૧. વિભઙ્ગવારો

હેતુપચ્ચયો

૫. દસ્સનેન પહાતબ્બં ધમ્મં પચ્ચયા દસ્સનેન પહાતબ્બો ધમ્મો ઉપ્પજ્જતિ હેતુપચ્ચયા… તીણિ (પટિચ્ચસદિસા).

૬. નદસ્સનેન પહાતબ્બં ધમ્મં પચ્ચયા નદસ્સનેન પહાતબ્બો ધમ્મો ઉપ્પજ્જતિ હેતુપચ્ચયા – નદસ્સનેન પહાતબ્બં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… (યાવ અજ્ઝત્તિકા મહાભૂતા) વત્થું પચ્ચયા નદસ્સનેન પહાતબ્બા ખન્ધા. (૧)

નદસ્સનેન પહાતબ્બં ધમ્મં પચ્ચયા દસ્સનેન પહાતબ્બો ધમ્મો ઉપ્પજ્જતિ હેતુપચ્ચયા – વત્થું પચ્ચયા દસ્સનેન પહાતબ્બા ખન્ધા. (૨)

નદસ્સનેન પહાતબ્બં ધમ્મં પચ્ચયા દસ્સનેન પહાતબ્બો ચ નદસ્સનેન પહાતબ્બો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા દસ્સનેન પહાતબ્બા ખન્ધા, મહાભૂતે પચ્ચયા ચિત્તસમુટ્ઠાનં. (૩)

૭. દસ્સનેન પહાતબ્બઞ્ચ નદસ્સનેન પહાતબ્બઞ્ચ ધમ્મં પચ્ચયા દસ્સનેન પહાતબ્બો ધમ્મો ઉપ્પજ્જતિ હેતુપચ્ચયા – દસ્સનેન પહાતબ્બં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે…. (૧)

દસ્સનેન પહાતબ્બઞ્ચ નદસ્સનેન પહાતબ્બઞ્ચ ધમ્મં પચ્ચયા નદસ્સનેન પહાતબ્બો ધમ્મો ઉપ્પજ્જતિ હેતુપચ્ચયા – દસ્સનેન પહાતબ્બે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૨)

દસ્સનેન પહાતબ્બઞ્ચ નદસ્સનેન પહાતબ્બઞ્ચ ધમ્મં પચ્ચયા દસ્સનેન પહાતબ્બો ચ નદસ્સનેન પહાતબ્બો ચ ધમ્મા ઉપ્પજ્જન્તિ હેતુપચ્ચયા – દસ્સનેન પહાતબ્બં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… દસ્સનેન પહાતબ્બે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૩)