૧-૭. પટિચ્ચવારાદિ

પચ્ચયચતુક્કં

૨૪. અકુસલં આસવઞ્ચેવ આસવસમ્પયુત્તઞ્ચ ધમ્મં પટિચ્ચ અકુસલો આસવો ચેવ આસવસમ્પયુત્તો ચ ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… સમ્પયુત્તવારેપિ પઞ્હાવારેપિ સબ્બત્થ એકં).

૨૫. અકુસલં આસવસમ્પયુત્તઞ્ચેવ નો ચ આસવં ધમ્મં પટિચ્ચ અકુસલો આસવસમ્પયુત્તો ચેવ નો ચ આસવો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… સમ્પયુત્તવારેપિ પઞ્હાવારેપિ સબ્બત્થ એકં.)

૨૬. કુસલં આસવવિપ્પયુત્તં સાસવં ધમ્મં પટિચ્ચ કુસલો આસવવિપ્પયુત્તો સાસવો ધમ્મો ઉપ્પજ્જતિ હેતુપચ્ચયા… તીણિ.

અકુસલં આસવવિપ્પયુત્તં સાસવં ધમ્મં પટિચ્ચ અબ્યાકતો આસવવિપ્પયુત્તો સાસવો ધમ્મો ઉપ્પજ્જતિ હેતુપચ્ચયા. (૧)

અબ્યાકતં આસવવિપ્પયુત્તં સાસવં ધમ્મં પટિચ્ચ અબ્યાકતો આસવવિપ્પયુત્તો સાસવો ધમ્મો ઉપ્પજ્જતિ હેતુપચ્ચયા. (૧)

કુસલં આસવવિપ્પયુત્તં સાસવઞ્ચ અબ્યાકતં આસવવિપ્પયુત્તં સાસવઞ્ચ ધમ્મં પટિચ્ચ અબ્યાકતો આસવવિપ્પયુત્તો સાસવો ધમ્મો ઉપ્પજ્જતિ હેતુપચ્ચયા. (૧)

અકુસલં આસવવિપ્પયુત્તં સાસવઞ્ચ અબ્યાકતં આસવવિપ્પયુત્તં સાસવઞ્ચ ધમ્મં પટિચ્ચ અબ્યાકતો આસવવિપ્પયુત્તો સાસવો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૨૭. હેતુયા સત્ત, આરમ્મણે દ્વે…પે… અવિગતે સત્ત (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

૨૮. કુસલો આસવવિપ્પયુત્તો સાસવો ધમ્મો કુસલસ્સ આસવવિપ્પયુત્તસ્સ સાસવસ્સ ધમ્મસ્સ હેતુપચ્ચયેન પચ્ચયો… તીણિ.

અકુસલો આસવવિપ્પયુત્તો સાસવો ધમ્મો અબ્યાકતસ્સ આસવવિપ્પયુત્તસ્સ સાસવસ્સ ધમ્મસ્સ હેતુપચ્ચયેન પચ્ચયો. (૧)

અબ્યાકતો આસવવિપ્પયુત્તો સાસવો ધમ્મો અબ્યાકતસ્સ આસવવિપ્પયુત્તસ્સ સાસવસ્સ ધમ્મસ્સ હેતુપચ્ચયેન પચ્ચયો (સંખિત્તં).

૨૯. હેતુયા પઞ્ચ, આરમ્મણે નવ, અધિપતિયા ચત્તારિ…પે… અવિગતે દસ (સંખિત્તં. યથા કુસલત્તિકે પઞ્હાવારં, એવં વિત્થારેતબ્બં).