૧. વિભઙ્ગવારો

હેતુપચ્ચયો

૧૯૪. કામાવચરં ધમ્મં પટિચ્ચ કામાવચરો ધમ્મો ઉપ્પજ્જતિ હેતુપચ્ચયા – કામાવચરં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… એકં મહાભૂતં…પે… (સંખિત્તં). કામાવચરં ધમ્મં પટિચ્ચ નકામાવચરો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે વત્થું પટિચ્ચ નકામાવચરા ખન્ધા. કામાવચરં ધમ્મં પટિચ્ચ કામાવચરો ચ નકામાવચરો ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે વત્થું પટિચ્ચ નકામાવચરા ખન્ધા, મહાભૂતે પટિચ્ચ કટત્તારૂપં. (૩)

૧૯૫. નકામાવચરં ધમ્મં પટિચ્ચ નકામાવચરો ધમ્મો ઉપ્પજ્જતિ હેતુપચ્ચયા – નકામાવચરં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. નકામાવચરં ધમ્મં પટિચ્ચ કામાવચરો ધમ્મો ઉપ્પજ્જતિ હેતુપચ્ચયા – નકામાવચરે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે નકામાવચરે ખન્ધે પટિચ્ચ કટત્તારૂપં. નકામાવચરં ધમ્મં પટિચ્ચ કામાવચરો ચ નકામાવચરો ચ ધમ્મા ઉપ્પજ્જન્તિ હેતુપચ્ચયા – નકામાવચરં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે…. (૩)

૧૯૬. કામાવચરઞ્ચ નકામાવચરઞ્ચ ધમ્મં પટિચ્ચ કામાવચરો ધમ્મો ઉપ્પજ્જતિ હેતુપચ્ચયા – નકામાવચરે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે નકામાવચરે ખન્ધે ચ મહાભૂતે ચ પટિચ્ચ કટત્તારૂપં. કામાવચરઞ્ચ નકામાવચરઞ્ચ ધમ્મં પટિચ્ચ નકામાવચરો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે નકામાવચરં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે ચ…પે…. કામાવચરઞ્ચ નકામાવચરઞ્ચ ધમ્મં પટિચ્ચ કામાવચરો ચ નકામાવચરો ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે નકામાવચરં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે ચ…પે… નકામાવચરે ખન્ધે ચ મહાભૂતે ચ પટિચ્ચ કટત્તારૂપં. (૩) (સંખિત્તં.)