૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૩૦. કુસલં આસવવિપ્પયુત્તં અનાસવં ધમ્મં પટિચ્ચ કુસલો આસવવિપ્પયુત્તો અનાસવો ધમ્મો ઉપ્પજ્જતિ હેતુપચ્ચયા. (૧)

અબ્યાકતં આસવવિપ્પયુત્તં અનાસવં ધમ્મં પટિચ્ચ અબ્યાકતો આસવવિપ્પયુત્તો અનાસવો ધમ્મો ઉપ્પજ્જતિ હેતુપચ્ચયા (સંખિત્તં).

૩૧. હેતુયા દ્વે, આરમ્મણે દ્વે…પે… અવિગતે દ્વે (સંખિત્તં).

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

હેતુઆરમ્મણપચ્ચયાદિ

૩૨. કુસલો આસવવિપ્પયુત્તો અનાસવો ધમ્મો કુસલસ્સ આસવવિપ્પયુત્તસ્સ અનાસવસ્સ ધમ્મસ્સ હેતુપચ્ચયેન પચ્ચયો. (૧)

અબ્યાકતો આસવવિપ્પયુત્તો અનાસવો ધમ્મો અબ્યાકતસ્સ આસવવિપ્પયુત્તસ્સ અનાસવસ્સ ધમ્મસ્સ હેતુપચ્ચયેન પચ્ચયો. (૧)

અબ્યાકતો આસવવિપ્પયુત્તો અનાસવો ધમ્મો અબ્યાકતસ્સ આસવવિપ્પયુત્તસ્સ અનાસવસ્સ ધમ્મસ્સ આરમ્મણપચ્ચયેન પચ્ચયો. (૧)

અબ્યાકતો આસવવિપ્પયુત્તો અનાસવો ધમ્મો કુસલસ્સ આસવવિપ્પયુત્તસ્સ અનાસવસ્સ ધમ્મસ્સ આરમ્મણપચ્ચયેન પચ્ચયો. (૧)

કુસલો આસવવિપ્પયુત્તો અનાસવો ધમ્મો કુસલસ્સ આસવવિપ્પયુત્તસ્સ અનાસવસ્સ ધમ્મસ્સ અધિપતિપચ્ચયેન પચ્ચયો. (૧)

અબ્યાકતો આસવવિપ્પયુત્તો અનાસવો ધમ્મો અબ્યાકતસ્સ આસવવિપ્પયુત્તસ્સ અનાસવસ્સ ધમ્મસ્સ અધિપતિપચ્ચયેન પચ્ચયો. (૧)

અબ્યાકતો આસવવિપ્પયુત્તો અનાસવો ધમ્મો કુસલસ્સ આસવવિપ્પયુત્તસ્સ અનાસવસ્સ ધમ્મસ્સ અધિપતિપચ્ચયેન પચ્ચયો. (૧)

કુસલો આસવવિપ્પયુત્તો અનાસવો ધમ્મો અબ્યાકતસ્સ આસવવિપ્પયુત્તસ્સ અનાસવસ્સ ધમ્મસ્સ અનન્તરપચ્ચયેન પચ્ચયો. (૧)

અબ્યાકતો આસવવિપ્પયુત્તો અનાસવો ધમ્મો અબ્યાકતસ્સ આસવવિપ્પયુત્તસ્સ અનાસવસ્સ ધમ્મસ્સ અનન્તરપચ્ચયેન પચ્ચયો. (૧) (સંખિત્તં.)

૩૩. હેતુયા દ્વે, આરમ્મણે દ્વે, અધિપતિયા તીણિ, અનન્તરે દ્વે, સમનન્તરે દ્વે, સહજાતે દ્વે, અઞ્ઞમઞ્ઞે દ્વે, નિસ્સયે દ્વે, ઉપનિસ્સયે ચત્તારિ…પે… અવિગતે દ્વે (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)

કુસલત્તિકઆસવગોચ્છકં નિટ્ઠિતં.

૧-૨૦-૫૪. કુસલત્તિક-સઞ્ઞોજનાદિદુકાનિ

૩૪. અકુસલં સઞ્ઞોજનં ધમ્મં પટિચ્ચ…પે… અકુસલં ગન્થં… ઓઘં… યોગં… નીવરણં….

કુસલં નોપરામાસં ધમ્મં પટિચ્ચ કુસલો નોપરામાસો ધમ્મો ઉપ્પજ્જતિ હેતુપચ્ચયા. (આસવગોચ્છકસદિસં.) દિટ્ઠિં પટિચ્ચ દિટ્ઠિ ન ઉપ્પજ્જતિ.

કુસલત્તિકે છ ગોચ્છકં નિટ્ઠિતં.