૧. વિભઙ્ગવારો

હેતુપચ્ચયો

૩૬. ભાવનાય પહાતબ્બો ધમ્મો ભાવનાય પહાતબ્બસ્સ ધમ્મસ્સ હેતુપચ્ચયેન પચ્ચયો – ભાવનાય પહાતબ્બા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો… તીણિ.

નભાવનાય પહાતબ્બો ધમ્મો નભાવનાય પહાતબ્બસ્સ ધમ્મસ્સ હેતુપચ્ચયેન પચ્ચયો (સંખિત્તં). (૧)

આરમ્મણપચ્ચયો

૩૭. ભાવનાય પહાતબ્બો ધમ્મો ભાવનાય પહાતબ્બસ્સ ધમ્મસ્સ આરમ્મણપચ્ચયેન પચ્ચયો – ભાવનાય પહાતબ્બં રાગં અસ્સાદેતિ અભિનન્દતિ, તં આરબ્ભ ભાવનાય પહાતબ્બો રાગો ઉપ્પજ્જતિ, ઉદ્ધચ્ચં ઉપ્પજ્જતિ; ભાવનાય પહાતબ્બં દોમનસ્સં ઉપ્પજ્જતિ; ઉદ્ધચ્ચં આરબ્ભ ઉદ્ધચ્ચં ઉપ્પજ્જતિ, ભાવનાય પહાતબ્બં દોમનસ્સં ઉપ્પજ્જતિ; ભાવનાય પહાતબ્બં દોમનસ્સં આરબ્ભ ભાવનાય પહાતબ્બં દોમનસ્સં ઉપ્પજ્જતિ, ઉદ્ધચ્ચં ઉપ્પજ્જતિ. (૧)

ભાવનાય પહાતબ્બો ધમ્મો નભાવનાય પહાતબ્બસ્સ ધમ્મસ્સ આરમ્મણપચ્ચયેન પચ્ચયો – અરિયા ભાવનાય પહાતબ્બે પહીને કિલેસે…પે… વિક્ખમ્ભિતે કિલેસે…પે… પુબ્બે સમુદાચિણ્ણે…પે… ભાવનાય પહાતબ્બે ખન્ધે અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ નભાવનાય પહાતબ્બો રાગો ઉપ્પજ્જતિ, દિટ્ઠિ…પે… વિચિકિચ્છા…પે… નભાવનાય પહાતબ્બં દોમનસ્સં ઉપ્પજ્જતિ; ચેતોપરિયઞાણેન ભાવનાય પહાતબ્બચિત્તસમઙ્ગિસ્સ ચિત્તં જાનાતિ, ભાવનાય પહાતબ્બા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)

૩૮. નભાવનાય પહાતબ્બો ધમ્મો નભાવનાય પહાતબ્બસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં કત્વા તં પચ્ચવેક્ખતિ અસ્સાદેતિ અભિનન્દતિ, તં આરબ્ભ નભાવનાય પહાતબ્બો રાગો ઉપ્પજ્જતિ, દિટ્ઠિ…પે… વિચિકિચ્છા…પે… નભાવનાય પહાતબ્બં દોમનસ્સં ઉપ્પજ્જતિ, પુબ્બે…પે… ઝાના…પે… અરિયા મગ્ગા વુટ્ઠહિત્વા…પે… ફલસ્સ, આવજ્જનાય આરમ્મણપચ્ચયેન પચ્ચયો; અરિયા નભાવનાય પહાતબ્બે પહીને કિલેસે…પે… ચક્ખું…પે… વત્થું નભાવનાય પહાતબ્બે ખન્ધે અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ નભાવનાય પહાતબ્બો રાગો ઉપ્પજ્જતિ, દિટ્ઠિ…પે… વિચિકિચ્છા…પે… નભાવનાય પહાતબ્બં દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ…પે… યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

નભાવનાય પહાતબ્બો ધમ્મો ભાવનાય પહાતબ્બસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઝાનં…પે… ચક્ખું…પે… વત્થું નભાવનાય પહાતબ્બે ખન્ધે અસ્સાદેતિ અભિનન્દતિ, તં આરબ્ભ ભાવનાય પહાતબ્બો રાગો ઉપ્પજ્જતિ, ઉદ્ધચ્ચં ઉપ્પજ્જતિ, ભાવનાય પહાતબ્બં દોમનસ્સં ઉપ્પજ્જતિ. (૨)

અધિપતિપચ્ચયો

૩૯. ભાવનાય પહાતબ્બો ધમ્મો ભાવનાય પહાતબ્બસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ સહજાતાધિપતિ. આરમ્મણાધિપતિ – ભાવનાય પહાતબ્બં રાગં ગરું કત્વા અસ્સાદેતિ અભિનન્દતિ, તં ગરું કત્વા ભાવનાય પહાતબ્બો રાગો ઉપ્પજ્જતિ. સહજાતાધિપતિ – ભાવનાય પહાતબ્બાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

ભાવનાય પહાતબ્બો ધમ્મો નભાવનાય પહાતબ્બસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – ભાવનાય પહાતબ્બં રાગં ગરું કત્વા અસ્સાદેતિ અભિનન્દતિ, તં ગરું કત્વા નભાવનાય પહાતબ્બો રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – ભાવનાય પહાતબ્બાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

ભાવનાય પહાતબ્બો ધમ્મો ભાવનાય પહાતબ્બસ્સ ચ નભાવનાય પહાતબ્બસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – ભાવનાય પહાતબ્બાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૪૦. નભાવનાય પહાતબ્બો ધમ્મો નભાવનાય પહાતબ્બસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ અસ્સાદેતિ અભિનન્દતિ, તં ગરું કત્વા નભાવનાય પહાતબ્બો રાગો ઉપ્પજ્જતિ. સહજાતાધિપતિ – નભાવનાય પહાતબ્બાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

નભાવનાય પહાતબ્બો ધમ્મો ભાવનાય પહાતબ્બસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – દાનં…પે… ઝાનં…પે… ચક્ખું…પે… વત્થું નભાવનાય પહાતબ્બે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા ભાવનાય પહાતબ્બો રાગો ઉપ્પજ્જતિ. (૨)

અનન્તરપચ્ચયાદિ

૪૧. ભાવનાય પહાતબ્બો ધમ્મો ભાવનાય પહાતબ્બસ્સ ધમ્મસ્સ અનન્તરપચ્ચયેન પચ્ચયો… ચત્તારિ (દસ્સનદુકસદિસા ભાવના નિન્નાનાકરણા)… સમનન્તરપચ્ચયેન પચ્ચયો… ચત્તારિ… સહજાતપચ્ચયેન પચ્ચયો… પઞ્ચ… અઞ્ઞમઞ્ઞપચ્ચયેન પચ્ચયો… દ્વે… નિસ્સયપચ્ચયેન પચ્ચયો… સત્ત.

ઉપનિસ્સયપચ્ચયો

૪૨. ભાવનાય પહાતબ્બો ધમ્મો ભાવનાય પહાતબ્બસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ભાવનાય પહાતબ્બો રાગો… દોસો… મોહો… માનો… પત્થના ભાવનાય પહાતબ્બસ્સ રાગસ્સ … દોસસ્સ… મોહસ્સ… માનસ્સ… પત્થનાય ઉપનિસ્સયપચ્ચયેન પચ્ચયો. (૧)

ભાવનાય પહાતબ્બો ધમ્મો નભાવનાય પહાતબ્બસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ભાવનાય પહાતબ્બં રાગં ઉપનિસ્સાય દાનં દેતિ…પે… સમાપત્તિં ઉપ્પાદેતિ, પાણં હનતિ…પે… સઙ્ઘં ભિન્દતિ; ભાવનાય પહાતબ્બં દોસં… મોહં… માનં… પત્થનં ઉપનિસ્સાય દાનં દેતિ…પે… સમાપત્તિં ઉપ્પાદેતિ, પાણં હનતિ…પે… સઙ્ઘં ભિન્દતિ; ભાવનાય પહાતબ્બો રાગો…પે… પત્થના સદ્ધાય…પે… પઞ્ઞાય નભાવનાય પહાતબ્બસ્સ, રાગસ્સ… દોસસ્સ… મોહસ્સ… દિટ્ઠિયા… પત્થનાય… કાયિકસ્સ સુખસ્સ… કાયિકસ્સ દુક્ખસ્સ… મગ્ગસ્સ… ફલસમાપત્તિયા ઉપનિસ્સયપચ્ચયેન પચ્ચયો. (૨)

૪૩. નભાવનાય પહાતબ્બો ધમ્મો નભાવનાય પહાતબ્બસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… સમાપત્તિં ઉપ્પાદેતિ, દિટ્ઠિં ગણ્હાતિ; સીલં…પે… પઞ્ઞં, નભાવનાય પહાતબ્બં રાગં… દોસં… મોહં… દિટ્ઠિં… પત્થનં… કાયિકં સુખં… કાયિકં દુક્ખં…પે… સેનાસનં ઉપનિસ્સાય દાનં દેતિ…પે… સમાપત્તિં ઉપ્પાદેતિ, પાણં હનતિ…પે… સઙ્ઘં ભિન્દતિ; સદ્ધા…પે… સેનાસનં સદ્ધાય…પે… પઞ્ઞાય નભાવનાય પહાતબ્બસ્સ રાગસ્સ… દોસસ્સ… મોહસ્સ… દિટ્ઠિયા… પત્થનાય… કાયિકસ્સ સુખસ્સ… કાયિકસ્સ દુક્ખસ્સ… મગ્ગસ્સ… ફલસમાપત્તિયા ઉપનિસ્સયપચ્ચયેન પચ્ચયો. (૧)

નભાવનાય પહાતબ્બો ધમ્મો ભાવનાય પહાતબ્બસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ…પે… સીલં…પે… પઞ્ઞં… રાગં…પે… કાયિકં સુખં… કાયિકં દુક્ખં… સેનાસનં ઉપનિસ્સાય માનં જપ્પેતિ; સદ્ધા…પે… સેનાસનં ભાવનાય પહાતબ્બસ્સ રાગસ્સ… દોસસ્સ… મોહસ્સ… માનસ્સ… પત્થનાય ઉપનિસ્સયપચ્ચયેન પચ્ચયો. (૨)

પુરેજાતપચ્ચયાદિ

૪૪. નભાવનાય પહાતબ્બો ધમ્મો નભાવનાય પહાતબ્બસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ નભાવનાય પહાતબ્બો રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ; નભાવનાય પહાતબ્બં દોમનસ્સં ઉપ્પજ્જતિ, દિબ્બેન ચક્ખુના રૂપં પસ્સતિ…પે… ફોટ્ઠબ્બાયતનં કાયવિઞ્ઞાણસ્સ…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ નભાવનાય પહાતબ્બાનં ખન્ધાનં પુરેજાતપચ્ચયેન પચ્ચયો. (૧)

નભાવનાય પહાતબ્બો ધમ્મો ભાવનાય પહાતબ્બસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ ભાવનાય પહાતબ્બો રાગો ઉપ્પજ્જતિ, ઉદ્ધચ્ચં ઉપ્પજ્જતિ, ભાવનાય પહાતબ્બં દોમનસ્સં ઉપ્પજ્જતિ. વત્થુપુરેજાતં – વત્થુ ભાવનાય પહાતબ્બાનં ખન્ધાનં પુરેજાતપચ્ચયેન પચ્ચયો. (૨)

૪૫. પચ્છાજાતપચ્ચયેન પચ્ચયો… દ્વે, આસેવનપચ્ચયેન પચ્ચયો… દ્વે, કમ્મપચ્ચયેન પચ્ચયો – ભાવનાય પહાતબ્બા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. (મૂલં કાતબ્બં.) ભાવનાય પહાતબ્બા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો. (મૂલં કાતબ્બં.) ભાવનાય પહાતબ્બા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

નભાવનાય પહાતબ્બો ધમ્મો નભાવનાય પહાતબ્બસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નભાવનાય પહાતબ્બા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નભાવનાય પહાતબ્બા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો… વિપાકપચ્ચયેન પચ્ચયો… એકં…પે… અવિગતપચ્ચયેન પચ્ચયો. (સબ્બપચ્ચયા દસ્સનદુકસદિસા, ભાવના નિન્નાનાકરણા.)