૧. વિભઙ્ગવારો

હેતુપચ્ચયો

૨૨૬. રૂપાવચરં ધમ્મં પટિચ્ચ રૂપાવચરો ધમ્મો ઉપ્પજ્જતિ હેતુપચ્ચયા – રૂપાવચરં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. રૂપાવચરં ધમ્મં પટિચ્ચ નરૂપાવચરો ધમ્મો ઉપ્પજ્જતિ હેતુપચ્ચયા – રૂપાવચરે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. રૂપાવચરં ધમ્મં પટિચ્ચ રૂપાવચરો ચ નરૂપાવચરો ચ ધમ્મા ઉપ્પજ્જન્તિ હેતુપચ્ચયા – રૂપાવચરં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે…. (૩)

૨૨૭. નરૂપાવચરં ધમ્મં પટિચ્ચ નરૂપાવચરો ધમ્મો ઉપ્પજ્જતિ હેતુપચ્ચયા – નરૂપાવચરં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે …પે… એકં મહાભૂતં…પે…. નરૂપાવચરં ધમ્મં પટિચ્ચ રૂપાવચરો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે વત્થું પટિચ્ચ રૂપાવચરા ખન્ધા. નરૂપાવચરં ધમ્મં પટિચ્ચ રૂપાવચરો ચ નરૂપાવચરો ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે વત્થું પટિચ્ચ રૂપાવચરા ખન્ધા, મહાભૂતે પટિચ્ચ કટત્તારૂપં. (૩)

૨૨૮. રૂપાવચરઞ્ચ નરૂપાવચરઞ્ચ ધમ્મં પટિચ્ચ રૂપાવચરો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે રૂપાવચરં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે ચ…પે…. રૂપાવચરઞ્ચ નરૂપાવચરઞ્ચ ધમ્મં પટિચ્ચ નરૂપાવચરો ધમ્મો ઉપ્પજ્જતિ હેતુપચ્ચયા – રૂપાવચરે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે રૂપાવચરે ખન્ધે ચ મહાભૂતે ચ પટિચ્ચ કટત્તારૂપં. રૂપાવચરઞ્ચ નરૂપાવચરઞ્ચ ધમ્મં પટિચ્ચ રૂપાવચરો ચ નરૂપાવચરો ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે રૂપાવચરં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે ચ…પે… રૂપાવચરે ખન્ધે ચ મહાભૂતે ચ પટિચ્ચ કટત્તારૂપં (સંખિત્તં). (૩)