૧. વિભઙ્ગવારો

નહેતુપચ્ચયો

૧૭૯. ઉપેક્ખાસહગતં ધમ્મં પટિચ્ચ ઉપેક્ખાસહગતો ધમ્મો ઉપ્પજ્જતિ નહેતુપચ્ચયા – અહેતુકં ઉપેક્ખાસહગતં એકં ખન્ધં પટિચ્ચ દ્વે ખન્ધા, દ્વે ખન્ધે…પે… અહેતુકપટિસન્ધિક્ખણે…પે… વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. ઉપેક્ખાસહગતં ધમ્મં પટિચ્ચ નઉપેક્ખાસહગતો ધમ્મો ઉપ્પજ્જતિ નહેતુપચ્ચયા – અહેતુકે ઉપેક્ખાસહગતે ખન્ધે પટિચ્ચ ઉપેક્ખા ચિત્તસમુટ્ઠાનઞ્ચ રૂપં; અહેતુકપટિસન્ધિક્ખણે…પે…. ઉપેક્ખાસહગતં ધમ્મં પટિચ્ચ ઉપેક્ખાસહગતો ચ નઉપેક્ખાસહગતો ચ ધમ્મા ઉપ્પજ્જન્તિ નહેતુપચ્ચયા – અહેતુકં ઉપેક્ખાસહગતં એકં ખન્ધં પટિચ્ચ દ્વે ખન્ધા ઉપેક્ખા ચ ચિત્તસમુટ્ઠાનઞ્ચ રૂપં, દ્વે ખન્ધે…પે… અહેતુકપટિસન્ધિક્ખણે…પે…. (૩)

૧૮૦. નઉપેક્ખાસહગતં ધમ્મં પટિચ્ચ નઉપેક્ખાસહગતો ધમ્મો ઉપ્પજ્જતિ નહેતુપચ્ચયા – અહેતુકં નઉપેક્ખાસહગતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકં ઉપેક્ખં પટિચ્ચ ચિત્તસમુટ્ઠાનં રૂપં; અહેતુકપટિસન્ધિક્ખણે…પે… ઉપેક્ખં પટિચ્ચ વત્થુ, વત્થું પટિચ્ચ ઉપેક્ખા, એકં મહાભૂતં…પે… (યાવ અસઞ્ઞસત્તા).

નઉપેક્ખાસહગતં ધમ્મં પટિચ્ચ ઉપેક્ખાસહગતો ધમ્મો ઉપ્પજ્જતિ નહેતુપચ્ચયા – અહેતુકં ઉપેક્ખં પટિચ્ચ સમ્પયુત્તકા ખન્ધા; અહેતુકપટિસન્ધિક્ખણે ઉપેક્ખં પટિચ્ચ સમ્પયુત્તકા ખન્ધા; અહેતુકપટિસન્ધિક્ખણે વત્થું પટિચ્ચ ઉપેક્ખાસહગતા ખન્ધા; વિચિકિચ્છાસહગતં ઉદ્ધચ્ચસહગતં ઉપેક્ખં પટિચ્ચ વિચિકિચ્છાસહગતો ઉદ્ધચ્ચસહગતો મોહો.

નઉપેક્ખાસહગતં ધમ્મં પટિચ્ચ ઉપેક્ખાસહગતો ચ નઉપેક્ખાસહગતો ચ ધમ્મા ઉપ્પજ્જન્તિ નહેતુપચ્ચયા – અહેતુકં ઉપેક્ખં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં, અહેતુકં ઉપેક્ખં પટિચ્ચ સમ્પયુત્તકા ખન્ધા, મહાભૂતે પટિચ્ચ ચિત્તસમુટ્ઠાનં રૂપં; અહેતુકપટિસન્ધિક્ખણે ઉપેક્ખં પટિચ્ચ સમ્પયુત્તકા ખન્ધા કટત્તા ચ રૂપં, અહેતુકપટિસન્ધિક્ખણે ઉપેક્ખં પટિચ્ચ સમ્પયુત્તકા ખન્ધા, મહાભૂતે પટિચ્ચ કટત્તારૂપં, અહેતુકપટિસન્ધિક્ખણે વત્થું પટિચ્ચ ઉપેક્ખાસહગતા ખન્ધા, મહાભૂતે પટિચ્ચ કટત્તારૂપં, અહેતુકપટિસન્ધિક્ખણે વત્થું પટિચ્ચ ઉપેક્ખા ચ સમ્પયુત્તકા ચ ખન્ધા. (૩)

૧૮૧. ઉપેક્ખાસહગતઞ્ચ નઉપેક્ખાસહગતઞ્ચ ધમ્મં પટિચ્ચ ઉપેક્ખાસહગતો ધમ્મો ઉપ્પજ્જતિ નહેતુપચ્ચયા – અહેતુકં ઉપેક્ખાસહગતં એકં ખન્ધઞ્ચ ઉપેક્ખઞ્ચ પટિચ્ચ દ્વે ખન્ધા, દ્વે ખન્ધે…પે… અહેતુકપટિસન્ધિક્ખણે ઉપેક્ખાસહગતં એકં ખન્ધઞ્ચ ઉપેક્ખઞ્ચ પટિચ્ચ દ્વે ખન્ધા, દ્વે ખન્ધે…પે… અહેતુકપટિસન્ધિક્ખણે ઉપેક્ખાસહગતં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા; દ્વે ખન્ધે…પે… વિચિકિચ્છાસહગતે ઉદ્ધચ્ચસહગતે ખન્ધે ચ ઉપેક્ખઞ્ચ પટિચ્ચ વિચિકિચ્છાસહગતો ઉદ્ધચ્ચસહગતો મોહો.

ઉપેક્ખાસહગતઞ્ચ નઉપેક્ખાસહગતઞ્ચ ધમ્મં પટિચ્ચ નઉપેક્ખાસહગતો ધમ્મો ઉપ્પજ્જતિ નહેતુપચ્ચયા – અહેતુકે ઉપેક્ખાસહગતે ખન્ધે ચ ઉપેક્ખઞ્ચ પટિચ્ચ ચિત્તસમુટ્ઠાનં રૂપં, અહેતુકે ઉપેક્ખાસહગતે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; અહેતુકપટિસન્ધિક્ખણે ઉપેક્ખાસહગતે ખન્ધે ચ ઉપેક્ખઞ્ચ પટિચ્ચ કટત્તારૂપં, અહેતુકપટિસન્ધિક્ખણે ઉપેક્ખાસહગતે ખન્ધે ચ મહાભૂતે ચ પટિચ્ચ કટત્તારૂપં, અહેતુકપટિસન્ધિક્ખણે ઉપેક્ખાસહગતે ખન્ધે ચ વત્થુઞ્ચ પટિચ્ચ ઉપેક્ખા.

ઉપેક્ખાસહગતઞ્ચ નઉપેક્ખાસહગતઞ્ચ ધમ્મં પટિચ્ચ ઉપેક્ખાસહગતો ચ નઉપેક્ખાસહગતો ચ ધમ્મા ઉપ્પજ્જન્તિ નહેતુપચ્ચયા – અહેતુકં ઉપેક્ખાસહગતં એકં ખન્ધઞ્ચ ઉપેક્ખઞ્ચ પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે…પે… અહેતુકં ઉપેક્ખાસહગતં એકં ખન્ધઞ્ચ ઉપેક્ખઞ્ચ પટિચ્ચ દ્વે ખન્ધા, દ્વે ખન્ધે…પે… અહેતુકે ઉપેક્ખાસહગતે ખન્ધે ચ ઉપેક્ખઞ્ચ મહાભૂતે ચ પટિચ્ચ ચિત્તસમુટ્ઠાનં રૂપં; અહેતુકપટિસન્ધિક્ખણે ઉપેક્ખાસહગતં એકં ખન્ધઞ્ચ ઉપેક્ખઞ્ચ પટિચ્ચ દ્વે ખન્ધા કટત્તા ચ રૂપં, દ્વે ખન્ધે…પે… અહેતુકપટિસન્ધિક્ખણે ઉપેક્ખાસહગતં એકં ખન્ધઞ્ચ ઉપેક્ખઞ્ચ પટિચ્ચ દ્વે ખન્ધા, દ્વે ખન્ધે…પે… અહેતુકે ઉપેક્ખાસહગતે ખન્ધે ચ ઉપેક્ખઞ્ચ મહાભૂતે ચ પટિચ્ચ કટત્તારૂપં; અહેતુકપટિસન્ધિક્ખણે ઉપેક્ખાસહગતં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા ઉપેક્ખા ચ, દ્વે ખન્ધે…પે… (સંખિત્તં). (૩)