૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૨૫. અબ્યાકતં રૂપિં ધમ્મં પટિચ્ચ અબ્યાકતો રૂપી ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)

૨૬. કુસલં અરૂપિં ધમ્મં પટિચ્ચ કુસલો અરૂપી ધમ્મો ઉપ્પજ્જતિ હેતુપચ્ચયા. (૧)

અકુસલં અરૂપિં ધમ્મં પટિચ્ચ અકુસલો અરૂપી ધમ્મો ઉપ્પજ્જતિ હેતુપચ્ચયા. (૧)

અબ્યાકતં અરૂપિં ધમ્મં પટિચ્ચ અબ્યાકતો અરૂપી ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૨૭. હેતુયા તીણિ, આરમ્મણે તીણિ…પે… અવિગતે તીણિ (સંખિત્તં).

નહેતુયા દ્વે, નઅધિપતિયા તીણિ…પે… (સંખિત્તં).

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

હેતુ-આરમ્મણપચ્ચયા

૨૮. કુસલો અરૂપી ધમ્મો કુસલસ્સ અરૂપિસ્સ ધમ્મસ્સ હેતુપચ્ચયેન પચ્ચયો. (૧)

અકુસલો અરૂપી ધમ્મો અકુસલસ્સ અરૂપિસ્સ ધમ્મસ્સ હેતુપચ્ચયેન પચ્ચયો. (૧)

અબ્યાકતો અરૂપી ધમ્મો અબ્યાકતસ્સ અરૂપિસ્સ ધમ્મસ્સ હેતુપચ્ચયેન પચ્ચયો. (૧)

કુસલો અરૂપી ધમ્મો કુસલસ્સ અરૂપિસ્સ ધમ્મસ્સ આરમ્મણપચ્ચયેન પચ્ચયો… તીણિ.

અકુસલો અરૂપી ધમ્મો અકુસલસ્સ અરૂપિસ્સ ધમ્મસ્સ આરમ્મણપચ્ચયેન પચ્ચયો… તીણિ.

અબ્યાકતો અરૂપી ધમ્મો અબ્યાકતસ્સ અરૂપિસ્સ ધમ્મસ્સ આરમ્મણપચ્ચયેન પચ્ચયો (સંખિત્તં).

૨૯. હેતુયા તીણિ, આરમ્મણે નવ, અધિપતિયા સત્ત…પે… અવિગતે તીણિ (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)