૭. પઞ્હાવારો

પચ્ચયચતુક્કં

૨૧૦. પચ્ચુપ્પન્નો હેતુ ધમ્મો પચ્ચુપ્પન્નસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)

અતીતો હેતુ ધમ્મો પચ્ચુપ્પન્નસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. અનાગતો હેતુ ધમ્મો પચ્ચુપ્પન્નસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. (૨) (સંખિત્તં.)

૨૧૧. હેતુયા એકં, આરમ્મણે દ્વે, અધિપતિયા તીણિ…પે… સહજાતે એકં, અઞ્ઞમઞ્ઞે એકં, નિસ્સયે એકં, ઉપનિસ્સયે દ્વે…પે… વિપાકે એકં, ઇન્દ્રિયે એકં, મગ્ગે એકં, સમ્પયુત્તે એકં, અત્થિયા એકં…પે… અવિગતે એકં (સંખિત્તં).

નહેતુયા દ્વે, નઆરમ્મણે દ્વે (સંખિત્તં).

હેતુપચ્ચયા નઆરમ્મણે એકં (સંખિત્તં).

નહેતુપચ્ચયા આરમ્મણે દ્વે (સંખિત્તં).

નહેતુપદં

આરમ્મણપચ્ચયો

૨૧૨. અતીતો નહેતુ ધમ્મો પચ્ચુપ્પન્નસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. (૧)

અનાગતો નહેતુ ધમ્મો પચ્ચુપ્પન્નસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. (૧)

પચ્ચુપ્પન્નો નહેતુ ધમ્મો પચ્ચુપ્પન્નસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. (૧) (સંખિત્તં.)

૨૧૩. આરમ્મણે તીણિ, અધિપતિયા તીણિ…પે… સહજાતે એકં, અઞ્ઞમઞ્ઞે એકં, નિસ્સયે એકં, ઉપનિસ્સયે તીણિ…પે… આસેવને એકં, કમ્મે દ્વે, વિપાકે એકં…પે… ઇન્દ્રિયે એકં, મગ્ગે એકં, સમ્પયુત્તે એકં, અત્થિયા એકં…પે… અવિગતે એકં (સંખિત્તં).

નહેતુયા તીણિ, નઆરમ્મણે તીણિ (સંખિત્તં).

આરમ્મણપચ્ચયા નહેતુયા તીણિ (સંખિત્તં).

નહેતુપચ્ચયા આરમ્મણે તીણિ (સંખિત્તં).