૧-૪. પચ્ચયાનુલોમાદિ

હેતુપચ્ચયો

૨૦૨. કામાવચરં ધમ્મં પચ્ચયા કામાવચરો ધમ્મો ઉપ્પજ્જતિ હેતુપચ્ચયા – કામાવચરં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં …પે… દ્વે ખન્ધે…પે… પટિસન્ધિક્ખણે…પે… (યાવ અજ્ઝત્તિકા મહાભૂતા) વત્થું પચ્ચયા કામાવચરા ખન્ધા. કામાવચરં ધમ્મં પચ્ચયા નકામાવચરો ધમ્મો ઉપ્પજ્જતિ હેતુપચ્ચયા – વત્થું પચ્ચયા નકામાવચરા ખન્ધા; પટિસન્ધિક્ખણે…પે…. કામાવચરં ધમ્મં પચ્ચયા કામાવચરો ચ નકામાવચરો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા નકામાવચરા ખન્ધા, મહાભૂતે પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૩)

નકામાવચરં ધમ્મં પચ્ચયા નકામાવચરો ધમ્મો ઉપ્પજ્જતિ હેતુપચ્ચયા… તીણિ (પટિચ્ચસદિસા).

કામાવચરઞ્ચ નકામાવચરઞ્ચ ધમ્મં પચ્ચયા કામાવચરો ધમ્મો ઉપ્પજ્જતિ હેતુપચ્ચયા (પટિચ્ચસદિસા). કામાવચરઞ્ચ નકામાવચરઞ્ચ ધમ્મં પચ્ચયા નકામાવચરો ધમ્મો ઉપ્પજ્જતિ હેતુપચ્ચયા – નકામાવચરં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… પટિસન્ધિક્ખણે…પે…. કામાવચરઞ્ચ નકામાવચરઞ્ચ ધમ્મં પચ્ચયા કામાવચરો ચ નકામાવચરો ચ ધમ્મા ઉપ્પજ્જન્તિ હેતુપચ્ચયા – નકામાવચરં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… નકામાવચરે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૩) (સંખિત્તં.)

હેતુયા નવ, આરમ્મણે ચત્તારિ, અધિપતિયા નવ, અનન્તરે ચત્તારિ, સમનન્તરે ચત્તારિ, સહજાતે નવ, અઞ્ઞમઞ્ઞે છ, નિસ્સયે નવ, ઉપનિસ્સયે ચત્તારિ, પુરેજાતે ચત્તારિ, આસેવને ચત્તારિ, કમ્મે નવ…પે… અવિગતે નવ.

અનુલોમં.

નહેતુપચ્ચયાદિ

૨૦૩. કામાવચરં ધમ્મં પચ્ચયા કામાવચરો ધમ્મો ઉપ્પજ્જતિ નહેતુપચ્ચયા – અહેતુકં કામાવચરં એકં ખન્ધં પચ્ચયા…પે… અહેતુકપટિસન્ધિક્ખણે…પે… (યાવ અસઞ્ઞસત્તા) ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા અહેતુકા કામાવચરા ખન્ધા, વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

નઆરમ્મણપચ્ચયા… તીણિ.

નઅધિપતિપચ્ચયાદિ

૨૦૪. કામાવચરં ધમ્મં પચ્ચયા કામાવચરો ધમ્મો ઉપ્પજ્જતિ નઅધિપતિપચ્ચયા… એકં (યાવ અસઞ્ઞસત્તા). કામાવચરં ધમ્મં પચ્ચયા નકામાવચરો ધમ્મો ઉપ્પજ્જતિ નઅધિપતિપચ્ચયા – વત્થું પચ્ચયા નકામાવચરાધિપતિ, વત્થું પચ્ચયા વિપાકા નકામાવચરા ખન્ધા; પટિસન્ધિક્ખણે…પે…. કામાવચરં ધમ્મં પચ્ચયા કામાવચરો ચ નકામાવચરો ચ ધમ્મા ઉપ્પજ્જન્તિ નઅધિપતિપચ્ચયા – વત્થું પચ્ચયા વિપાકા નકામાવચરા ખન્ધા, મહાભૂતે પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૩)

નકામાવચરં ધમ્મં પચ્ચયા નકામાવચરો ધમ્મો ઉપ્પજ્જતિ નઅધિપતિપચ્ચયા… તીણિ (પટિચ્ચસદિસા).

કામાવચરઞ્ચ નકામાવચરઞ્ચ ધમ્મં પચ્ચયા કામાવચરો ધમ્મો ઉપ્પજ્જતિ નઅધિપતિપચ્ચયા (પટિચ્ચસદિસા. મૂલં કાતબ્બં.) નકામાવચરે ખન્ધે ચ વત્થુઞ્ચ પચ્ચયા નકામાવચરાધિપતિ, વિપાકં નકામાવચરં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… પટિસન્ધિક્ખણે…પે…. (મૂલં કાતબ્બં.) વિપાકં નકામાવચરં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… વિપાકે નકામાવચરે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૩)

નઉપનિસ્સયપચ્ચયા… તીણિ… નઆસેવનપચ્ચયા (સુદ્ધકે અરૂપમિસ્સકે ચ ‘‘વિપાક’’ન્તિ નિયામેતબ્બં, રૂપમિસ્સકે નત્થિ. સંખિત્તં).

સુદ્ધં

નહેતુયા એકં, નઆરમ્મણે તીણિ, નઅધિપતિયા નવ, નઅનન્તરે તીણિ, નસમનન્તરે તીણિ, નઉપનિસ્સયે તીણિ, નપુરેજાતે નવ, નપચ્છાજાતે નવ, નઆસેવને નવ, નકમ્મે ચત્તારિ, નવિપાકે નવ, નઆહારે એકં, નઇન્દ્રિયે એકં, નઝાને એકં, નમગ્ગે એકં, નસમ્પયુત્તે તીણિ, નવિપ્પયુત્તે દ્વે, નોનત્થિયા તીણિ, નોવિગતે તીણિ.

પચ્ચનીયં.