૧. વિભઙ્ગવારો

હેતુપચ્ચયો

૫૭. દસ્સનેન પહાતબ્બહેતુકં ધમ્મં પચ્ચયા દસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા… તીણિ.

નદસ્સનેન પહાતબ્બહેતુકં ધમ્મં પચ્ચયા નદસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા – નદસ્સનેન પહાતબ્બહેતુકં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… (યાવ અજ્ઝત્તિકા મહાભૂતા) વત્થું પચ્ચયા નદસ્સનેન પહાતબ્બહેતુકા ખન્ધા. (૧)

નદસ્સનેન પહાતબ્બહેતુકં ધમ્મં પચ્ચયા દસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા – વત્થું પચ્ચયા દસ્સનેન પહાતબ્બહેતુકા ખન્ધા, વિચિકિચ્છાસહગતં મોહં પચ્ચયા સમ્પયુત્તકા ખન્ધા. (૨)

નદસ્સનેન પહાતબ્બહેતુકં ધમ્મં પચ્ચયા દસ્સનેન પહાતબ્બહેતુકો ચ નદસ્સનેન પહાતબ્બહેતુકો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા દસ્સનેન પહાતબ્બહેતુકા ખન્ધા, મહાભૂતે પચ્ચયા ચિત્તસમુટ્ઠાનં રૂપં, વિચિકિચ્છાસહગતં મોહં પચ્ચયા સમ્પયુત્તકા ખન્ધા ચિત્તસમુટ્ઠાનઞ્ચ રૂપં. (૩)

૫૮. દસ્સનેન પહાતબ્બહેતુકઞ્ચ નદસ્સનેન પહાતબ્બહેતુકઞ્ચ ધમ્મં પચ્ચયા દસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા – દસ્સનેન પહાતબ્બહેતુકં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… વિચિકિચ્છાસહગતં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે…. (૧)

દસ્સનેન પહાતબ્બહેતુકઞ્ચ નદસ્સનેન પહાતબ્બહેતુકઞ્ચ ધમ્મં પચ્ચયા નદસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા – દસ્સનેન પહાતબ્બહેતુકે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં, વિચિકિચ્છાસહગતે ખન્ધે ચ મોહઞ્ચ પચ્ચયા ચિત્તસમુટ્ઠાનં રૂપં. (૨)

દસ્સનેન પહાતબ્બહેતુકઞ્ચ નદસ્સનેન પહાતબ્બહેતુકઞ્ચ ધમ્મં પચ્ચયા દસ્સનેન પહાતબ્બહેતુકો ચ નદસ્સનેન પહાતબ્બહેતુકો ચ ધમ્મા ઉપ્પજ્જન્તિ હેતુપચ્ચયા – દસ્સનેન પહાતબ્બહેતુકં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… દસ્સનેન પહાતબ્બહેતુકે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં, વિચિકિચ્છાસહગતં એકં ખન્ધઞ્ચ મોહઞ્ચ પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે ચ…પે…. (૩)

આરમ્મણપચ્ચયો

૫૯. દસ્સનેન પહાતબ્બહેતુકં ધમ્મં પચ્ચયા દસ્સનેન પહાતબ્બહેતુકો ધમ્મો ઉપ્પજ્જતિ આરમ્મણપચ્ચયા… તીણિ (પટિચ્ચસદિસા).

નદસ્સનેન પહાતબ્બહેતુકં ધમ્મં પચ્ચયા નદસ્સનેન પહાતબ્બહેતુકો ધમ્મો ઉપ્પજ્જતિ આરમ્મણપચ્ચયા – નદસ્સનેન પહાતબ્બહેતુકં એકં ખન્ધં પચ્ચયા તયો ખન્ધા…પે… દ્વે ખન્ધે…પે… પટિસન્ધિક્ખણે…પે… ચક્ખાયતનં પચ્ચયા ચક્ખુવિઞ્ઞાણં…પે… વત્થું પચ્ચયા નદસ્સનેન પહાતબ્બહેતુકા ખન્ધા, વત્થું પચ્ચયા વિચિકિચ્છાસહગતો મોહો. નદસ્સનેન પહાતબ્બહેતુકં ધમ્મં પચ્ચયા દસ્સનેન પહાતબ્બહેતુકો ધમ્મો ઉપ્પજ્જતિ આરમ્મણપચ્ચયા – વત્થું પચ્ચયા દસ્સનેન પહાતબ્બહેતુકા ખન્ધા, વિચિકિચ્છાસહગતં મોહં પચ્ચયા સમ્પયુત્તકા ખન્ધા. નદસ્સનેન પહાતબ્બહેતુકં ધમ્મં પચ્ચયા દસ્સનેન પહાતબ્બહેતુકો ચ નદસ્સનેન પહાતબ્બહેતુકો ચ ધમ્મા ઉપ્પજ્જન્તિ આરમ્મણપચ્ચયા – વત્થું પચ્ચયા વિચિકિચ્છાસહગતા ખન્ધા ચ મોહો ચ. (૩)

૬૦. દસ્સનેન પહાતબ્બહેતુકઞ્ચ નદસ્સનેન પહાતબ્બહેતુકઞ્ચ ધમ્મં પચ્ચયા દસ્સનેન પહાતબ્બહેતુકો ધમ્મો ઉપ્પજ્જતિ આરમ્મણપચ્ચયા – દસ્સનેન પહાતબ્બહેતુકં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… વિચિકિચ્છાસહગતં એકં ખન્ધઞ્ચ મોહઞ્ચ પચ્ચયા તયો ખન્ધા…પે… દ્વે ખન્ધે ચ…પે…. (૧)

દસ્સનેન પહાતબ્બહેતુકઞ્ચ નદસ્સનેન પહાતબ્બહેતુકઞ્ચ ધમ્મં પચ્ચયા નદસ્સનેન પહાતબ્બહેતુકો ધમ્મો ઉપ્પજ્જતિ આરમ્મણપચ્ચયા – વિચિકિચ્છાસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો મોહો. (૨)

દસ્સનેન પહાતબ્બહેતુકઞ્ચ નદસ્સનેન પહાતબ્બહેતુકઞ્ચ ધમ્મં પચ્ચયા દસ્સનેન પહાતબ્બહેતુકો ચ નદસ્સનેન પહાતબ્બહેતુકો ચ ધમ્મા ઉપ્પજ્જન્તિ આરમ્મણપચ્ચયા – વિચિકિચ્છાસહગતં એકં ખન્ધઞ્ચ વત્થુઞ્ચ પચ્ચયા તયો ખન્ધા મોહો ચ…પે… દ્વે ખન્ધે ચ…પે…. (૩)