૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૧. અકુસલં આસવં ધમ્મં પટિચ્ચ અકુસલો આસવો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં…પે… અવિગતે એકં (સંખિત્તં).

(સહજાતવારેપિ…પે… સમ્પયુત્તવારેપિ પઞ્હાવારેપિ સબ્બત્થ એકં).

૨. કુસલં નોઆસવં ધમ્મં પટિચ્ચ કુસલો નોઆસવો ધમ્મો ઉપ્પજ્જતિ હેતુપચ્ચયા. કુસલં નોઆસવં ધમ્મં પટિચ્ચ અબ્યાકતો નોઆસવો ધમ્મો ઉપ્પજ્જતિ હેતુપચ્ચયા. કુસલં નોઆસવં ધમ્મં પટિચ્ચ કુસલો નોઆસવો ચ અબ્યાકતો નોઆસવો ચ ધમ્મા ઉપ્પજ્જન્તિ હેતુપચ્ચયા. (૩)

અકુસલં નોઆસવં ધમ્મં પટિચ્ચ અકુસલો નોઆસવો ધમ્મો ઉપ્પજ્જતિ હેતુપચ્ચયા… તીણિ.

અબ્યાકતં નોઆસવં ધમ્મં પટિચ્ચ અબ્યાકતો નોઆસવો ધમ્મો ઉપ્પજ્જતિ હેતુપચ્ચયા. (૧)

કુસલં નોઆસવઞ્ચ અબ્યાકતં નોઆસવઞ્ચ ધમ્મં પટિચ્ચ અબ્યાકતો નોઆસવો ધમ્મો ઉપ્પજ્જતિ હેતુપચ્ચયા. (૧)

અકુસલં નોઆસવઞ્ચ અબ્યાકતં નોઆસવઞ્ચ ધમ્મં પટિચ્ચ અબ્યાકતો નોઆસવો ધમ્મો ઉપ્પજ્જતિ હેતુપચ્ચયા. (૧)

આરમ્મણપચ્ચયો

૩. કુસલં નોઆસવં ધમ્મં પટિચ્ચ કુસલો નોઆસવો ધમ્મો ઉપ્પજ્જતિ આરમ્મણપચ્ચયા. (૧)

અકુસલં નોઆસવં ધમ્મં પટિચ્ચ અકુસલો નોઆસવો ધમ્મો ઉપ્પજ્જતિ આરમ્મણપચ્ચયા. (૧)

અબ્યાકતં નોઆસવં ધમ્મં પટિચ્ચ અબ્યાકતો નોઆસવો ધમ્મો ઉપ્પજ્જતિ આરમ્મણપચ્ચયા. (૧) (સંખિત્તં.)

૪. હેતુયા નવ, આરમ્મણે તીણિ, અધિપતિયા નવ…પે… અવિગતે નવ (સંખિત્તં).

નહેતુયા એકં, નઆરમ્મણે પઞ્ચ, નઅધિપતિયા નવ…પે… નોવિગતે પઞ્ચ (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

હેતુ-આરમ્મણપચ્ચયા

૫. કુસલો નોઆસવો ધમ્મો કુસલસ્સ નોઆસવસ્સ ધમ્મસ્સ હેતુપચ્ચયેન પચ્ચયો… તીણિ.

અકુસલો નોઆસવો ધમ્મો અકુસલસ્સ નોઆસવસ્સ ધમ્મસ્સ હેતુપચ્ચયેન પચ્ચયો… તીણિ.

અબ્યાકતો નોઆસવો ધમ્મો અબ્યાકતસ્સ નોઆસવસ્સ ધમ્મસ્સ હેતુપચ્ચયેન પચ્ચયો. (૧)

કુસલો નોઆસવો ધમ્મો કુસલસ્સ નોઆસવસ્સ ધમ્મસ્સ આરમ્મણપચ્ચયેન પચ્ચયો (સંખિત્તં).

૬. હેતુયા સત્ત, આરમ્મણે નવ, અધિપતિયા દસ…પે… અવિગતે તેરસ (સંખિત્તં. યથા કુસલત્તિકે પઞ્હાવારં, એવં વિત્થારેતબ્બં).