૧. વિભઙ્ગવારો

હેતુપચ્ચયો

૯૪. ભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ હેતુપચ્ચયેન પચ્ચયો… છ…પે… (દસ્સનેન પહાતબ્બહેતુકદુકસદિસા).

આરમ્મણપચ્ચયો

૯૫. ભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો… તીણિ (આરબ્ભ દસ્સનેન પહાતબ્બહેતુકદુકસદિસા).

૯૬. નભાવનાય પહાતબ્બહેતુકો ધમ્મો નભાવનાય પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં કત્વા તં પચ્ચવેક્ખતિ અસ્સાદેતિ અભિનન્દતિ, તં આરબ્ભ નભાવનાય પહાતબ્બહેતુકો રાગો ઉપ્પજ્જતિ, દિટ્ઠિ…પે… વિચિકિચ્છા…પે… નભાવનાય પહાતબ્બહેતુકં દોમનસ્સં ઉપ્પજ્જતિ, પુબ્બે સુચિણ્ણાનિ…પે… ઝાના…પે… અરિયા મગ્ગા…પે… ફલસ્સ, આવજ્જનાય આરમ્મણપચ્ચયેન પચ્ચયો; અરિયા નભાવનાય પહાતબ્બહેતુકે પહીને કિલેસે…પે… પુબ્બે સમુદાચિણ્ણે…પે… ચક્ખું…પે… વત્થું નભાવનાય પહાતબ્બહેતુકે ખન્ધે ચ મોહઞ્ચ અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ નભાવનાય પહાતબ્બહેતુકો રાગો ઉપ્પજ્જતિ, દિટ્ઠિ…પે… વિચિકિચ્છા…પે… નભાવનાય પહાતબ્બહેતુકં દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ…પે… અનાગતંસઞાણસ્સ, આવજ્જનાય, મોહસ્સ ચ આરમ્મણપચ્ચયેન પચ્ચયો. (૧)

નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઝાનં…પે… ચક્ખું…પે… વત્થું નભાવનાય પહાતબ્બહેતુકે ખન્ધે ચ મોહઞ્ચ અસ્સાદેતિ અભિનન્દતિ, તં આરબ્ભ ભાવનાય પહાતબ્બહેતુકો રાગો ઉપ્પજ્જતિ, ઉદ્ધચ્ચં…પે… ભાવનાય પહાતબ્બહેતુકં દોમનસ્સં ઉપ્પજ્જતિ. (૨)

નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ચ નભાવનાય પહાતબ્બહેતુકસ્સ ચ ધમ્મસ્સ આરમ્મણપચ્ચયેન પચ્ચયો – ચક્ખું…પે… વત્થું નભાવનાય પહાતબ્બહેતુકે ખન્ધે ચ મોહઞ્ચ આરબ્ભ ઉદ્ધચ્ચસહગતા ખન્ધા ચ મોહો ચ ઉપ્પજ્જન્તિ (ઘટનારમ્મણા તીણિપિ કાતબ્બા). (૩)

અધિપતિપચ્ચયાદિ

૯૭. ભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – ભાવનાય પહાતબ્બહેતુકં રાગં ગરું કત્વા અસ્સાદેતિ અભિનન્દતિ, તં ગરું કત્વા ભાવનાય પહાતબ્બહેતુકો રાગો ઉપ્પજ્જતિ. સહજાતાધિપતિ – ભાવનાય પહાતબ્બહેતુકાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

ભાવનાય પહાતબ્બહેતુકો ધમ્મો નભાવનાય પહાતબ્બહેતુકસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – ભાવનાય પહાતબ્બહેતુકં રાગં ગરું કત્વા અસ્સાદેતિ અભિનન્દતિ, તં ગરું કત્વા નભાવનાય પહાતબ્બહેતુકો રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – ભાવનાય પહાતબ્બહેતુકાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

ભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ચ નભાવનાય પહાતબ્બહેતુકસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – ભાવનાય પહાતબ્બહેતુકાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૯૮. નભાવનાય પહાતબ્બહેતુકો ધમ્મો નભાવનાય પહાતબ્બહેતુકસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ અસ્સાદેતિ અભિનન્દતિ, તં ગરું કત્વા નભાવનાય પહાતબ્બહેતુકો રાગો ઉપ્પજ્જતિ, દિટ્ઠિ ઉપ્પજ્જતિ, પુબ્બે…પે… ઝાના…પે… અરિયા મગ્ગા વુટ્ઠહિત્વા…પે… ફલસ્સ અધિપતિપચ્ચયેન પચ્ચયો; ચક્ખું…પે… વત્થું નભાવનાય પહાતબ્બહેતુકે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા નભાવનાય પહાતબ્બહેતુકો રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – નભાવનાય પહાતબ્બહેતુકાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ – દાનં…પે… ઝાનં…પે… ચક્ખું…પે… વત્થું નભાવનાય પહાતબ્બહેતુકે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા ભાવનાય પહાતબ્બહેતુકો રાગો ઉપ્પજ્જતિ. (૨)

(અનન્તરપચ્ચયે નભાવનાય પહાતબ્બહેતુકકારણા વિચિકિચ્છાસહગતો મોહો ન કાતબ્બો, ઉદ્ધચ્ચસહગતો મોહો કાતબ્બો.) સમનન્તરપચ્ચયેન પચ્ચયો… સહજાતપચ્ચયેન પચ્ચયો… નવ… અઞ્ઞમઞ્ઞપચ્ચયેન પચ્ચયો… છ… નિસ્સયપચ્ચયેન પચ્ચયો… નવ.

ઉપનિસ્સયપચ્ચયો

૯૯. ભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ભાવનાય પહાતબ્બહેતુકા ખન્ધા ભાવનાય પહાતબ્બહેતુકાનં ખન્ધાનં ઉપનિસ્સયપચ્ચયેન પચ્ચયો. (મૂલં કાતબ્બં.) ભાવનાય પહાતબ્બહેતુકા ખન્ધા નભાવનાય પહાતબ્બહેતુકાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો; સકભણ્ડે છન્દરાગો પરભણ્ડે છન્દરાગસ્સ ઉપનિસ્સયપચ્ચયેન પચ્ચયો; સકપરિગ્ગહે છન્દરાગો પરપરિગ્ગહે છન્દરાગસ્સ ઉપનિસ્સયપચ્ચયેન પચ્ચયો. (મૂલં કાતબ્બં.) ભાવનાય પહાતબ્બહેતુકા ખન્ધા ઉદ્ધચ્ચસહગતાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો. (૩)

૧૦૦. નભાવનાય પહાતબ્બહેતુકો ધમ્મો નભાવનાય પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… સમાપત્તિં ઉપ્પાદેતિ, દિટ્ઠિં ગણ્હાતિ; સીલં…પે… પઞ્ઞં… નભાવનાય પહાતબ્બહેતુકં રાગં… દોસં… મોહં… દિટ્ઠિં… પત્થનં… કાયિકં સુખં… કાયિકં દુક્ખં…પે… સેનાસનં ઉપનિસ્સાય દાનં દેતિ…પે… પાણં હનતિ…પે… સઙ્ઘં ભિન્દતિ; સદ્ધા…પે… સેનાસનં સદ્ધાય…પે… પઞ્ઞાય… નભાવનાય પહાતબ્બહેતુકસ્સ રાગસ્સ … દોસસ્સ… મોહસ્સ… દિટ્ઠિયા… પત્થનાય… કાયિકસ્સ સુખસ્સ…પે… ફલસમાપત્તિયા ઉપનિસ્સયપચ્ચયેન પચ્ચયો. (૧)

નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ…પે… સદ્ધા …પે… સેનાસનં ભાવનાય પહાતબ્બહેતુકસ્સ રાગસ્સ… દોસસ્સ… મોહસ્સ… માનસ્સ… પત્થનાય ઉપનિસ્સયપચ્ચયેન પચ્ચયો. (૨)

નભાવનાય પહાતબ્બહેતુકો ધમ્મો ભાવનાય પહાતબ્બહેતુકસ્સ ચ નભાવનાય પહાતબ્બહેતુકસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધા…પે… પઞ્ઞા… કાયિકં સુખં…પે… સેનાસનં ઉદ્ધચ્ચસહગતાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો (ઘટનૂપનિસ્સયાપિ તીણિપિ કાતબ્બા). (૩)

પુરેજાતપચ્ચયાદિ

૧૦૧. નભાવનાય પહાતબ્બહેતુકો ધમ્મો નભાવનાય પહાતબ્બહેતુકસ્સ ધમ્મસ્સ પુરેજાતપચ્ચયેન પચ્ચયો… તીણિ… પચ્છાજાતપચ્ચયેન પચ્ચયો… તીણિ… આસેવનપચ્ચયેન પચ્ચયો… નવ… કમ્મપચ્ચયેન પચ્ચયો (નભાવનાય પહાતબ્બભાજનકારણે નાનાક્ખણિકા લબ્ભતિ ) …પે… નોવિગતપચ્ચયેન પચ્ચયો. (સંખિત્તં. યથા દસ્સનેન પહાતબ્બહેતુકદુકં એવં ભાવનાય પહાતબ્બહેતુકપચ્ચયાપિ પચ્ચનીયાપિ વિભાગોપિ ગણનાપિ નિન્નાનાકરણા.)

નદસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ…પે…. (પરન્તેન સકભણ્ડછન્દરાગોપિ કાતબ્બો.)

ભાવનાય પહાતબ્બો ધમ્મો નભાવનાય પહાતબ્બસ્સ ધમ્મસ્સ…પે…. (પરન્તેન ‘‘સકભણ્ડછન્દરાગો’’તિ કાતબ્બં.)

ભાવનાયપહાતબ્બહેતુકદુકં નિટ્ઠિતં.