટિસન્ધિક્ખણે રૂપાવચરં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે ચ…પે… રૂપાવચરે ખન્ધે ચ મહાભૂતે ચ પટિચ્ચ કટત્તારૂપં. (૩) નઅનન્તરપચ્ચયા…પે… નઉપનિસ્સયપચ્ચયા.

નપુરેજાતપચ્ચયાદિ

૨૩૩. રૂપાવચરં ધમ્મં પટિચ્ચ રૂપાવચરો ધમ્મો ઉપ્પજ્જતિ નપુરેજાતપચ્ચયા – પટિસન્ધિક્ખણે રૂપાવચરં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. રૂપાવચરં ધમ્મં પટિચ્ચ નરૂપાવચરો ધમ્મો ઉપ્પજ્જતિ નપુરેજાતપચ્ચયા – રૂપાવચરે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. રૂપાવચરં ધમ્મં પટિચ્ચ રૂપાવચરો ચ નરૂપાવચરો ચ ધમ્મા ઉપ્પજ્જન્તિ નપુરેજાતપચ્ચયા – પટિસન્ધિક્ખણે રૂપાવચરં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે…પે…. (૩)

નરૂપાવચરં ધમ્મં પટિચ્ચ નરૂપાવચરો ધમ્મો ઉપ્પજ્જતિ નપુરેજાતપચ્ચયા – અરૂપે નરૂપાવચરં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… નરૂપાવચરે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… (યાવ અસઞ્ઞસત્તા, ઇતરે પઞ્ચપિ પઞ્હા, અનુલોમં કાતબ્બં) નપચ્છાજાતપચ્ચયા… નવ.

નઆસેવનપચ્ચયાદિ

૨૩૪. રૂપાવચરં ધમ્મં પટિચ્ચ રૂપાવચરો ધમ્મો ઉપ્પજ્જતિ નઆસેવનપચ્ચયા – વિપાકં રૂપાવચરં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. રૂપાવચરં ધમ્મં પટિચ્ચ નરૂપાવચરો ધમ્મો ઉપ્પજ્જતિ નઆસેવનપચ્ચયા – રૂપાવચરે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. રૂપાવચરં ધમ્મં પટિચ્ચ રૂપાવચરો ચ નરૂપાવચરો ચ ધમ્મા ઉપ્પજ્જન્તિ નઆસેવનપચ્ચયા – વિપાકં રૂપાવચરં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે …પે…. (૩)

નરૂપાવચરં ધમ્મં પટિચ્ચ નરૂપાવચરો ધમ્મો ઉપ્પજ્જતિ નઆસેવનપચ્ચયા… તીણિ.

રૂપાવચરઞ્ચ નરૂપાવચરઞ્ચ ધમ્મં પટિચ્ચ રૂપાવચરો ધમ્મો ઉપ્પજ્જતિ નઆસેવનપચ્ચયા (સંખિત્તં. મૂલં. ઇતરેપિ પઞ્હા કાતબ્બા)… નકમ્મપચ્ચયા… દ્વે…પે… નસમ્પયુત્તપચ્ચયા.

૨૩૫. નરૂપાવચરં ધમ્મં પટિચ્ચ નરૂપાવચરો ધમ્મો ઉપ્પજ્જતિ નવિપ્પયુત્તપચ્ચયા – અરૂપે નરૂપાવચરં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… (સંખિત્તં).