૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૧૭. અબ્યાકતં સપ્પટિઘં ધમ્મં પટિચ્ચ અબ્યાકતો સપ્પટિઘો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)

૧૮. કુસલં અપ્પટિઘં ધમ્મં પટિચ્ચ કુસલો અપ્પટિઘો ધમ્મો ઉપ્પજ્જતિ હેતુપચ્ચયા… તીણિ.

અકુસલં અપ્પટિઘં ધમ્મં પટિચ્ચ અકુસલો અપ્પટિઘો ધમ્મો ઉપ્પજ્જતિ હેતુપચ્ચયા… તીણિ.

અબ્યાકતં અપ્પટિઘં ધમ્મં પટિચ્ચ અબ્યાકતો અપ્પટિઘો ધમ્મો ઉપ્પજ્જતિ હેતુપચ્ચયા. (૧)

કુસલં અપ્પટિઘઞ્ચ અબ્યાકતં અપ્પટિઘઞ્ચ ધમ્મં પટિચ્ચ અબ્યાકતો અપ્પટિઘો ધમ્મો ઉપ્પજ્જતિ હેતુપચ્ચયા. (૧)

અકુસલં અપ્પટિઘઞ્ચ અબ્યાકતં અપ્પટિઘઞ્ચ ધમ્મં પટિચ્ચ અબ્યાકતો અપ્પટિઘો ધમ્મો ઉપ્પજ્જતિ હેતુપચ્ચયા. (૧)

આરમ્મણપચ્ચયો

૧૯. કુસલં અપ્પટિઘં ધમ્મં પટિચ્ચ કુસલો અપ્પટિઘો ધમ્મો ઉપ્પજ્જતિ આરમ્મણપચ્ચયા. (૧)

અકુસલં અપ્પટિઘં ધમ્મં પટિચ્ચ અકુસલો અપ્પટિઘો ધમ્મો ઉપ્પજ્જતિ આરમ્મણપચ્ચયા. (૧)

અબ્યાકતં અપ્પટિઘં ધમ્મં પટિચ્ચ અબ્યાકતો અપ્પટિઘો ધમ્મો ઉપ્પજ્જતિ આરમ્મણપચ્ચયા. (૧) (સંખિત્તં.)

૨૦. હેતુયા નવ, આરમ્મણે તીણિ, અધિપતિયા નવ…પે… અવિગતે નવ (સંખિત્તં).

પચ્ચનીયં

નહેતુપચ્ચયો

૨૧. અકુસલં અપ્પટિઘં ધમ્મં પટિચ્ચ અકુસલો અપ્પટિઘો ધમ્મો ઉપ્પજ્જતિ નહેતુપચ્ચયા. (૧)

અબ્યાકતં અપ્પટિઘં ધમ્મં પટિચ્ચ અબ્યાકતો અપ્પટિઘો ધમ્મો ઉપ્પજ્જતિ નહેતુપચ્ચયા. (૧) (સંખિત્તં.)

૨૨. નહેતુયા દ્વે, નઆરમ્મણે પઞ્ચ, નઅધિપતિયા નવ…પે… નોવિગતે પઞ્ચ (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

હેતુપચ્ચયો

૨૩. કુસલો અપ્પટિઘો ધમ્મો કુસલસ્સ અપ્પટિઘસ્સ ધમ્મસ્સ હેતુપચ્ચયેન પચ્ચયો… તીણિ.

અકુસલો અપ્પટિઘો ધમ્મો અકુસલસ્સ અપ્પટિઘસ્સ ધમ્મસ્સ હેતુપચ્ચયેન પચ્ચયો… તીણિ.

અબ્યાકતો અપ્પટિઘો ધમ્મો અબ્યાકતસ્સ અપ્પટિઘસ્સ ધમ્મસ્સ હેતુપચ્ચયેન પચ્ચયો. (૧) (સંખિત્તં.)

૨૪. હેતુયા સત્ત, આરમ્મણે નવ, અધિપતિયા દસ…પે… અવિગતે તેરસ (સંખિત્તં. યથા કુસલત્તિકે પઞ્હાવારં, એવં વિત્થારેતબ્બં).