૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૧૯. અકુસલં આસવઞ્ચેવ સાસવઞ્ચ ધમ્મં પટિચ્ચ અકુસલો આસવો ચેવ સાસવો ચ ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… સમ્પયુત્તવારેપિ પઞ્હાવારેપિ સબ્બત્થ એકં).

૨૦. કુસલં સાસવઞ્ચેવ નો ચ આસવં ધમ્મં પટિચ્ચ કુસલો સાસવો ચેવ નો ચ આસવો ધમ્મો ઉપ્પજ્જતિ હેતુપચ્ચયા… તીણિ.

અકુસલં સાસવઞ્ચેવ નો ચ આસવં ધમ્મં પટિચ્ચ અકુસલો સાસવો ચેવ નો ચ આસવો ધમ્મો ઉપ્પજ્જતિ હેતુપચ્ચયા… તીણિ.

અબ્યાકતં સાસવઞ્ચેવ નો ચ આસવં ધમ્મં પટિચ્ચ અબ્યાકતો સાસવો ચેવ નો ચ આસવો ધમ્મો ઉપ્પજ્જતિ હેતુપચ્ચયા. (૧)

કુસલં સાસવઞ્ચેવ નો ચ આસવઞ્ચ અબ્યાકતં સાસવઞ્ચેવ નો ચ આસવઞ્ચ ધમ્મં પટિચ્ચ અબ્યાકતો સાસવો ચેવ નો ચ આસવો ધમ્મો ઉપ્પજ્જતિ હેતુપચ્ચયા. (૧)

અકુસલં સાસવઞ્ચેવ નો ચ આસવઞ્ચ અબ્યાકતં સાસવઞ્ચેવ નો ચ આસવઞ્ચ ધમ્મં પટિચ્ચ અબ્યાકતો સાસવો ચેવ નો ચ આસવો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૨૧. હેતુયા નવ, આરમ્મણે તીણિ, અધિપતિયા નવ…પે… અવિગતે નવ (સંખિત્તં).

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

૨૨. કુસલો સાસવો ચેવ નો ચ આસવો ધમ્મો કુસલસ્સ સાસવસ્સ ચેવ નો ચ આસવસ્સ ધમ્મસ્સ હેતુપચ્ચયેન પચ્ચયો… તીણિ.

અકુસલો સાસવો ચેવ નો ચ આસવો ધમ્મો અકુસલસ્સ સાસવસ્સ ચેવ નો ચ આસવસ્સ ધમ્મસ્સ હેતુપચ્ચયેન પચ્ચયો… તીણિ.

અબ્યાકતો સાસવો ચેવ નો ચ આસવો ધમ્મો અબ્યાકતસ્સ સાસવસ્સ ચેવ નો ચ આસવસ્સ ધમ્મસ્સ હેતુપચ્ચયેન પચ્ચયો. (૧) (સંખિત્તં.)

૨૩. હેતુયા સત્ત, આરમ્મણે નવ, અધિપતિયા નવ…પે… અવિગતે તેરસ (સંખિત્તં. યથા કુસલત્તિકે પઞ્હાવારં, એવં વિત્થારેતબ્બં).