૧. વિભઙ્ગવારો

હેતુપચ્ચયો

૪૭. દસ્સનેન પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા – દસ્સનેન પહાતબ્બહેતુકં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

દસ્સનેન પહાતબ્બહેતુકં ધમ્મં પટિચ્ચ નદસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા – દસ્સનેન પહાતબ્બહેતુકે ખન્ધે પટિચ્ચ ચિત્તસમુટ્ઠાનં રૂપં. (૨)

દસ્સનેન પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ચ નદસ્સનેન પહાતબ્બહેતુકો ચ ધમ્મા ઉપ્પજ્જન્તિ હેતુપચ્ચયા – દસ્સનેન પહાતબ્બહેતુકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

૪૮. નદસ્સનેન પહાતબ્બહેતુકં ધમ્મં પટિચ્ચ નદસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા – નદસ્સનેન પહાતબ્બહેતુકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… વિચિકિચ્છાસહગતં મોહં પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… (યાવ અજ્ઝત્તિકા મહાભૂતા). (૧)

નદસ્સનેન પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા – વિચિકિચ્છાસહગતં મોહં પટિચ્ચ સમ્પયુત્તકા ખન્ધા. (૨)

નદસ્સનેન પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ચ નદસ્સનેન પહાતબ્બહેતુકો ચ ધમ્મા ઉપ્પજ્જન્તિ હેતુપચ્ચયા – વિચિકિચ્છાસહગતં મોહં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં. (૩)

૪૯. દસ્સનેન પહાતબ્બહેતુકઞ્ચ નદસ્સનેન પહાતબ્બહેતુકઞ્ચ ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા – વિચિકિચ્છાસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા…પે… દ્વે ખન્ધે ચ…પે…. (૧)

દસ્સનેન પહાતબ્બહેતુકઞ્ચ નદસ્સનેન પહાતબ્બહેતુકઞ્ચ ધમ્મં પટિચ્ચ નદસ્સનેન પહાતબ્બહેતુકો ધમ્મો ઉપ્પજ્જતિ હેતુપચ્ચયા – દસ્સનેન પહાતબ્બહેતુકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં, વિચિકિચ્છાસહગતે ખન્ધે ચ મોહઞ્ચ પટિચ્ચ ચિત્તસમુટ્ઠાનં રૂપં. (૨)

દસ્સનેન પહાતબ્બહેતુકઞ્ચ નદસ્સનેન પહાતબ્બહેતુકઞ્ચ ધમ્મં પટિચ્ચ દસ્સનેન પહાતબ્બહેતુકો ચ નદસ્સનેન પહાતબ્બહેતુકો ચ ધમ્મા ઉપ્પજ્જન્તિ હેતુપચ્ચયા – વિચિકિચ્છાસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે ચ…પે…. (૩)

આરમ્મણપચ્ચયો

૫૦. દસ્સનેન પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ આરમ્મણપચ્ચયા – દસ્સનેન પહાતબ્બહેતુકં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

દસ્સનેન પહાતબ્બહેતુકં ધમ્મં પટિચ્ચ નદસ્સનેન પહાતબ્બહેતુકો ધમ્મો ઉપ્પજ્જતિ આરમ્મણપચ્ચયા – વિચિકિચ્છાસહગતે ખન્ધે પટિચ્ચ વિચિકિચ્છાસહગતો મોહો. (૨)

દસ્સનેન પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ચ નદસ્સનેન પહાતબ્બહેતુકો ચ ધમ્મા ઉપ્પજ્જન્તિ આરમ્મણપચ્ચયા – વિચિકિચ્છાસહગતં એકં ખન્ધં પટિચ્ચ તયો ખન્ધા મોહો ચ…પે… દ્વે ખન્ધે…પે…. (૩)

૫૧. નદસ્સનેન પહાતબ્બહેતુકં ધમ્મં પટિચ્ચ નદસ્સનેન પહાતબ્બહેતુકો ધમ્મો ઉપ્પજ્જતિ આરમ્મણપચ્ચયા – નદસ્સનેન પહાતબ્બહેતુકં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

નદસ્સનેન પહાતબ્બહેતુકં ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ આરમ્મણપચ્ચયા – વિચિકિચ્છાસહગતં મોહં પટિચ્ચ સમ્પયુત્તકા ખન્ધા. (૨)

દસ્સનેન પહાતબ્બહેતુકઞ્ચ નદસ્સનેન પહાતબ્બહેતુકઞ્ચ ધમ્મં પટિચ્ચ દસ્સનેન પહાતબ્બહેતુકો ધમ્મો ઉપ્પજ્જતિ આરમ્મણપચ્ચયા – વિચિકિચ્છાસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા…પે… દ્વે ખન્ધે ચ…પે…. (૧) (સંખિત્તં.)

૧. પચ્ચયાનુલોમં

૨. સઙ્ખ્યાવારો

૫૨. હેતુયા નવ, આરમ્મણે છ, અધિપતિયા પઞ્ચ, અનન્તરે છ, સમનન્તરે છ, સહજાતે નવ, અઞ્ઞમઞ્ઞે છ, નિસ્સયે નવ, ઉપનિસ્સયે છ, પુરેજાતે છ, આસેવને છ, કમ્મે નવ, વિપાકે એકં, આહારે નવ, ઇન્દ્રિયે નવ, ઝાને નવ, મગ્ગે નવ, સમ્પયુત્તે છ, વિપ્પયુત્તે નવ, અત્થિયા નવ, નત્થિયા છ, વિગતે છ, અવિગતે નવ.