૧-૭. પટિચ્ચવારાદિ

પચ્ચયચતુક્કં

૧૧. કુસલં ચેતસિકં ધમ્મં પટિચ્ચ કુસલો ચેતસિકો ધમ્મો ઉપ્પજ્જતિ હેતુપચ્ચયા. (૧)

અકુસલં ચેતસિકં ધમ્મં પટિચ્ચ અકુસલો ચેતસિકો ધમ્મો ઉપ્પજ્જતિ હેતુપચ્ચયા. (૧)

અબ્યાકતં ચેતસિકં ધમ્મં પટિચ્ચ અબ્યાકતો ચેતસિકો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૧૨. હેતુયા તીણિ, આરમ્મણે તીણિ…પે… (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

હેતુ-આરમ્મણપચ્ચયા

૧૩. કુસલો ચેતસિકો ધમ્મો કુસલસ્સ ચેતસિકસ્સ ધમ્મસ્સ હેતુપચ્ચયેન પચ્ચયો. (૧)

અકુસલો ચેતસિકો ધમ્મો અકુસલસ્સ ચેતસિકસ્સ ધમ્મસ્સ હેતુપચ્ચયેન પચ્ચયો. (૧)

અબ્યાકતો ચેતસિકો ધમ્મો અબ્યાકતસ્સ ચેતસિકસ્સ ધમ્મસ્સ હેતુપચ્ચયેન પચ્ચયો. (૧)

કુસલો ચેતસિકો ધમ્મો કુસલસ્સ ચેતસિકસ્સ ધમ્મસ્સ આરમ્મણપચ્ચયેન પચ્ચયો… તીણિ.

અકુસલો ચેતસિકો ધમ્મો અકુસલસ્સ ચેતસિકસ્સ ધમ્મસ્સ આરમ્મણપચ્ચયેન પચ્ચયો… તીણિ.

અબ્યાકતો ચેતસિકો ધમ્મો અબ્યાકતસ્સ ચેતસિકસ્સ ધમ્મસ્સ આરમ્મણપચ્ચયેન પચ્ચયો… તીણિ (સંખિત્તં).

૧૪. હેતુયા તીણિ, આરમ્મણે નવ, અધિપતિયા સત્ત…પે… અવિગતે તીણિ (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)

૧૫. કુસલં અચેતસિકં ધમ્મં પટિચ્ચ અબ્યાકતો અચેતસિકો ધમ્મો ઉપ્પજ્જતિ હેતુપચ્ચયા. (૧)

અકુસલં અચેતસિકં ધમ્મં પટિચ્ચ અબ્યાકતો અચેતસિકો ધમ્મો ઉપ્પજ્જતિ હેતુપચ્ચયા. (૧)

અબ્યાકતં અચેતસિકં ધમ્મં પટિચ્ચ અબ્યાકતો અચેતસિકો ધમ્મો ઉપ્પજ્જતિ હેતુપચ્ચયા. (૧)

કુસલં અચેતસિકઞ્ચ અબ્યાકતં અચેતસિકઞ્ચ ધમ્મં પટિચ્ચ અબ્યાકતો અચેતસિકો ધમ્મો ઉપ્પજ્જતિ હેતુપચ્ચયા. (૧)

અકુસલં અચેતસિકઞ્ચ અબ્યાકતં અચેતસિકઞ્ચ ધમ્મં પટિચ્ચ અબ્યાકતો અચેતસિકો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૧૬. હેતુયા પઞ્ચ, આરમ્મણે એકં…પે… અવિગતે પઞ્ચ.

નહેતુયા એકં, નઆરમ્મણે પઞ્ચ, નોવિગતે પઞ્ચ.

(સહજાતવારમ્પિ…પે… પઞ્હાવારમ્પિ એવં વિત્થારેતબ્બં.)