૧. વિભઙ્ગવારો

હેતુપચ્ચયો

૧૭૦. સુખસહગતો ધમ્મો સુખસહગતસ્સ ધમ્મસ્સ હેતુપચ્ચયેન પચ્ચયો… ચત્તારિ. (આરમ્મણેપિ અધિપતિયાપિ સપ્પીતિકદુકસદિસા, સુખન્તિ નાનાકરણં.)

અનન્તરપચ્ચયાદિ

૧૭૧. સુખસહગતો ધમ્મો સુખસહગતસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સુખસહગતા ખન્ધા પચ્છિમાનં પચ્છિમાનં સુખસહગતાનં ખન્ધાનં અનન્તરપચ્ચયેન પચ્ચયો. (મૂલં કાતબ્બં.) પુરિમા પુરિમા સુખસહગતા ખન્ધા પચ્છિમસ્સ પચ્છિમસ્સ સુખસ્સ અનન્તરપચ્ચયેન પચ્ચયો. સુખસહગતં ચુતિચિત્તં નસુખસહગતસ્સ ઉપપત્તિચિત્તસ્સ… સુખસહગતં ભવઙ્ગં આવજ્જનાય… સુખસહગતં કાયવિઞ્ઞાણં વિપાકમનોધાતુયા… સુખસહગતા વિપાકમનોવિઞ્ઞાણધાતુ કિરિયમનોવિઞ્ઞાણધાતુયા… સુખસહગતં ભવઙ્ગં નસુખસહગતસ્સ ભવઙ્ગસ્સ… સુખસહગતં કુસલાકુસલં નસુખસહગતસ્સ વુટ્ઠાનસ્સ… કિરિયં વુટ્ઠાનસ્સ… ફલં વુટ્ઠાનસ્સ અનન્તરપચ્ચયેન પચ્ચયો. (મૂલં કાતબ્બં.) પુરિમા પુરિમા સુખસહગતા ખન્ધા પચ્છિમાનં પચ્છિમાનં સુખસહગતાનં ખન્ધાનં સુખસ્સ ચ અનન્તરપચ્ચયેન પચ્ચયો. (૧)

નસુખસહગતો ધમ્મો નસુખસહગતસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નસુખસહગતા…પે…. (મૂલં. તીણિપિ સપ્પીતિકદુકસદિસા.)

૧૭૨. સુખસહગતો ચ નસુખસહગતો ચ ધમ્મા સુખસહગતસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સુખસહગતા ખન્ધા ચ સુખઞ્ચ પચ્છિમાનં પચ્છિમાનં સુખસહગતાનં ખન્ધાનં અનન્તરપચ્ચયેન પચ્ચયો. (મૂલં કાતબ્બં.) પુરિમા પુરિમા સુખસહગતા ખન્ધા ચ સુખઞ્ચ પચ્છિમસ્સ પચ્છિમસ્સ સુખસ્સ અનન્તરપચ્ચયેન પચ્ચયો; સુખસહગતં ચુતિચિત્તઞ્ચ સુખઞ્ચ નસુખસહગતસ્સ ઉપપત્તિચિત્તસ્સ સુખસહગતં ભવઙ્ગઞ્ચ સુખઞ્ચ આવજ્જનાય … સુખસહગતં કાયવિઞ્ઞાણઞ્ચ સુખઞ્ચ વિપાકમનોધાતુયા… સુખસહગતા વિપાકમનોવિઞ્ઞાણધાતુ ચ સુખઞ્ચ કિરિયમનોવિઞ્ઞાણધાતુયા… સુખસહગતં ભવઙ્ગઞ્ચ સુખઞ્ચ નસુખસહગતસ્સ ભવઙ્ગસ્સ… સુખસહગતં કુસલાકુસલઞ્ચ સુખઞ્ચ નસુખસહગતસ્સ વુટ્ઠાનસ્સ… કિરિયં વુટ્ઠાનસ્સ… ફલં વુટ્ઠાનસ્સ અનન્તરપચ્ચયેન પચ્ચયો. (મૂલં કાતબ્બં.) પુરિમા પુરિમા સુખસહગતા ખન્ધા ચ સુખઞ્ચ પચ્છિમાનં પચ્છિમાનં સુખસહગતાનં ખન્ધાનં સુખસ્સ ચ અનન્તરપચ્ચયેન પચ્ચયો. (૩)

સમનન્તરપચ્ચયેન પચ્ચયો… સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો.

ઉપનિસ્સયપચ્ચયો

૧૭૩. સુખસહગતો ધમ્મો સુખસહગતસ્સ ધમ્મસ્સ ઉપનિસ્સયપચ્ચયેન પચ્ચયો… તીણિ.

નસુખસહગતો ધમ્મો નસુખસહગતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – નસુખસહગતં સદ્ધં ઉપનિસ્સાય નસુખસહગતેન ચિત્તેન દાનં દેતિ, સીલં…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ; નસુખસહગતં સીલં…પે… પઞ્ઞં… રાગં…પે… પત્થનં… કાયિકં સુખં… કાયિકં દુક્ખં… ઉતું… ભોજનં… સેનાસનં સુખં ઉપનિસ્સાય નસુખસહગતેન ચિત્તેન દાનં દેતિ…પે… સમાપત્તિં ઉપ્પાદેતિ, પાણં હનતિ…પે… સઙ્ઘં ભિન્દતિ; નસુખસહગતા સદ્ધા…પે… સેનાસનં સુખઞ્ચ નસુખસહગતાય સદ્ધાય…પે… પઞ્ઞાય… રાગસ્સ… દોસસ્સ…પે… પત્થનાય… કાયિકસ્સ સુખસ્સ, કાયિકસ્સ દુક્ખસ્સ, મગ્ગસ્સ, ફલસમાપત્તિયા સુખસ્સ ચ ઉપનિસ્સયપચ્ચયેન પચ્ચયો. (૧)

નસુખસહગતો ધમ્મો સુખસહગતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – નસુખસહગતં સદ્ધં ઉપનિસ્સાય સુખસહગતેન ચિત્તેન દાનં દેતિ…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ; નસુખસહગતં સીલં…પે… પઞ્ઞં… રાગં…પે… પત્થનં… કાયિકં સુખં… કાયિકં દુક્ખં… ઉતું… ભોજનં… સેનાસનં સુખં ઉપનિસ્સાય સુખસહગતેન ચિત્તેન દાનં દેતિ…પે… સમાપત્તિં ઉપ્પાદેતિ; સુખસહગતેન ચિત્તેન અદિન્નં આદિયતિ; મુસા…પે… પિસુણં…પે… સમ્ફં…પે… સન્ધિં…પે… નિલ્લોપં…પે… એકાગારિકં…પે… પરિપન્થે…પે… પરદારં…પે… ગામઘાતં…પે… નિગમઘાતં કરોતિ; નસુખસહગતા સદ્ધા…પે… સેનાસનં સુખઞ્ચ સુખસહગતાય સદ્ધાય…પે… પઞ્ઞાય… રાગસ્સ… માનસ્સ… દિટ્ઠિયા… પત્થનાય… કાયિકસ્સ સુખસ્સ… મગ્ગસ્સ ફલસમાપત્તિયા ઉપનિસ્સયપચ્ચયેન પચ્ચયો. (૨)

નસુખસહગતો ધમ્મો સુખસહગતસ્સ ચ નસુખસહગતસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – નસુખસહગતં સદ્ધં ઉપનિસ્સાય સુખસહગતેન ચિત્તેન દાનં દેતિ…પે… (દુતિયગમનસદિસં) માનં જપ્પેતિ, દિટ્ઠિં ગણ્હાતિ; નસુખસહગતં સીલં…પે… સેનાસનં સુખં ઉપનિસ્સાય દાનં દેતિ…પે… સમાપત્તિં ઉપ્પાદેતિ, સુખસહગતેન ચિત્તેન અદિન્નં આદિયતિ…પે… નસુખસહગતા સદ્ધા…પે… સેનાસનં સુખઞ્ચ સુખસહગતાય … સદ્ધાય…પે… પત્થનાય … કાયિકસ્સ સુખસ્સ, મગ્ગસ્સ, ફલસમાપત્તિયા સુખસ્સ ચ ઉપનિસ્સયપચ્ચયેન પચ્ચયો. (૩)

સુખસહગતો ચ નસુખસહગતો ચ ધમ્મા સુખસહગતસ્સ ધમ્મસ્સ ઉપનિસ્સયપચ્ચયેન પચ્ચયો… તીણિ.

પુરેજાતપચ્ચયાદિ

૧૭૪. નસુખસહગતો ધમ્મો નસુખસહગતસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું નસુખસહગતેન ચિત્તેન અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ નસુખસહગતો રાગો ઉપ્પજ્જતિ…પે… દોમનસ્સં ઉપ્પજ્જતિ, સુખં ઉપ્પજ્જતિ, દિબ્બેન ચક્ખુના રૂપં પસ્સતિ…પે… ફોટ્ઠબ્બાયતનં કાયવિઞ્ઞાણસ્સ…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ નસુખસહગતાનં ખન્ધાનં સુખસ્સ ચ પુરેજાતપચ્ચયેન પચ્ચયો. (૧)

નસુખસહગતો ધમ્મો સુખસહગતસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું સુખસહગતેન ચિત્તેન અનિચ્ચતો…પે… વિપસ્સતિ, અસ્સાદેતિ અભિનન્દતિ, તં આરબ્ભ સુખસહગતો રાગો ઉપ્પજ્જતિ, દિટ્ઠિ ઉપ્પજ્જતિ. વત્થુપુરેજાતં – વત્થુ સુખસહગતાનં ખન્ધાનં પુરેજાતપચ્ચયેન પચ્ચયો. (૨)

નસુખસહગતો ધમ્મો સુખસહગતસ્સ ચ નસુખસહગતસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું સુખસહગતેન ચિત્તેન અનિચ્ચતો…પે… વિપસ્સતિ, અસ્સાદેતિ અભિનન્દતિ, તં આરબ્ભ સુખઞ્ચ સમ્પયુત્તકા ખન્ધા ચ ઉપ્પજ્જન્તિ. વત્થુપુરેજાતં – વત્થુ સુખસહગતાનં ખન્ધાનં સુખસ્સ ચ પુરેજાતપચ્ચયેન પચ્ચયો. (૩)

પચ્છાજાતપચ્ચયેન પચ્ચયો… તીણિ… આસેવનપચ્ચયેન પચ્ચયો… નવ.

કમ્મપચ્ચયાદિ

૧૭૫. સુખસહગતો ધમ્મો સુખસહગતસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. (છ કમ્માનિ ચત્તારિ સહજાતાપિ નાનાક્ખણિકાપિ કાતબ્બા, દ્વે નાનાક્ખણિકા.)… વિપાકપચ્ચયેન પચ્ચયો… નવ… આહારપચ્ચયેન પચ્ચયો… ચત્તારિ… ઇન્દ્રિયપચ્ચયેન પચ્ચયો… નવ… ઝાનપચ્ચયેન પચ્ચયો… નવ… મગ્ગપચ્ચયેન પચ્ચયો… ચત્તારિ… સમ્પયુત્તપચ્ચયેન પચ્ચયો… છ… વિપ્પયુત્તપચ્ચયેન પચ્ચયો… પઞ્ચ… અત્થિપચ્ચયેન પચ્ચયો… નવ… નત્થિપચ્ચયેન પચ્ચયો… નવ… વિગતપચ્ચયેન પચ્ચયો… નવ… અવિગતપચ્ચયેન પચ્ચયો… નવ.