૧. વિભઙ્ગવારો

નહેતુપચ્ચયો

૧૪૪. સપ્પીતિકં ધમ્મં પટિચ્ચ સપ્પીતિકો ધમ્મો ઉપ્પજ્જતિ નહેતુપચ્ચયા – અહેતુકં સપ્પીતિકં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. સપ્પીતિકં ધમ્મં પટિચ્ચ અપ્પીતિકો ધમ્મો ઉપ્પજ્જતિ નહેતુપચ્ચયા – અહેતુકે સપ્પીતિકે ખન્ધે પટિચ્ચ પીતિ ચ ચિત્તસમુટ્ઠાનઞ્ચ રૂપં. સપ્પીતિકં ધમ્મં પટિચ્ચ સપ્પીતિકો ચ અપ્પીતિકો ચ ધમ્મા ઉપ્પજ્જન્તિ નહેતુપચ્ચયા – અહેતુકં સપ્પીતિકં એકં ખન્ધં પટિચ્ચ તયો ખન્ધા પીતિ ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

અપ્પીતિકં ધમ્મં પટિચ્ચ અપ્પીતિકો ધમ્મો ઉપ્પજ્જતિ નહેતુપચ્ચયા – અહેતુકં અપ્પીતિકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પીતિં પટિચ્ચ ચિત્તસમુટ્ઠાનં રૂપં; અહેતુકપટિસન્ધિક્ખણે અપ્પીતિકં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે પટિચ્ચ દ્વે ખન્ધા કટત્તા ચ રૂપં, ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં…પે… (યાવ અસઞ્ઞસત્તાપિ) વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. અપ્પીતિકં ધમ્મં પટિચ્ચ સપ્પીતિકો ધમ્મો ઉપ્પજ્જતિ નહેતુપચ્ચયા – અહેતુકં પીતિં પટિચ્ચ સપ્પીતિકા ખન્ધા. (મૂલં કાતબ્બં.) પીતિં પટિચ્ચ સપ્પીતિકા ખન્ધા ચિત્તસમુટ્ઠાનઞ્ચ રૂપં. (૩)

૧૪૫. સપ્પીતિકઞ્ચ અપ્પીતિકઞ્ચ ધમ્મં પટિચ્ચ સપ્પીતિકો ધમ્મો ઉપ્પજ્જતિ નહેતુપચ્ચયા – અહેતુકં સપ્પીતિકં એકં ખન્ધઞ્ચ પીતિઞ્ચ પટિચ્ચ તયો ખન્ધા…પે… દ્વે ખન્ધે ચ…પે…. સપ્પીતિકઞ્ચ અપ્પીતિકઞ્ચ ધમ્મં પટિચ્ચ અપ્પીતિકો ધમ્મો ઉપ્પજ્જતિ નહેતુપચ્ચયા – અહેતુકે સપ્પીતિકે ખન્ધે ચ પીતિઞ્ચ પટિચ્ચ ચિત્તસમુટ્ઠાનં રૂપં, અહેતુકે સપ્પીતિકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. સપ્પીતિકઞ્ચ અપ્પીતિકઞ્ચ ધમ્મં પટિચ્ચ સપ્પીતિકો ચ અપ્પીતિકો ચ ધમ્મા ઉપ્પજ્જન્તિ નહેતુપચ્ચયા – અહેતુકં સપ્પીતિકં એકં ખન્ધઞ્ચ પીતિઞ્ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે ચ…પે… અહેતુકં સપ્પીતિકં એકં ખન્ધઞ્ચ પીતિઞ્ચ પટિચ્ચ તયો ખન્ધા…પે… દ્વે ખન્ધે ચ…પે… અહેતુકે સપ્પીતિકે ખન્ધે ચ પીતિઞ્ચ મહાભૂતે ચ પટિચ્ચ ચિત્તસમુટ્ઠાનં રૂપં. (૩)