૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૨૭૯. કુસલં નહેતું સહેતુકં ધમ્મં પટિચ્ચ કુસલો નહેતુ સહેતુકો ધમ્મો ઉપ્પજ્જતિ હેતુપચ્ચયા. (૧)

અકુસલં નહેતું સહેતુકં ધમ્મં પટિચ્ચ અકુસલો નહેતુ સહેતુકો ધમ્મો ઉપ્પજ્જતિ હેતુપચ્ચયા. (૧)

અબ્યાકતં નહેતું સહેતુકં ધમ્મં પટિચ્ચ અબ્યાકતો નહેતુ સહેતુકો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૨૮૦. હેતુયા તીણિ, આરમ્મણે તીણિ…પે… અવિગતે તીણિ (સંખિત્તં).

નઅધિપતિયા તીણિ (સંખિત્તં).

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

આરમ્મણપચ્ચયો

૨૮૧. કુસલો નહેતુ સહેતુકો ધમ્મો કુસલસ્સ નહેતુસ્સ સહેતુકસ્સ ધમ્મસ્સ આરમ્મણપચ્ચયેન પચ્ચયો… તીણિ.

અકુસલો નહેતુ સહેતુકો ધમ્મો અકુસલસ્સ નહેતુસ્સ સહેતુકસ્સ ધમ્મસ્સ આરમ્મણપચ્ચયેન પચ્ચયો… તીણિ.

અબ્યાકતો નહેતુ સહેતુકો ધમ્મો અબ્યાકતસ્સ નહેતુસ્સ સહેતુકસ્સ ધમ્મસ્સ આરમ્મણપચ્ચયેન પચ્ચયો… તીણિ (સંખિત્તં).

૨૮૨. આરમ્મણે નવ, અધિપતિયા સત્ત, અનન્તરે પઞ્ચ…પે… સહજાતે અઞ્ઞમઞ્ઞે નિસ્સયે તીણિ, ઉપનિસ્સયે નવ, આસેવને તીણિ, કમ્મે પઞ્ચ, વિપાકે એકં, આહારે…પે… સમ્પયુત્તે તીણિ…પે… અવિગતે તીણિ (સંખિત્તં).

નહેતુયા નવ, નઆરમ્મણે નવ (સંખિત્તં).

આરમ્મણપચ્ચયા નહેતુયા નવ (સંખિત્તં).

નહેતુપચ્ચયા આરમ્મણે નવ (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)

નહેતુઅહેતુકપદં

હેતુપચ્ચયો

૨૮૩. અબ્યાકતં નહેતું અહેતુકં ધમ્મં પટિચ્ચ અબ્યાકતો નહેતુ અહેતુકો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (સંખિત્તં).

નહેતુયા એકં…પે… નોવિગતે એકં (સંખિત્તં).

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

૨૮૪. અબ્યાકતો નહેતુ અહેતુકો ધમ્મો અબ્યાકતસ્સ નહેતુસ્સ અહેતુકસ્સ ધમ્મસ્સ આરમ્મણપચ્ચયેન પચ્ચયો (સંખિત્તં).

આરમ્મણે એકં, અધિપતિયા એકં…પે… અવિગતે એકં (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)

હેતુગોચ્છકં નિટ્ઠિતં.