૧-૭. પટિચ્ચવારાદિ

પચ્ચયચતુક્કં

૧. અકુસલં કિલેસં ધમ્મં પટિચ્ચ અકુસલો કિલેસો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)

૨. કુસલં નોકિલેસં ધમ્મં પટિચ્ચ કુસલો નોકિલેસો ધમ્મો ઉપ્પજ્જતિ હેતુપચ્ચયા… તીણિ.

અકુસલં નોકિલેસં ધમ્મં પટિચ્ચ અકુસલો નોકિલેસો ધમ્મો ઉપ્પજ્જતિ હેતુપચ્ચયા… તીણિ.

અબ્યાકતં નોકિલેસં ધમ્મં પટિચ્ચ અબ્યાકતો નોકિલેસો ધમ્મો ઉપ્પજ્જતિ હેતુપચ્ચયા. (૧)

કુસલં નોકિલેસઞ્ચ અબ્યાકતં નોકિલેસઞ્ચ ધમ્મં પટિચ્ચ અબ્યાકતો નોકિલેસો ધમ્મો ઉપ્પજ્જતિ હેતુપચ્ચયા. (૧)

અકુસલં નોકિલેસઞ્ચ અબ્યાકતં નોકિલેસઞ્ચ ધમ્મં પટિચ્ચ અબ્યાકતો નોકિલેસો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૩. હેતુયા નવ, આરમ્મણે તીણિ, અધિપતિયા નવ…પે… અવિગતે નવ (સંખિત્તં. સહજાતવારમ્પિ …પે… સમ્પયુત્તવારમ્પિ પટિચ્ચવારસદિસં).

૪. કુસલો નોકિલેસો ધમ્મો કુસલસ્સ નોકિલેસસ્સ ધમ્મસ્સ હેતુપચ્ચયેન પચ્ચયો… તીણિ.

અબ્યાકતો નોકિલેસો ધમ્મો અબ્યાકતસ્સ નોકિલેસસ્સ ધમ્મસ્સ હેતુપચ્ચયેન પચ્ચયો. (૧) (સંખિત્તં.)

૫. હેતુયા ચત્તારિ, આરમ્મણે નવ…પે… અવિગતે તેરસ (સંખિત્તં. યથા કુસલત્તિકે પઞ્હાવારં, એવં વિત્થારેતબ્બં).