૧-૪. પચ્ચયાનુલોમાદિ

હેતુપચ્ચયો

૧૬૮. સુખસહગતં ધમ્મં પટિચ્ચ સુખસહગતો ધમ્મો ઉપ્પજ્જતિ હેતુપચ્ચયા – સુખસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; પટિસન્ધિક્ખણે…પે…. સુખસહગતં ધમ્મં પટિચ્ચ નસુખસહગતો ધમ્મો ઉપ્પજ્જતિ હેતુપચ્ચયા – સુખસહગતે ખન્ધે પટિચ્ચ સુખં ચિત્તસમુટ્ઠાનઞ્ચ રૂપં. (એવં સુખસહગતદુકં વિત્થારેતબ્બં, યથા સપ્પીતિકદુકસ્સ અનુલોમપટિચ્ચવારો.)

હેતુયા નવ, આરમ્મણે નવ…પે… પુરેજાતે છ, આસેવને છ, કમ્મે નવ…પે… અવિગતે નવ.

અનુલોમં.

૧૬૯. સુખસહગતં ધમ્મં પટિચ્ચ સુખસહગતો ધમ્મો ઉપ્પજ્જતિ નહેતુપચ્ચયા – અહેતુકં સુખસહગતં એકં ખન્ધં પટિચ્ચ દ્વે ખન્ધા, દ્વે ખન્ધે…પે… (મૂલં કાતબ્બં.) અહેતુકે સુખસહગતે ખન્ધે પટિચ્ચ સુખઞ્ચ ચિત્તસમુટ્ઠાનઞ્ચ રૂપં. સુખસહગતં ધમ્મં પટિચ્ચ સુખસહગતો ચ નસુખસહગતો ચ ધમ્મા ઉપ્પજ્જન્તિ નહેતુપચ્ચયા – અહેતુકં સુખસહગતં એકં ખન્ધં પટિચ્ચ દ્વે ખન્ધા સુખઞ્ચ ચિત્તસમુટ્ઠાનઞ્ચ રૂપં, દ્વે ખન્ધે…પે…. (૩)

નસુખસહગતં ધમ્મં પટિચ્ચ નસુખસહગતો ધમ્મો ઉપ્પજ્જતિ નહેતુપચ્ચયા – અહેતુકં નસુખસહગતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકં સુખં પટિચ્ચ ચિત્તસમુટ્ઠાનં રૂપં; અહેતુકપટિસન્ધિક્ખણે નસુખસહગતં એકં ખન્ધં પટિચ્ચ તયો ખન્ધા કટત્તા ચ રૂપં …પે… દ્વે ખન્ધે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં…પે…. (યાવ અસઞ્ઞસત્તા) વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (યથા સપ્પીતિકે નહેતુપચ્ચયસદિસં, નિન્નાનં સબ્બત્થમેવ નવ પઞ્હા.)

નહેતુયા નવ, નઆરમ્મણે તીણિ…પે… નઉપનિસ્સયે તીણિ, નપુરેજાતે નવ, નપચ્છાજાતે નવ, નઆસેવને નવ, નકમ્મે ચત્તારિ, નવિપાકે નવ, નઆહારે એકં, નઇન્દ્રિયે એકં, નઝાને છ, નમગ્ગે નવ, નસમ્પયુત્તે તીણિ, નવિપ્પયુત્તે છ, નોનત્થિયા તીણિ, નોવિગતે તીણિ.

પચ્ચનીયં.

(એવં ઇતરે દ્વે ગણનાપિ સહજાતવારોપિ પટિચ્ચવારસદિસા. પચ્ચયવારે પવત્તિપિ પટિસન્ધિપિ વિત્થારેતબ્બા, યથા સપ્પીતિકદુકપચ્ચયવારપચ્ચનીયેપિ પવત્તે વત્થુ ચ વિત્થારેતબ્બં, યથા સપ્પીતિકદુકે એકોયેવ મોહો, એવં ઇતરે દ્વે ગણનાપિ નિસ્સયવારોપિ સંસટ્ઠવારોપિ સમ્પયુત્તવારોપિ યથા સપ્પીતિકદુકં, એવં કાતબ્બં.)