૧. વિભઙ્ગવારો

હેતુપચ્ચયો

૧૧૦. સવિતક્કં ધમ્મં પચ્ચયા સવિતક્કો ધમ્મો ઉપ્પજ્જતિ હેતુપચ્ચયા… તીણિ (પટિચ્ચવારસદિસા).

અવિતક્કં ધમ્મં પચ્ચયા અવિતક્કો ધમ્મો ઉપ્પજ્જતિ હેતુપચ્ચયા – અવિતક્કં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… વિતક્કં પચ્ચયા ચિત્તસમુટ્ઠાનં રૂપં; પટિસન્ધિક્ખણે અવિતક્કં એકં ખન્ધં પચ્ચયા તયો ખન્ધા કટત્તા ચ રૂપં…પે… દ્વે ખન્ધે…પે… પટિસન્ધિક્ખણે વિતક્કં પચ્ચયા કટત્તારૂપં, ખન્ધે પચ્ચયા વત્થુ, વત્થું પચ્ચયા ખન્ધા, વિતક્કં પચ્ચયા વત્થુ, વત્થું પચ્ચયા વિતક્કો, એકં મહાભૂતં પચ્ચયા તયો મહાભૂતા…પે… વત્થું પચ્ચયા અવિતક્કા ખન્ધા, વત્થું પચ્ચયા વિતક્કો.

અવિતક્કં ધમ્મં પચ્ચયા સવિતક્કો ધમ્મો ઉપ્પજ્જતિ હેતુપચ્ચયા – વિતક્કં પચ્ચયા સમ્પયુત્તકા ખન્ધા, વત્થું પચ્ચયા સવિતક્કા ખન્ધા (પટિસન્ધિયાપિ દ્વે).

અવિતક્કં ધમ્મં પચ્ચયા સવિતક્કો ચ અવિતક્કો ચ ધમ્મા ઉપ્પજ્જન્તિ હેતુપચ્ચયા – વિતક્કં પચ્ચયા સમ્પયુત્તકા ખન્ધા ચિત્તસમુટ્ઠાનઞ્ચ રૂપં, વિતક્કં પચ્ચયા સમ્પયુત્તકા ખન્ધા, મહાભૂતે પચ્ચયા ચિત્તસમુટ્ઠાનં રૂપં, વત્થું પચ્ચયા સવિતક્કા ખન્ધા, મહાભૂતે પચ્ચયા ચિત્તસમુટ્ઠાનં રૂપં, વત્થું પચ્ચયા વિતક્કો સમ્પયુત્તકા ચ ખન્ધા; પટિસન્ધિક્ખણે…પે… (પટિસન્ધિયાપિ પવત્તિસદિસાયેવ). (૩)

૧૧૧. સવિતક્કઞ્ચ અવિતક્કઞ્ચ ધમ્મં પચ્ચયા સવિતક્કો ધમ્મો ઉપ્પજ્જતિ હેતુપચ્ચયા – સવિતક્કં એકં ખન્ધઞ્ચ વિતક્કઞ્ચ પચ્ચયા તયો ખન્ધા…પે… દ્વે ખન્ધે…પે… સવિતક્કં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે… (પટિસન્ધિક્ખણે દ્વે કાતબ્બા). (૧)

સવિતક્કઞ્ચ અવિતક્કઞ્ચ ધમ્મં પચ્ચયા અવિતક્કો ધમ્મો ઉપ્પજ્જતિ હેતુપચ્ચયા – સવિતક્કે ખન્ધે ચ વિતક્કઞ્ચ પચ્ચયા ચિત્તસમુટ્ઠાનં રૂપં, સવિતક્કે ખન્ધે ચ વિતક્કઞ્ચ મહાભૂતે ચ પચ્ચયા ચિત્તસમુટ્ઠાનં રૂપં, સવિતક્કે ખન્ધે ચ વત્થુઞ્ચ પચ્ચયા વિતક્કો; પટિસન્ધિક્ખણે…પે… (તીણિ, પટિસન્ધિયાપિ). (૨)

સવિતક્કઞ્ચ અવિતક્કઞ્ચ ધમ્મં પચ્ચયા સવિતક્કો ચ અવિતક્કો ચ ધમ્મા ઉપ્પજ્જન્તિ હેતુપચ્ચયા – સવિતક્કં એકં ખન્ધઞ્ચ વિતક્કઞ્ચ પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… સવિતક્કં એકં ખન્ધઞ્ચ વિતક્કઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે… સવિતક્કે ખન્ધે ચ વિતક્કઞ્ચ મહાભૂતે ચ પચ્ચયા ચિત્તસમુટ્ઠાનં રૂપં, સવિતક્કં એકં ખન્ધઞ્ચ વત્થુઞ્ચ પચ્ચયા તયો ખન્ધા વિતક્કો ચ…પે… દ્વે ખન્ધે…પે… પટિસન્ધિક્ખણે…પે…. (૩)