૧. વિભઙ્ગવારો

હેતુપચ્ચયો

૧૩. દસ્સનેન પહાતબ્બો ધમ્મો દસ્સનેન પહાતબ્બસ્સ ધમ્મસ્સ હેતુપચ્ચયેન પચ્ચયો… તીણિ.

નદસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ હેતુપચ્ચયેન પચ્ચયો – નદસ્સનેન પહાતબ્બા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

આરમ્મણપચ્ચયો

૧૪. દસ્સનેન પહાતબ્બો ધમ્મો દસ્સનેન પહાતબ્બસ્સ ધમ્મસ્સ આરમ્મણપચ્ચયેન પચ્ચયો – દસ્સનેન પહાતબ્બં રાગં અસ્સાદેતિ અભિનન્દતિ, તં આરબ્ભ દસ્સનેન પહાતબ્બો રાગો ઉપ્પજ્જતિ, દિટ્ઠિ…પે… વિચિકિચ્છા ઉપ્પજ્જતિ, દસ્સનેન પહાતબ્બં દોમનસ્સં ઉપ્પજ્જતિ; દસ્સનેન પહાતબ્બં દિટ્ઠિં અસ્સાદેતિ અભિનન્દતિ, તં આરબ્ભ દસ્સનેન પહાતબ્બો રાગો ઉપ્પજ્જતિ, દિટ્ઠિ…પે… વિચિકિચ્છા…પે… દોમનસ્સં ઉપ્પજ્જતિ; વિચિકિચ્છં આરબ્ભ વિચિકિચ્છા ઉપ્પજ્જતિ, દિટ્ઠિ…પે… દોમનસ્સં ઉપ્પજ્જતિ; દસ્સનેન પહાતબ્બં દોમનસ્સં આરબ્ભ દસ્સનેન પહાતબ્બં દોમનસ્સં ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ. (૧)

દસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ આરમ્મણપચ્ચયેન પચ્ચયો – અરિયા દસ્સનેન પહાતબ્બે પહીને કિલેસે પચ્ચવેક્ખન્તિ, પુબ્બે સમુદાચિણ્ણે…પે… દસ્સનેન પહાતબ્બે ખન્ધે અનિચ્ચતો…પે… વિપસ્સતિ, ચેતોપરિયઞાણેન દસ્સનેન પહાતબ્બચિત્તસમઙ્ગિસ્સ ચિત્તં જાનાતિ, દસ્સનેન પહાતબ્બા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)

૧૫. નદસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં કત્વા તં પચ્ચવેક્ખતિ અસ્સાદેતિ અભિનન્દતિ, તં આરબ્ભ નદસ્સનેન પહાતબ્બો રાગો ઉપ્પજ્જતિ; ઉદ્ધચ્ચં…પે… નદસ્સનેન પહાતબ્બં દોમનસ્સં ઉપ્પજ્જતિ, પુબ્બે સુચિણ્ણાનિ…પે… ઝાના …પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ…પે… ફલસ્સ આવજ્જનાય આરમ્મણપચ્ચયેન પચ્ચયો; અરિયા નદસ્સનેન પહાતબ્બે પહીને કિલેસે પચ્ચવેક્ખન્તિ, વિક્ખમ્ભિતે કિલેસે…પે… પુબ્બે…પે… ચક્ખું…પે… વત્થું નદસ્સનેન પહાતબ્બે ખન્ધે અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ નદસ્સનેન પહાતબ્બો રાગો ઉપ્પજ્જતિ, ઉદ્ધચ્ચં…પે… નદસ્સનેન પહાતબ્બં દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ…પે… અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

નદસ્સનેન પહાતબ્બો ધમ્મો દસ્સનેન પહાતબ્બસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં…પે… પુબ્બે…પે… ઝાના…પે… ચક્ખું …પે… વત્થું નદસ્સનેન પહાતબ્બે ખન્ધે અસ્સાદેતિ અભિનન્દતિ, તં આરબ્ભ દસ્સનેન પહાતબ્બો રાગો ઉપ્પજ્જતિ, દિટ્ઠિ…પે… વિચિકિચ્છા…પે… દસ્સનેન પહાતબ્બં દોમનસ્સં ઉપ્પજ્જતિ. (૨)

અધિપતિપચ્ચયો

૧૬. દસ્સનેન પહાતબ્બો ધમ્મો દસ્સનેન પહાતબ્બસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દસ્સનેન પહાતબ્બં રાગં ગરું કત્વા અસ્સાદેતિ અભિનન્દતિ, તં ગરું કત્વા દસ્સનેન પહાતબ્બો રાગો ઉપ્પજ્જતિ, દિટ્ઠિ ઉપ્પજ્જતિ, દિટ્ઠિં ગરું કત્વા…પે…. સહજાતાધિપતિ – દસ્સનેન પહાતબ્બાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

દસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – દસ્સનેન પહાતબ્બાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

દસ્સનેન પહાતબ્બો ધમ્મો દસ્સનેન પહાતબ્બસ્સ ચ નદસ્સનેન પહાતબ્બસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – દસ્સનેન પહાતબ્બાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૧૭. નદસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં…પે… પુબ્બે…પે… ઝાના વુટ્ઠહિત્વા ઝાનં ગરું કત્વા પચ્ચવેક્ખતિ, અસ્સાદેતિ અભિનન્દતિ, તં ગરું કત્વા નદસ્સનેન પહાતબ્બો રાગો ઉપ્પજ્જતિ, અરિયા મગ્ગા વુટ્ઠહિત્વા મગ્ગં ગરું કત્વા…પે… ફલસ્સ અધિપતિપચ્ચયેન પચ્ચયો; ચક્ખું…પે… વત્થું નદસ્સનેન પહાતબ્બે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા નદસ્સનેન પહાતબ્બો રાગો ઉપ્પજ્જતિ. સહજાતાધિપતિ – નદસ્સનેન પહાતબ્બાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

નદસ્સનેન પહાતબ્બો ધમ્મો દસ્સનેન પહાતબ્બસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – દાનં દત્વા…પે… ઝાનં…પે… ચક્ખું…પે… વત્થું નદસ્સનેન પહાતબ્બે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા દસ્સનેન પહાતબ્બો રાગો ઉપ્પજ્જતિ, દિટ્ઠિ ઉપ્પજ્જતિ. (૨)

અનન્તરપચ્ચયો

૧૮. દસ્સનેન પહાતબ્બો ધમ્મો દસ્સનેન પહાતબ્બસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા દસ્સનેન પહાતબ્બા ખન્ધા પચ્છિમાનં પચ્છિમાનં દસ્સનેન પહાતબ્બાનં ખન્ધાનં અનન્તરપચ્ચયેન પચ્ચયો. (૧)

દસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ અનન્તરપચ્ચયેન પચ્ચયો – દસ્સનેન પહાતબ્બા ખન્ધા વુટ્ઠાનસ્સ અનન્તરપચ્ચયેન પચ્ચયો. (મૂલં કાતબ્બં.) પુરિમા પુરિમા નદસ્સનેન પહાતબ્બા ખન્ધા…પે… ફલસમાપત્તિયા અનન્તરપચ્ચયેન પચ્ચયો. (મૂલં કાતબ્બં.) આવજ્જના દસ્સનેન પહાતબ્બાનં ખન્ધાનં અનન્તરપચ્ચયેન પચ્ચયો. (૨)

સમનન્તરપચ્ચયેન પચ્ચયો… સહજાતપચ્ચયેન પચ્ચયો… પઞ્ચ… અઞ્ઞમઞ્ઞપચ્ચયેન પચ્ચયો… દ્વે… નિસ્સયપચ્ચયેન પચ્ચયો… સત્ત.

ઉપનિસ્સયપચ્ચયો

૧૯. દસ્સનેન પહાતબ્બો ધમ્મો દસ્સનેન પહાતબ્બસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – દસ્સનેન પહાતબ્બં રાગં ઉપનિસ્સાય પાણં હનતિ…પે… સઙ્ઘં ભિન્દતિ; દસ્સનેન પહાતબ્બં દોસં… મોહં… દિટ્ઠિં… પત્થનં ઉપનિસ્સાય પાણં હનતિ…પે… સઙ્ઘં ભિન્દતિ; દસ્સનેન પહાતબ્બો રાગો…પે… પત્થના દસ્સનેન પહાતબ્બસ્સ રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૨)

દસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – દસ્સનેન પહાતબ્બં રાગં ઉપનિસ્સાય દાનં દેતિ…પે… સમાપત્તિં ઉપ્પાદેતિ દસ્સનેન પહાતબ્બં દોસં… મોહં… દિટ્ઠિં… પત્થનં ઉપનિસ્સાય દાનં દેતિ…પે… સમાપત્તિં ઉપ્પાદેતિ; દસ્સનેન પહાતબ્બો રાગો…પે… પત્થના સદ્ધાય…પે… પઞ્ઞાય નદસ્સનેન પહાતબ્બસ્સ રાગસ્સ… દોસસ્સ… મોહસ્સ… માનસ્સ … પત્થનાય… કાયિકસ્સ સુખસ્સ…પે… ફલસમાપત્તિયા ઉપનિસ્સયપચ્ચયેન પચ્ચયો. (૨)

૨૦. નદસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… સમાપત્તિં ઉપ્પાદેતિ, માનં જપ્પેતિ; સીલં…પે… પઞ્ઞં, નદસ્સનેન પહાતબ્બં રાગં… દોસં… મોહં… માનં… પત્થનં… કાયિકં સુખં…પે… સેનાસનં ઉપનિસ્સાય દાનં દેતિ…પે… સમાપત્તિં ઉપ્પાદેતિ, માનં જપ્પેતિ; સદ્ધા…પે… પઞ્ઞા, નદસ્સનેન પહાતબ્બો રાગો…પે… પત્થના… કાયિકં સુખં…પે… સેનાસનં સદ્ધાય…પે… પઞ્ઞાય નદસ્સનેન પહાતબ્બસ્સ રાગસ્સ…પે… પત્થનાય… કાયિકસ્સ સુખસ્સ… કાયિકસ્સ દુક્ખસ્સ… મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૨)

નદસ્સનેન પહાતબ્બો ધમ્મો દસ્સનેન પહાતબ્બસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દિટ્ઠિં ગણ્હાતિ; સીલં…પે… પઞ્ઞં ઉપનિસ્સાય દિટ્ઠિં ગણ્હાતિ, નદસ્સનેન પહાતબ્બં રાગં… દોસં… મોહં… માનં… પત્થનં… કાયિકં સુખં…પે… સેનાસનં ઉપનિસ્સાય પાણં હનતિ…પે… સઙ્ઘં ભિન્દતિ; સદ્ધા…પે… સેનાસનં દસ્સનેન પહાતબ્બસ્સ રાગસ્સ… દોસસ્સ… મોહસ્સ… દિટ્ઠિયા… પત્થનાય ઉપનિસ્સયપચ્ચયેન પચ્ચયો. (૨)

પુરેજાતપચ્ચયો

૨૧. નદસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ નદસ્સનેન પહાતબ્બો રાગો …પે… ઉદ્ધચ્ચં…પે… નદસ્સનેન પહાતબ્બં દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ …પે… કાયાયતનં કાયવિઞ્ઞાણસ્સ…પે… વત્થુ નદસ્સનેન પહાતબ્બાનં ખન્ધાનં પુરેજાતપચ્ચયેન પચ્ચયો. (૧)

નદસ્સનેન પહાતબ્બો ધમ્મો દસ્સનેન પહાતબ્બસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ દસ્સનેન પહાતબ્બો રાગો…પે… દિટ્ઠિ…પે… વિચિકિચ્છા…પે… દસ્સનેન પહાતબ્બં દોમનસ્સં ઉપ્પજ્જતિ. વત્થુપુરેજાતં – વત્થુ દસ્સનેન પહાતબ્બાનં ખન્ધાનં પુરેજાતપચ્ચયેન પચ્ચયો. (૨)

પચ્છાજાતાસેવનપચ્ચયા

૨૨. દસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ પચ્છાજાતપચ્ચયેન પચ્ચયો (સંખિત્તં). (૧)

નદસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ પચ્છાજાતપચ્ચયેન પચ્ચયો (સંખિત્તં)… આસેવનપચ્ચયેન પચ્ચયો… દ્વે.

કમ્મપચ્ચયો

૨૩. દસ્સનેન પહાતબ્બો ધમ્મો દસ્સનેન પહાતબ્બસ્સ ધમ્મસ્સ કમ્મપચ્ચયેન પચ્ચયો – દસ્સનેન પહાતબ્બા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. (૧)

દસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – દસ્સનેન પહાતબ્બા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો. નાનાક્ખણિકા – દસ્સનેન પહાતબ્બા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૨)

દસ્સનેન પહાતબ્બો ધમ્મો દસ્સનેન પહાતબ્બસ્સ ચ નદસ્સનેન પહાતબ્બસ્સ ચ ધમ્મસ્સ કમ્મપચ્ચયેન પચ્ચયો – દસ્સનેન પહાતબ્બા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

૨૪. નદસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નદસ્સનેન પહાતબ્બા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નદસ્સનેન પહાતબ્બા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો.

વિપાકપચ્ચયાદિ

૨૫. નદસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ વિપાકપચ્ચયેન પચ્ચયો… એકં… આહારપચ્ચયેન પચ્ચયો… ચત્તારિ… ઇન્દ્રિયપચ્ચયેન પચ્ચયો… ચત્તારિ… ઝાનપચ્ચયેન પચ્ચયો… ચત્તારિ… મગ્ગપચ્ચયેન પચ્ચયો… ચત્તારિ… સમ્પયુત્તપચ્ચયેન પચ્ચયો… દ્વે.

વિપ્પયુત્તપચ્ચયો

૨૬. દસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

નદસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં).

નદસ્સનેન પહાતબ્બો ધમ્મો દસ્સનેન પહાતબ્બસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ દસ્સનેન પહાતબ્બાનં ખન્ધાનં વિપ્પયુત્તપચ્ચયેન પચ્ચયો. (૨)

અત્થિપચ્ચયાદિ

૨૭. દસ્સનેન પહાતબ્બો ધમ્મો દસ્સનેન પહાતબ્બસ્સ ધમ્મસ્સ અત્થિપચ્ચયેન પચ્ચયો (પટિચ્ચસદિસં). દસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં (સંખિત્તં). દસ્સનેન પહાતબ્બો ધમ્મો દસ્સનેન પહાતબ્બસ્સ ચ નદસ્સનેન પહાતબ્બસ્સ ચ ધમ્મસ્સ અત્થિપચ્ચયેન પચ્ચયો (પટિચ્ચવારસદિસા). (૩)

નદસ્સનેન પહાતબ્બો ધમ્મો નદસ્સનેન પહાતબ્બસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં). નદસ્સનેન પહાતબ્બો ધમ્મો દસ્સનેન પહાતબ્બસ્સ ધમ્મસ્સ અત્થિપચ્ચયેન પચ્ચયો. પુરેજાતં – ચક્ખું…પે… (સંખિત્તં, પુરેજાતસદિસં). (૨)

૨૮. દસ્સનેન પહાતબ્બો ચ નદસ્સનેન પહાતબ્બો ચ ધમ્મા દસ્સનેન પહાતબ્બસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – દસ્સનેન પહાતબ્બો એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે…. (૧)

દસ્સનેન પહાતબ્બો ચ નદસ્સનેન પહાતબ્બો ચ ધમ્મા નદસ્સનેન પહાતબ્બસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં, ઇન્દ્રિયં. સહજાતા – દસ્સનેન પહાતબ્બા ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – દસ્સનેન પહાતબ્બા ખન્ધા ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – દસ્સનેન પહાતબ્બા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)

નત્થિપચ્ચયેન પચ્ચયો, વિગતપચ્ચયેન પચ્ચયો, અવિગતપચ્ચયેન પચ્ચયો.