૧-૭. પટિચ્ચવારાદિ

હેતુ-આરમ્મણપચ્ચયા

૧૪. અકુસલં સંકિલિટ્ઠં ધમ્મં પટિચ્ચ અકુસલો સંકિલિટ્ઠો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)

૧૫. કુસલં અસંકિલિટ્ઠં ધમ્મં પટિચ્ચ કુસલો અસંકિલિટ્ઠો ધમ્મો ઉપ્પજ્જતિ હેતુપચ્ચયા. કુસલં અસંકિલિટ્ઠં ધમ્મં પટિચ્ચ અબ્યાકતો અસંકિલિટ્ઠો ધમ્મો ઉપ્પજ્જતિ હેતુપચ્ચયા. કુસલં અસંકિલિટ્ઠં ધમ્મં પટિચ્ચ કુસલો અસંકિલિટ્ઠો ચ અબ્યાકતો અસંકિલિટ્ઠો ચ ધમ્મા ઉપ્પજ્જન્તિ હેતુપચ્ચયા. (૩)

અબ્યાકતં અસંકિલિટ્ઠં ધમ્મં પટિચ્ચ અબ્યાકતો અસંકિલિટ્ઠો ધમ્મો ઉપ્પજ્જતિ હેતુપચ્ચયા. કુસલં અસંકિલિટ્ઠઞ્ચ અબ્યાકતં અસંકિલિટ્ઠઞ્ચ ધમ્મં પટિચ્ચ અબ્યાકતો અસંકિલિટ્ઠો ધમ્મો ઉપ્પજ્જતિ હેતુપચ્ચયા. (૨)

૧૬. કુસલં અસંકિલિટ્ઠં ધમ્મં પટિચ્ચ કુસલો અસંકિલિટ્ઠો ધમ્મો ઉપ્પજ્જતિ આરમ્મણપચ્ચયા. (૧)

અબ્યાકતં અસંકિલિટ્ઠં ધમ્મં પટિચ્ચ અબ્યાકતો અસંકિલિટ્ઠો ધમ્મો ઉપ્પજ્જતિ આરમ્મણપચ્ચયા. (૧) (સંખિત્તં.)

૧૭. હેતુયા પઞ્ચ, આરમ્મણે દ્વે, અધિપતિયા પઞ્ચ…પે… અવિગતે પઞ્ચ (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

૧૮. કુસલો અસંકિલિટ્ઠો ધમ્મો કુસલસ્સ અસંકિલિટ્ઠસ્સ ધમ્મસ્સ હેતુપચ્ચયેન પચ્ચયો… તીણિ.

અબ્યાકતો અસંકિલિટ્ઠો ધમ્મો અબ્યાકતસ્સ અસંકિલિટ્ઠસ્સ ધમ્મસ્સ હેતુપચ્ચયેન પચ્ચયો. (૧)

કુસલો અસંકિલિટ્ઠો ધમ્મો કુસલસ્સ અસંકિલિટ્ઠસ્સ ધમ્મસ્સ આરમ્મણપચ્ચયેન પચ્ચયો… દ્વે.

અબ્યાકતો અસંકિલિટ્ઠો ધમ્મો અબ્યાકતસ્સ અસંકિલિટ્ઠસ્સ ધમ્મસ્સ આરમ્મણપચ્ચયેન પચ્ચયો… દ્વે (સંખિત્તં).

૧૯. હેતુયા ચત્તારિ, આરમ્મણે ચત્તારિ, અધિપતિયા પઞ્ચ, અનન્તરે ચત્તારિ…પે… ઉપનિસ્સયે ચત્તારિ…પે… અવિગતે સત્ત (સંખિત્તં. યથા કુસલત્તિકે પઞ્હાવારં, એવં વિત્થારેતબ્બં).