૧. વિભઙ્ગવારો

નહેતુપચ્ચયાદિ

૧૯૮. કામાવચરં ધમ્મં પટિચ્ચ કામાવચરો ધમ્મો ઉપ્પજ્જતિ નહેતુપચ્ચયા – અહેતુકં કામાવચરં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… (યાવ અસઞ્ઞસત્તા) વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

નઆરમ્મણપચ્ચયા… તીણિ.

નઅધિપતિપચ્ચયાદિ

૧૯૯. કામાવચરં ધમ્મં પટિચ્ચ કામાવચરો ધમ્મો ઉપ્પજ્જતિ નઅધિપતિપચ્ચયા… તીણિ.

નકામાવચરં ધમ્મં પટિચ્ચ નકામાવચરો ધમ્મો ઉપ્પજ્જતિ નઅધિપતિપચ્ચયા – નકામાવચરે ખન્ધે પટિચ્ચ નકામાવચરાધિપતિ, વિપાકં નકામાવચરં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. નકામાવચરં ધમ્મં પટિચ્ચ કામાવચરો ધમ્મો ઉપ્પજ્જતિ નઅધિપતિપચ્ચયા – વિપાકે નકામાવચરે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. નકામાવચરં ધમ્મં પટિચ્ચ કામાવચરો ચ નકામાવચરો ચ ધમ્મા ઉપ્પજ્જન્તિ નઅધિપતિપચ્ચયા – વિપાકં નકામાવચરં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે…. (૩)

કામાવચરઞ્ચ નકામાવચરઞ્ચ ધમ્મં પટિચ્ચ કામાવચરો ધમ્મો ઉપ્પજ્જતિ નઅધિપતિપચ્ચયા – વિપાકે નકામાવચરે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… (ઇતરે દ્વે પાકતિકા) નઅનન્તરપચ્ચયા…પે… નપુરેજાતપચ્ચયા… નપચ્છાજાતપચ્ચયા.

નઆસેવનપચ્ચયો

૨૦૦. કામાવચરં ધમ્મં પટિચ્ચ કામાવચરો ધમ્મો ઉપ્પજ્જતિ નઆસેવનપચ્ચયા… તીણિ.

નકામાવચરં ધમ્મં પટિચ્ચ નકામાવચરો ધમ્મો ઉપ્પજ્જતિ નઆસેવનપચ્ચયા – વિપાકં નકામાવચરં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. નકામાવચરં ધમ્મં પટિચ્ચ કામાવચરો ધમ્મો ઉપ્પજ્જતિ નઆસેવનપચ્ચયા – નકામાવચરે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… (મૂલં કાતબ્બં) વિપાકં નકામાવચરં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે…. (૩)

(અવસેસા તીણિ પાકતિકા. સંખિત્તં.)