૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૩૦. કુસલં લોકિયં ધમ્મં પટિચ્ચ કુસલો લોકિયો ધમ્મો ઉપ્પજ્જતિ હેતુપચ્ચયા. કુસલં લોકિયં ધમ્મં પટિચ્ચ અબ્યાકતો લોકિયો ધમ્મો ઉપ્પજ્જતિ હેતુપચ્ચયા. કુસલં લોકિયં ધમ્મં પટિચ્ચ કુસલો લોકિયો ચ અબ્યાકતો લોકિયો ચ ધમ્મા ઉપ્પજ્જન્તિ હેતુપચ્ચયા. (૩)

અકુસલં લોકિયં ધમ્મં પટિચ્ચ અકુસલો લોકિયો ધમ્મો ઉપ્પજ્જતિ હેતુપચ્ચયા… તીણિ.

અબ્યાકતં લોકિયં ધમ્મં પટિચ્ચ અબ્યાકતો લોકિયો ધમ્મો ઉપ્પજ્જતિ હેતુપચ્ચયા. (૧)

કુસલં લોકિયઞ્ચ અબ્યાકતં લોકિયઞ્ચ ધમ્મં પટિચ્ચ અબ્યાકતો લોકિયો ધમ્મો ઉપ્પજ્જતિ હેતુપચ્ચયા. (૧)

અકુસલં લોકિયઞ્ચ અબ્યાકતં લોકિયઞ્ચ ધમ્મં પટિચ્ચ અબ્યાકતો લોકિયો ધમ્મો ઉપ્પજ્જતિ હેતુપચ્ચયા (૧) (સંખિત્તં.)

૩૧. હેતુયા નવ, આરમ્મણે તીણિ…પે… અવિગતે નવ (સંખિત્તં).

પચ્ચનીયં

નહેતુપચ્ચયો

૩૨. અકુસલં લોકિયં ધમ્મં પટિચ્ચ અકુસલો લોકિયો ધમ્મો ઉપ્પજ્જતિ નહેતુપચ્ચયા. (૧)

અબ્યાકતં લોકિયં ધમ્મં પટિચ્ચ અબ્યાકતો લોકિયો ધમ્મો ઉપ્પજ્જતિ નહેતુપચ્ચયા. (૧) (સંખિત્તં.)

૩૩. નહેતુયા દ્વે, નઆરમ્મણે પઞ્ચ, નઅધિપતિયા નવ…પે… નોવિગતે પઞ્ચ (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

હેતુ-આરમ્મણપચ્ચયા

૩૪. કુસલો લોકિયો ધમ્મો કુસલસ્સ લોકિયસ્સ ધમ્મસ્સ હેતુપચ્ચયેન પચ્ચયો… તીણિ.

અકુસલો લોકિયો ધમ્મો અકુસલસ્સ લોકિયસ્સ ધમ્મસ્સ હેતુપચ્ચયેન પચ્ચયો… તીણિ.

અબ્યાકતો લોકિયો ધમ્મો અબ્યાકતસ્સ લોકિયસ્સ ધમ્મસ્સ હેતુપચ્ચયેન પચ્ચયો. (૧)

૩૫. કુસલો લોકિયો ધમ્મો કુસલસ્સ લોકિયસ્સ ધમ્મસ્સ આરમ્મણપચ્ચયેન પચ્ચયો… તીણિ.

અકુસલો લોકિયો ધમ્મો અકુસલસ્સ લોકિયસ્સ ધમ્મસ્સ આરમ્મણપચ્ચયેન પચ્ચયો… તીણિ.

અબ્યાકતો લોકિયો ધમ્મો અબ્યાકતસ્સ લોકિયસ્સ ધમ્મસ્સ આરમ્મણપચ્ચયેન પચ્ચયો… તીણિ (સંખિત્તં).

૩૬. હેતુયા સત્ત, આરમ્મણે નવ, અધિપતિયા નવ…પે… અવિગતે તેરસ (સંખિત્તં. યથા કુસલત્તિકે પઞ્હાવારં, એવં વિત્થારેતબ્બં).