૧-૭. પટિચ્ચવારાદિ

પચ્ચયચતુક્કં

૨૯. અબ્યાકતં ઉપાદિન્નં ધમ્મં પટિચ્ચ અબ્યાકતો ઉપાદિન્નો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)

૩૦. કુસલં અનુપાદિન્નં ધમ્મં પટિચ્ચ કુસલો અનુપાદિન્નો ધમ્મો ઉપ્પજ્જતિ હેતુપચ્ચયા… તીણિ.

અકુસલં અનુપાદિન્નં ધમ્મં પટિચ્ચ અકુસલો અનુપાદિન્નો ધમ્મો ઉપ્પજ્જતિ હેતુપચ્ચયા… તીણિ.

અબ્યાકતં અનુપાદિન્નં ધમ્મં પટિચ્ચ અબ્યાકતો અનુપાદિન્નો ધમ્મો ઉપ્પજ્જતિ હેતુપચ્ચયા. (૧)

કુસલં અનુપાદિન્નઞ્ચ અબ્યાકતં અનુપાદિન્નઞ્ચ ધમ્મં પટિચ્ચ અબ્યાકતો અનુપાદિન્નો ધમ્મો ઉપ્પજ્જતિ હેતુપચ્ચયા. (૧)

અકુસલં અનુપાદિન્નઞ્ચ અબ્યાકતં અનુપાદિન્નઞ્ચ ધમ્મં પટિચ્ચ અબ્યાકતો અનુપાદિન્નો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૩૧. હેતુયા નવ, આરમ્મણે તીણિ…પે… અવિગતે નવ (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

હેતુ-આરમ્મણપચ્ચયા

૩૨. કુસલો અનુપાદિન્નો ધમ્મો કુસલસ્સ અનુપાદિન્નસ્સ ધમ્મસ્સ હેતુપચ્ચયેન પચ્ચયો… તીણિ.

અકુસલો અનુપાદિન્નો ધમ્મો અકુસલસ્સ અનુપાદિન્નસ્સ ધમ્મસ્સ હેતુપચ્ચયેન પચ્ચયો… તીણિ.

અબ્યાકતો અનુપાદિન્નો ધમ્મો અબ્યાકતસ્સ અનુપાદિન્નસ્સ ધમ્મસ્સ હેતુપચ્ચયેન પચ્ચયો. (૧)

૩૩. કુસલો અનુપાદિન્નો ધમ્મો કુસલસ્સ અનુપાદિન્નસ્સ ધમ્મસ્સ આરમ્મણપચ્ચયેન પચ્ચયો… તીણિ.

અકુસલો અનુપાદિન્નો ધમ્મો અકુસલસ્સ અનુપાદિન્નસ્સ ધમ્મસ્સ આરમ્મણપચ્ચયેન પચ્ચયો… તીણિ.

અબ્યાકતો અનુપાદિન્નો ધમ્મો અબ્યાકતસ્સ અનુપાદિન્નસ્સ ધમ્મસ્સ આરમ્મણપચ્ચયેન પચ્ચયો. અબ્યાકતો અનુપાદિન્નો ધમ્મો કુસલસ્સ અનુપાદિન્નસ્સ ધમ્મસ્સ આરમ્મણપચ્ચયેન પચ્ચયો. અબ્યાકતો અનુપાદિન્નો ધમ્મો અકુસલસ્સ અનુપાદિન્નસ્સ ધમ્મસ્સ આરમ્મણપચ્ચયેન પચ્ચયો… તીણિ (સંખિત્તં).

૩૪. હેતુયા સત્ત, આરમ્મણે નવ, અધિપતિયા દસ, અનન્તરે છ…પે… સહજાતે નવ, નિસ્સયે નવ, ઉપનિસ્સયે નવ…પે… અવિગતે એકાદસ (સંખિત્તં).

કુસલત્તિકમહન્તરદુકં નિટ્ઠિતં.

૧-૬૯-૭૪. કુસલત્તિક-ઉપાદાનાદિદુકાનિ

૩૫. અકુસલં ઉપાદાનં ધમ્મં પટિચ્ચ અકુસલો ઉપાદાનો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (ઉપાદાનગોચ્છકં વિત્થારેતબ્બં).

કુસલત્તિકઉપાદાનગોચ્છકં નિટ્ઠિતં.