૧. વિભઙ્ગવારો

હેતુપચ્ચયો

૧૧૬. સવિતક્કો ધમ્મો સવિતક્કસ્સ ધમ્મસ્સ હેતુપચ્ચયેન પચ્ચયો – સવિતક્કા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો; પટિસન્ધિક્ખણે…પે…. સવિતક્કો ધમ્મો અવિતક્કસ્સ ધમ્મસ્સ હેતુપચ્ચયેન પચ્ચયો – સવિતક્કા હેતૂ વિતક્કસ્સ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (મૂલં કાતબ્બં.) સવિતક્કા હેતૂ સમ્પયુત્તકાનં ખન્ધાનં વિતક્કસ્સ ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે… (૩)

અવિતક્કો ધમ્મો અવિતક્કસ્સ ધમ્મસ્સ હેતુપચ્ચયેન પચ્ચયો – અવિતક્કા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

આરમ્મણપચ્ચયો

૧૧૭. સવિતક્કો ધમ્મો સવિતક્કસ્સ ધમ્મસ્સ આરમ્મણપચ્ચયેન પચ્ચયો – સવિતક્કે ખન્ધે આરબ્ભ સવિતક્કા ખન્ધા ઉપ્પજ્જન્તિ. (મૂલં કાતબ્બં.) સવિતક્કે ખન્ધે આરબ્ભ અવિતક્કા ખન્ધા ચ વિતક્કો ચ ઉપ્પજ્જન્તિ. (મૂલં કાતબ્બં.) સવિતક્કે ખન્ધે આરબ્ભ સવિતક્કા ખન્ધા ચ વિતક્કો ચ ઉપ્પજ્જન્તિ. (૩)

૧૧૮. અવિતક્કો ધમ્મો અવિતક્કસ્સ ધમ્મસ્સ આરમ્મણપચ્ચયેન પચ્ચયો – અરિયા અવિતક્કા ઝાના વુટ્ઠહિત્વા અવિતક્કં ઝાનં પચ્ચવેક્ખન્તિ, મગ્ગા વુટ્ઠહિત્વા મગ્ગં પચ્ચવેક્ખન્તિ, ફલા વુટ્ઠહિત્વા ફલં પચ્ચવેક્ખન્તિ, નિબ્બાનં પચ્ચવેક્ખન્તિ, નિબ્બાનં અવિતક્કસ્સ મગ્ગસ્સ, ફલસ્સ, વિતક્કસ્સ ચ આરમ્મણપચ્ચયેન પચ્ચયો; ચક્ખું…પે… વત્થું અવિતક્કે ખન્ધે ચ વિતક્કઞ્ચ અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ વિતક્કો ઉપ્પજ્જતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, ચેતોપરિયઞાણેન અવિતક્કચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં…પે… આકિઞ્ચઞ્ઞાયતનં…પે… રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં…પે… અવિતક્કા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ યથાકમ્મૂપગઞાણસ્સ, અનાગતંસઞાણસ્સ, વિતક્કસ્સ ચ આરમ્મણપચ્ચયેન પચ્ચયો; અવિતક્કે ખન્ધે ચ વિતક્કઞ્ચ આરબ્ભ અવિતક્કા ખન્ધા ચ વિતક્કો ચ ઉપ્પજ્જન્તિ. (૧)

અવિતક્કો ધમ્મો સવિતક્કસ્સ ધમ્મસ્સ આરમ્મણપચ્ચયેન પચ્ચયો – અરિયા અવિતક્કા ઝાના વુટ્ઠહિત્વા…પે… મગ્ગા વુટ્ઠહિત્વા…પે… ફલા વુટ્ઠહિત્વા ફલં પચ્ચવેક્ખન્તિ, નિબ્બાનં પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, સવિતક્કસ્સ મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો; ચક્ખું…પે… વત્થું અવિતક્કે ખન્ધે ચ વિતક્કઞ્ચ અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ; અવિતક્કે ખન્ધે ચ વિતક્કઞ્ચ આરબ્ભ સવિતક્કા ખન્ધા ઉપ્પજ્જન્તિ. (૨)

અવિતક્કો ધમ્મો સવિતક્કસ્સ ચ અવિતક્કસ્સ ચ ધમ્મસ્સ આરમ્મણપચ્ચયેન પચ્ચયો – અરિયા અવિતક્કા ઝાના વુટ્ઠહિત્વા…પે… મગ્ગા વુટ્ઠહિત્વા…પે… ફલા વુટ્ઠહિત્વા ફલં પચ્ચવેક્ખન્તિ, નિબ્બાનં પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, સવિતક્કસ્સ મગ્ગસ્સ, ફલસ્સ, આવજ્જનાય, વિતક્કસ્સ ચ આરમ્મણપચ્ચયેન પચ્ચયો; ચક્ખું…પે… વત્થું અવિતક્કે ખન્ધે ચ વિતક્કઞ્ચ અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ સવિતક્કા ખન્ધા ચ વિતક્કો ચ ઉપ્પજ્જન્તિ, અવિતક્કે ખન્ધે ચ વિતક્કઞ્ચ આરબ્ભ સવિતક્કા ખન્ધા ચ વિતક્કો ચ ઉપ્પજ્જન્તિ. (૩)

૧૧૯. સવિતક્કો ચ અવિતક્કો ચ ધમ્મા સવિતક્કસ્સ ધમ્મસ્સ આરમ્મણપચ્ચયેન પચ્ચયો – સવિતક્કે ખન્ધે ચ વિતક્કઞ્ચ આરબ્ભ સવિતક્કા ખન્ધા ઉપ્પજ્જન્તિ. (મૂલં કાતબ્બં.) સવિતક્કે ખન્ધે ચ વિતક્કઞ્ચ આરબ્ભ અવિતક્કા ખન્ધા ચ વિતક્કો ચ ઉપ્પજ્જન્તિ. (મૂલં કાતબ્બં.) સવિતક્કે ખન્ધે ચ વિતક્કઞ્ચ આરબ્ભ સવિતક્કા ખન્ધા ચ વિતક્કો ચ ઉપ્પજ્જન્તિ. (૩)

અધિપતિપચ્ચયો

૧૨૦. સવિતક્કો ધમ્મો સવિતક્કસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – સવિતક્કે ખન્ધે ગરું કત્વા સવિતક્કા ખન્ધા ઉપ્પજ્જન્તિ. સહજાતાધિપતિ – સવિતક્કાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

સવિતક્કો ધમ્મો અવિતક્કસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – સવિતક્કે ખન્ધે ગરું કત્વા વિતક્કો ઉપ્પજ્જતિ. સહજાતાધિપતિ – સવિતક્કાધિપતિ વિતક્કસ્સ ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૨)

સવિતક્કો ધમ્મો સવિતક્કસ્સ ચ અવિતક્કસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – સવિતક્કે ખન્ધે ગરું કત્વા સવિતક્કા ખન્ધા ચ વિતક્કો ચ ઉપ્પજ્જન્તિ. સહજાતાધિપતિ – સવિતક્કાધિપતિ સમ્પયુત્તકાનં ખન્ધાનં વિતક્કસ્સ ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૧૨૧. અવિતક્કો ધમ્મો અવિતક્કસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – અરિયા અવિતક્કા ઝાના વુટ્ઠહિત્વા…પે… મગ્ગા વુટ્ઠહિત્વા…પે… ફલા વુટ્ઠહિત્વા ફલં ગરું કત્વા પચ્ચવેક્ખન્તિ, નિબ્બાનં ગરું કત્વા પચ્ચવેક્ખન્તિ, નિબ્બાનં અવિતક્કસ્સ મગ્ગસ્સ, ફલસ્સ, વિતક્કસ્સ ચ અધિપતિપચ્ચયેન પચ્ચયો; ચક્ખું…પે… વત્થું અવિતક્કે ખન્ધે ચ વિતક્કઞ્ચ ગરું કત્વા અસ્સાદેતિ અભિનન્દતિ, તં ગરું કત્વા વિતક્કો ઉપ્પજ્જતિ. સહજાતાધિપતિ – અવિતક્કાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

અવિતક્કો ધમ્મો સવિતક્કસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અરિયા અવિતક્કા ઝાના વુટ્ઠહિત્વા…પે… મગ્ગા વુટ્ઠહિત્વા…પે… ફલા વુટ્ઠહિત્વા ફલં ગરું કત્વા પચ્ચવેક્ખન્તિ, નિબ્બાનં ગરું કત્વા પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, સવિતક્કસ્સ મગ્ગસ્સ, ફલસ્સ અધિપતિપચ્ચયેન પચ્ચયો; ચક્ખું…પે… વત્થું અવિતક્કે ખન્ધે ચ વિતક્કઞ્ચ ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ, અવિતક્કે ખન્ધે ચ વિતક્કઞ્ચ ગરું કત્વા સવિતક્કા ખન્ધા ઉપ્પજ્જન્તિ. (૨)

અવિતક્કો ધમ્મો સવિતક્કસ્સ ચ અવિતક્કસ્સ ચ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અરિયા અવિતક્કા ઝાના વુટ્ઠહિત્વા…પે… મગ્ગા વુટ્ઠહિત્વા…પે… ફલા વુટ્ઠહિત્વા ફલં ગરું કત્વા પચ્ચવેક્ખન્તિ, નિબ્બાનં ગરું કત્વા પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, સવિતક્કસ્સ મગ્ગસ્સ, ફલસ્સ, વિતક્કસ્સ ચ અધિપતિપચ્ચયેન પચ્ચયો; ચક્ખું…પે… વત્થું અવિતક્કે ખન્ધે ચ વિતક્કઞ્ચ ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ; અવિતક્કે ખન્ધે ચ વિતક્કઞ્ચ ગરું કત્વા સવિતક્કા ખન્ધા ચ વિતક્કો ચ ઉપ્પજ્જન્તિ. (૩)

સવિતક્કો ચ અવિતક્કો ચ ધમ્મા સવિતક્કસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – સવિતક્કે ખન્ધે ચ વિતક્કઞ્ચ ગરું કત્વા સવિતક્કા ખન્ધા ઉપ્પજ્જન્તિ. (મૂલં કાતબ્બં.) સવિતક્કે ખન્ધે ચ વિતક્કઞ્ચ ગરું કત્વા વિતક્કો ઉપ્પજ્જતિ. (મૂલં કાતબ્બં.) સવિતક્કે ખન્ધે ચ વિતક્કઞ્ચ ગરું કત્વા સવિતક્કા ખન્ધા ચ વિતક્કો ચ ઉપ્પજ્જન્તિ. (૩)

અનન્તરપચ્ચયાદિ

૧૨૨. સવિતક્કો ધમ્મો સવિતક્કસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સવિતક્કા ખન્ધા પચ્છિમાનં પચ્છિમાનં સવિતક્કાનં ખન્ધાનં અનન્તરપચ્ચયેન પચ્ચયો. (૧)

સવિતક્કો ધમ્મો અવિતક્કસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સવિતક્કા ખન્ધા પચ્છિમસ્સ પચ્છિમસ્સ વિતક્કસ્સ અનન્તરપચ્ચયેન પચ્ચયો; સવિતક્કં ચુતિચિત્તં અવિતક્કસ્સ ઉપપત્તિચિત્તસ્સ અનન્તરપચ્ચયેન પચ્ચયો; આવજ્જના પઞ્ચન્નં વિઞ્ઞાણાનં અનન્તરપચ્ચયેન પચ્ચયો; સવિતક્કા ખન્ધા અવિતક્કસ્સ વુટ્ઠાનસ્સ અનન્તરપચ્ચયેન પચ્ચયો; દુતિયસ્સ ઝાનસ્સ પરિકમ્મં દુતિયસ્સ ઝાનસ્સ અનન્તરપચ્ચયેન પચ્ચયો; તતિયસ્સ ઝાનસ્સ પરિકમ્મં…પે… નેવસઞ્ઞાનાસઞ્ઞાયતનસ્સ પરિકમ્મં નેવસઞ્ઞાનાસઞ્ઞાયતનસ્સ…પે… દિબ્બસ્સ ચક્ખુસ્સ પરિકમ્મં…પે… દિબ્બાય સોતધાતુયા પરિકમ્મં…પે… ઇદ્ધિવિધઞાણસ્સ પરિકમ્મં…પે… ચેતોપરિયઞાણસ્સ પરિકમ્મં…પે… પુબ્બેનિવાસાનુસ્સતિઞાણસ્સ પરિકમ્મં…પે… યથાકમ્મૂપગઞાણસ્સ પરિકમ્મં યથાકમ્મૂપગઞાણસ્સ…પે… અનાગતંસઞાણસ્સ પરિકમ્મં અનાગતંસઞાણસ્સ અનન્તરપચ્ચયેન પચ્ચયો. ગોત્રભુ અવિતક્કસ્સ મગ્ગસ્સ… વોદાનં અવિતક્કસ્સ મગ્ગસ્સ… અનુલોમં અવિતક્કાય ફલસમાપત્તિયા અનન્તરપચ્ચયેન પચ્ચયો. (૨)

સવિતક્કો ધમ્મો સવિતક્કસ્સ ચ અવિતક્કસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા સવિતક્કા ખન્ધા પચ્છિમાનં પચ્છિમાનં સવિતક્કાનં ખન્ધાનં વિતક્કસ્સ ચ અનન્તરપચ્ચયેન પચ્ચયો. (૩)

૧૨૩. અવિતક્કો ધમ્મો અવિતક્કસ્સ ધમ્મસ્સ અનન્તરપચ્ચયેન પચ્ચયો – પુરિમો પુરિમો વિતક્કો પચ્છિમસ્સ પચ્છિમસ્સ વિતક્કસ્સ અનન્તરપચ્ચયેન પચ્ચયો; પુરિમા પુરિમા અવિતક્કા ખન્ધા પચ્છિમાનં પચ્છિમાનં અવિતક્કાનં ખન્ધાનં અનન્તરપચ્ચયેન પચ્ચયો; અવિતક્કો મગ્ગો અવિતક્કસ્સ ફલસ્સ…પે… અવિતક્કં ફલં અવિતક્કસ્સ ફલસ્સ …પે… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં અવિતક્કાય ફલસમાપત્તિયા અનન્તરપચ્ચયેન પચ્ચયો. (૧)

અવિતક્કો ધમ્મો સવિતક્કસ્સ ધમ્મસ્સ અનન્તરપચ્ચયેન પચ્ચયો – પુરિમો પુરિમો વિતક્કો પચ્છિમાનં પચ્છિમાનં સવિતક્કાનં ખન્ધાનં અનન્તરપચ્ચયેન પચ્ચયો; અવિતક્કં ચુતિચિત્તં સવિતક્કસ્સ ઉપપત્તિચિત્તસ્સ, અવિતક્કં ભવઙ્ગં આવજ્જનાય, અવિતક્કા ખન્ધા સવિતક્કસ્સ વુટ્ઠાનસ્સ અનન્તરપચ્ચયેન પચ્ચયો. (૨)

અવિતક્કો ધમ્મો સવિતક્કસ્સ ચ અવિતક્કસ્સ ચ ધમ્મસ્સ અનન્તરપચ્ચયેન પચ્ચયો – પુરિમો પુરિમો વિતક્કો પચ્છિમાનં પચ્છિમાનં સવિતક્કાનં ખન્ધાનં વિતક્કસ્સ ચ અનન્તરપચ્ચયેન પચ્ચયો. (૩)

૧૨૪. સવિતક્કો ચ અવિતક્કો ચ ધમ્મા સવિતક્કસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સવિતક્કા ખન્ધા ચ વિતક્કો ચ પચ્છિમાનં પચ્છિમાનં સવિતક્કાનં ખન્ધાનં અનન્તરપચ્ચયેન પચ્ચયો. (૧)

સવિતક્કો ચ અવિતક્કો ચ ધમ્મા અવિતક્કસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સવિતક્કા ખન્ધા ચ વિતક્કો ચ પચ્છિમસ્સ પચ્છિમસ્સ વિતક્કસ્સ અનન્તરપચ્ચયેન પચ્ચયો; સવિતક્કં ચુતિચિત્તઞ્ચ વિતક્કો ચ અવિતક્કસ્સ ઉપપત્તિચિત્તસ્સ…પે… આવજ્જના ચ વિતક્કો ચ પઞ્ચન્નં વિઞ્ઞાણાનં…પે… સવિતક્કા ખન્ધા ચ વિતક્કો ચ અવિતક્કસ્સ વુટ્ઠાનસ્સ અનન્તરપચ્ચયેન પચ્ચયો; દુતિયસ્સ ઝાનસ્સ પરિકમ્મઞ્ચ વિતક્કો ચ…પે… (હેટ્ઠા લિખિતં લેખં ઇમિના કારણેન દટ્ઠબ્બં); અનુલોમઞ્ચ વિતક્કો ચ અવિતક્કાય ફલસમાપત્તિયા અનન્તરપચ્ચયેન પચ્ચયો. (૨)

સવિતક્કો ચ અવિતક્કો ચ ધમ્મા સવિતક્કસ્સ ચ અવિતક્કસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા સવિતક્કા ખન્ધા ચ વિતક્કો ચ પચ્છિમાનં પચ્છિમાનં સવિતક્કાનં ખન્ધાનં વિતક્કસ્સ ચ અનન્તરપચ્ચયેન પચ્ચયો. (૩)

સમનન્તરપચ્ચયેન પચ્ચયો… સહજાતપચ્ચયેન પચ્ચયો… નવ… અઞ્ઞમઞ્ઞપચ્ચયેન પચ્ચયો… નવ… નિસ્સયપચ્ચયેન પચ્ચયો… નવ.

ઉપનિસ્સયપચ્ચયો

૧૨૫. સવિતક્કો ધમ્મો સવિતક્કસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સવિતક્કા ખન્ધા સવિતક્કાનં ખન્ધાનં ઉપનિસ્સયપચ્ચયેન પચ્ચયો. (મૂલં કાતબ્બં.) સવિતક્કા ખન્ધા અવિતક્કાનં ખન્ધાનં વિતક્કસ્સ ચ ઉપનિસ્સયપચ્ચયેન પચ્ચયો. (મૂલં કાતબ્બં.) સવિતક્કા ખન્ધા સવિતક્કાનં ખન્ધાનં વિતક્કસ્સ ચ ઉપનિસ્સયપચ્ચયેન પચ્ચયો. (૩)

૧૨૬. અવિતક્કો ધમ્મો અવિતક્કસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અવિતક્કં સદ્ધં ઉપનિસ્સાય અવિતક્કં ઝાનં ઉપ્પાદેતિ, મગ્ગં ઉપ્પાદેતિ, અભિઞ્ઞં ઉપ્પાદેતિ, સમાપત્તિં ઉપ્પાદેતિ; અવિતક્કં સીલં…પે… પઞ્ઞં… કાયિકં સુખં… કાયિકં દુક્ખં… ઉતું… ભોજનં… સેનાસનં વિતક્કં ઉપનિસ્સાય અવિતક્કં ઝાનં ઉપ્પાદેતિ, મગ્ગં…પે… અભિઞ્ઞં…પે… સમાપત્તિં ઉપ્પાદેતિ; અવિતક્કા સદ્ધા…પે… સેનાસનં વિતક્કો ચ અવિતક્કાય સદ્ધાય…પે… પઞ્ઞાય… કાયિકસ્સ સુખસ્સ… કાયિકસ્સ દુક્ખસ્સ… અવિતક્કસ્સ મગ્ગસ્સ… ફલસમાપત્તિયા ઉપનિસ્સયપચ્ચયેન પચ્ચયો. (૧)

અવિતક્કો ધમ્મો સવિતક્કસ્સ ધમ્મસ્સ ઉપનિસ્સયપચ્ચયેન પચ્ચયો (તીણિપિ ઉપનિસ્સયા સબ્બત્થ કાતબ્બા). અવિતક્કં સદ્ધં ઉપનિસ્સાય દાનં દેતિ, સીલં સમાદિયતિ, ઉપોસથકમ્મં કરોતિ; સવિતક્કં ઝાનં ઉપ્પાદેતિ, વિપસ્સનં…પે… મગ્ગં…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ; અવિતક્કં સીલં…પે… સેનાસનં વિતક્કં ઉપનિસ્સાય દાનં દેતિ…પે… સમાપત્તિં ઉપ્પાદેતિ, પાણં હનતિ…પે… સઙ્ઘં ભિન્દતિ; અવિતક્કા સદ્ધા…પે… સેનાસનં વિતક્કો ચ સવિતક્કાય સદ્ધાય…પે… પઞ્ઞાય… રાગસ્સ…પે… પત્થનાય સવિતક્કસ્સ મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૨)

અવિતક્કો ધમ્મો સવિતક્કસ્સ ચ અવિતક્કસ્સ ચ ધમ્મસ્સ ઉપનિસ્સયપચ્ચયેન પચ્ચયો – અવિતક્કં સદ્ધં ઉપનિસ્સાય દાનં દેતિ…પે… (દુતિયવારે લિખિતપદા સબ્બે કાતબ્બા) સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ; સીલં…પે… પઞ્ઞં…પે… સેનાસનં વિતક્કં ઉપનિસ્સાય દાનં દેતિ…પે… પાણં હનતિ…પે… સઙ્ઘં ભિન્દતિ; અવિતક્કા સદ્ધા…પે… સેનાસનં વિતક્કો ચ સવિતક્કાય સદ્ધાય…પે… પઞ્ઞાય… રાગસ્સ …પે… પત્થનાય સવિતક્કસ્સ મગ્ગસ્સ, ફલસમાપત્તિયા વિતક્કસ્સ ચ ઉપનિસ્સયપચ્ચયેન પચ્ચયો. (૩)

૧૨૭. સવિતક્કો ચ અવિતક્કો ચ ધમ્મા સવિતક્કસ્સ ધમ્મસ્સ ઉપનિસ્સયપચ્ચયેન પચ્ચયો – સવિતક્કા ખન્ધા ચ વિતક્કો ચ સવિતક્કાનં ખન્ધાનં ઉપનિસ્સયપચ્ચયેન પચ્ચયો. (મૂલં કાતબ્બં.) સવિતક્કા ખન્ધા ચ વિતક્કો ચ અવિતક્કાનં ખન્ધાનં વિતક્કસ્સ ચ ઉપનિસ્સયપચ્ચયેન પચ્ચયો. (મૂલં કાતબ્બં.) સવિતક્કા ખન્ધા ચ વિતક્કો ચ સવિતક્કાનં ખન્ધાનં વિતક્કસ્સ ચ ઉપનિસ્સયપચ્ચયેન પચ્ચયો. (૩)

પુરેજાતપચ્ચયો

૧૨૮. અવિતક્કો ધમ્મો અવિતક્કસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ વિતક્કો ઉપ્પજ્જતિ, દિબ્બેન ચક્ખુના રૂપં પસ્સતિ…પે… ફોટ્ઠબ્બાયતનં કાયવિઞ્ઞાણસ્સ…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ અવિતક્કાનં ખન્ધાનં વિતક્કસ્સ ચ પુરેજાતપચ્ચયેન પચ્ચયો.

અવિતક્કો ધમ્મો સવિતક્કસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ સવિતક્કા ખન્ધા ઉપ્પજ્જન્તિ. વત્થુપુરેજાતં – વત્થુ સવિતક્કાનં ખન્ધાનં પુરેજાતપચ્ચયેન પચ્ચયો.

અવિતક્કો ધમ્મો સવિતક્કસ્સ ચ અવિતક્કસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… વિપસ્સતિ, અસ્સાદેતિ અભિનન્દતિ, તં આરબ્ભ સવિતક્કા ખન્ધા ચ વિતક્કો ચ ઉપ્પજ્જન્તિ. વત્થુપુરેજાતં – વત્થુ સવિતક્કાનં ખન્ધાનં વિતક્કસ્સ ચ પુરેજાતપચ્ચયેન પચ્ચયો. (૩)

પચ્છાજાતાસેવનપચ્ચયા

૧૨૯. સવિતક્કો ધમ્મો અવિતક્કસ્સ ધમ્મસ્સ પચ્છાજાતપચ્ચયેન પચ્ચયો (તીણિ, પચ્છાજાતા)… આસેવનપચ્ચયેન પચ્ચયો… નવ.

કમ્મપચ્ચયાદિ

૧૩૦. સવિતક્કો ધમ્મો સવિતક્કસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – સવિતક્કા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – સવિતક્કા ચેતના વિપાકાનં સવિતક્કાનં ખન્ધાનં કમ્મપચ્ચયેન પચ્ચયો. (એવં ચત્તારિ, સહજાતાપિ નાનાક્ખણિકાપિ કાતબ્બા.)

વિપાકપચ્ચયેન પચ્ચયો… નવ… આહારપચ્ચયેન પચ્ચયો… ચત્તારિ… ઇન્દ્રિયપચ્ચયેન પચ્ચયો… ચત્તારિ… ઝાનપચ્ચયેન પચ્ચયો… નવ… મગ્ગપચ્ચયેન પચ્ચયો… નવ… સમ્પયુત્તપચ્ચયેન પચ્ચયો… છ.

૧૩૧. સવિતક્કો ધમ્મો સવિતક્કસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

અવિતક્કો ધમ્મો અવિતક્કસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). અવિતક્કો ધમ્મો સવિતક્કસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં (સંખિત્તં). અવિતક્કો ધમ્મો સવિતક્કસ્સ ચ અવિતક્કસ્સ ચ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ વિતક્કસ્સ સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો. પુરેજાતં – વત્થુ વિતક્કસ્સ સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો. (૩)

સવિતક્કો ચ અવિતક્કો ચ ધમ્મા અવિતક્કસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં).

અત્થિપચ્ચયાદિ

૧૩૨. સવિતક્કો ધમ્મો સવિતક્કસ્સ ધમ્મસ્સ અત્થિપચ્ચયેન પચ્ચયો (એકં, પટિચ્ચસદિસં). સવિતક્કો ધમ્મો અવિતક્કસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં (સંખિત્તં). સવિતક્કો ધમ્મો સવિતક્કસ્સ ચ અવિતક્કસ્સ ચ ધમ્મસ્સ અત્થિપચ્ચયેન પચ્ચયો (પટિચ્ચસદિસં). (૩)

અવિતક્કો ધમ્મો અવિતક્કસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં). અવિતક્કો ધમ્મો સવિતક્કસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં (સંખિત્તં). અવિતક્કો ધમ્મો સવિતક્કસ્સ ચ અવિતક્કસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – વિતક્કો સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો; પટિસન્ધિક્ખણે વિતક્કો સમ્પયુત્તકાનં ખન્ધાનં કટત્તા ચ રૂપાનં અત્થિપચ્ચયેન પચ્ચયો, પટિસન્ધિક્ખણે વત્થુ વિતક્કસ્સ સમ્પયુત્તકાનઞ્ચ ખન્ધાનં અત્થિપચ્ચયેન પચ્ચયો. પુરેજાતં – ચક્ખું…પે… વત્થું અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ વિતક્કો ચ સમ્પયુત્તકા ચ ખન્ધા ઉપ્પજ્જન્તિ, વત્થુ વિતક્કસ્સ સમ્પયુત્તકાનઞ્ચ ખન્ધાનં અત્થિપચ્ચયેન પચ્ચયો. (૩)

૧૩૩. સવિતક્કો ચ અવિતક્કો ચ ધમ્મા સવિતક્કસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – સવિતક્કો એકો ખન્ધો ચ વિતક્કો ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે…. સહજાતો – સવિતક્કો એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે… (પટિસન્ધિક્ખણે સહજાતાપિ દ્વેપિ કાતબ્બા). (૧)

સવિતક્કો ચ અવિતક્કો ચ ધમ્મા અવિતક્કસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતા – સવિતક્કા ખન્ધા ચ વિતક્કો ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. સહજાતા – સવિતક્કા ખન્ધા ચ વત્થુ ચ વિતક્કસ્સ અત્થિપચ્ચયેન પચ્ચયો (પટિસન્ધિક્ખણે, તીણિ). પચ્છાજાતા – સવિતક્કા ખન્ધા ચ વિતક્કો ચ પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – સવિતક્કા ખન્ધા ચ વિતક્કો ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – સવિતક્કા ખન્ધા ચ વિતક્કો ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૩)

સવિતક્કો ચ અવિતક્કો ચ ધમ્મા સવિતક્કસ્સ ચ અવિતક્કસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – સવિતક્કો એકો ખન્ધો ચ વિતક્કો ચ તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા ચ…પે…. સહજાતો – સવિતક્કો એકો ખન્ધો ચ વત્થુ ચ તિણ્ણન્નં ખન્ધાનં વિતક્કસ્સ ચ અત્થિપચ્ચયેન પચ્ચયો…પે… દ્વે ખન્ધા ચ…પે… (પટિસન્ધિયાપિ દ્વે). (૩)

નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો.