૧-૪. પચ્ચયચતુક્કં

હેતુપચ્ચયો

૬૪. દસ્સનેન પહાતબ્બહેતુકં ધમ્મં સંસટ્ઠો દસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા – દસ્સનેન પહાતબ્બહેતુકં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે…. (૧)

નદસ્સનેન પહાતબ્બહેતુકં ધમ્મં સંસટ્ઠો નદસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા – નદસ્સનેન પહાતબ્બહેતુકં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

નદસ્સનેન પહાતબ્બહેતુકં ધમ્મં સંસટ્ઠો દસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા – વિચિકિચ્છાસહગતં મોહં સંસટ્ઠા સમ્પયુત્તકા ખન્ધા. (૨)

દસ્સનેન પહાતબ્બહેતુકઞ્ચ નદસ્સનેન પહાતબ્બહેતુકઞ્ચ ધમ્મં સંસટ્ઠો દસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા – વિચિકિચ્છાસહગતં એકં ખન્ધઞ્ચ મોહઞ્ચ સંસટ્ઠા તયો ખન્ધા…પે… દ્વે ખન્ધે ચ…પે…. (૧)

આરમ્મણપચ્ચયો

૬૫. દસ્સનેન પહાતબ્બહેતુકં ધમ્મં સંસટ્ઠો દસ્સનેન પહાતબ્બહેતુકો ધમ્મો ઉપ્પજ્જતિ આરમ્મણપચ્ચયા… તીણિ (પટિચ્ચસદિસા).

નદસ્સનેન પહાતબ્બહેતુકં ધમ્મં સંસટ્ઠો નદસ્સનેન પહાતબ્બહેતુકો ધમ્મો ઉપ્પજ્જતિ આરમ્મણપચ્ચયા – નદસ્સનેન પહાતબ્બહેતુકં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

નદસ્સનેન પહાતબ્બહેતુકં ધમ્મં સંસટ્ઠો દસ્સનેન પહાતબ્બહેતુકો ધમ્મો ઉપ્પજ્જતિ આરમ્મણપચ્ચયા (પટિચ્ચસદિસં). (૨)

દસ્સનેન પહાતબ્બહેતુકઞ્ચ નદસ્સનેન પહાતબ્બહેતુકઞ્ચ ધમ્મં સંસટ્ઠો દસ્સનેન પહાતબ્બહેતુકો ધમ્મો ઉપ્પજ્જતિ આરમ્મણપચ્ચયા (પટિચ્ચસદિસં, સંખિત્તં). (૧)

૬૬. હેતુયા ચત્તારિ, આરમ્મણે છ, અધિપતિયા દ્વે, અનન્તરે છ (સબ્બત્થ છ), વિપાકે એકં…પે… અવિગતે છ.

અનુલોમં.

નહેતુપચ્ચયો

૬૭. દસ્સનેન પહાતબ્બહેતુકં ધમ્મં સંસટ્ઠો નદસ્સનેન પહાતબ્બહેતુકો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ખન્ધે સંસટ્ઠો વિચિકિચ્છાસહગતો મોહો. (૧)

નદસ્સનેન પહાતબ્બહેતુકં ધમ્મં સંસટ્ઠો નદસ્સનેન પહાતબ્બહેતુકો ધમ્મો ઉપ્પજ્જતિ નહેતુપચ્ચયા – અહેતુકં નદસ્સનેન પહાતબ્બહેતુકં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… અહેતુકપટિસન્ધિક્ખણે…પે… ઉદ્ધચ્ચસહગતે ખન્ધે સંસટ્ઠો ઉદ્ધચ્ચસહગતો મોહો. (૧)

નહેતુયા દ્વે, નઅધિપતિયા છ, નપુરેજાતે છ, નપચ્છાજાતે છ, નઆસેવને છ, નકમ્મે ચત્તારિ, નવિપાકે છ, નઝાને એકં, નમગ્ગે એકં, નવિપ્પયુત્તે છ.

પચ્ચનીયં.

હેતુદુકં

હેતુપચ્ચયા નઅધિપતિયા ચત્તારિ, નપુરેજાતે ચત્તારિ…પે… નવિપ્પયુત્તે ચત્તારિ.

નહેતુદુકં

નહેતુપચ્ચયા આરમ્મણે દ્વે, અનન્તરે દ્વે…પે… વિપાકે એકં…પે… અવિગતે દ્વે.