૨. સઙ્ખ્યાવારો

સુદ્ધં

૧૩૪. હેતુયા ચત્તારિ, આરમ્મણે નવ, અધિપતિયા નવ, અનન્તરે નવ, સમનન્તરે નવ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે નવ, પુરેજાતે તીણિ, પચ્છાજાતે તીણિ, આસેવને નવ, કમ્મે ચત્તારિ, વિપાકે નવ, આહારે ચત્તારિ, ઇન્દ્રિયે ચત્તારિ, ઝાને નવ, મગ્ગે નવ, સમ્પયુત્તે છ, વિપ્પયુત્તે પઞ્ચ, અત્થિયા નવ, નત્થિયા નવ, વિગતે નવ, અવિગતે નવ.

અનુલોમં.

પચ્ચનીયુદ્ધારો

૧૩૫. સવિતક્કો ધમ્મો સવિતક્કસ્સ ધમ્મસ્સ આરમ્મણપચ્ચયેન પચ્ચયો … સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… કમ્મપચ્ચયેન પચ્ચયો. સવિતક્કો ધમ્મો અવિતક્કસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો. સવિતક્કો ધમ્મો સવિતક્કસ્સ ચ અવિતક્કસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… કમ્મપચ્ચયેન પચ્ચયો. (૩)

૧૩૬. અવિતક્કો ધમ્મો અવિતક્કસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો… આહારપચ્ચયેન પચ્ચયો… ઇન્દ્રિયપચ્ચયેન પચ્ચયો. અવિતક્કો ધમ્મો સવિતક્કસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. અવિતક્કો ધમ્મો સવિતક્કસ્સ ચ અવિતક્કસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. (૩)

૧૩૭. સવિતક્કો ચ અવિતક્કો ચ ધમ્મા સવિતક્કસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. સવિતક્કો ચ અવિતક્કો ચ ધમ્મા અવિતક્કસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો … ઉપનિસ્સયપચ્ચયેન પચ્ચયો … પચ્છાજાતપચ્ચયેન પચ્ચયો. સવિતક્કો ચ અવિતક્કો ચ ધમ્મા સવિતક્કસ્સ ચ અવિતક્કસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૩)